Football News

ဂန္ထ၀င်တစ်ဦးရဲ့နောက်ဆုံးအချိန်တွေအကြောင်း

ဂန္ထ၀င်တစ်ဦးရဲ့နောက်ဆုံးအချိန်တွေအကြောင်း

၂၀၂၁ ခုနှစ်၊ အောက်တိုဘာ ၃၀ ရက်ဟာ အဂွဲရိုးအတွက် နတ်ဆိုးပဲ။ နှလုံးခုန်နှုန်း ပုံမှန်မဟုတ်ဘဲ ရုတ်တရက် အသက်ရှုကျပ်လာလို့  အလာဗတ်စ်နဲ့ပွဲမှာ ဆက်မကစားနိုင်ဘဲ ကွင်းထဲကနေ ထွက်ခွာခဲ့ရတယ်။ အဲဒီပွဲဟာ အဂွဲရိုးရဲ့ ပရော်ဖက်ရှင်နယ်ကစားသမားဘဝနောက်ဆုံးပွဲဆိုတာ ဘယ်သူကြိုသိနိုင်မလဲ။ ကံကြမ္မာနတ်သမီးလား။ နတ်ဆိုးခေါင်းဆောင်လား။ အဂွဲရိုးကိုယ်တိုင်လား။ ကိုယ့်နှလုံးသားဖောက်ပြန်ရေးအသံကို နားဆင်ရင်းကြေကွဲခဲ့ရသူ အဂွဲရိုးပါပဲ။

ဂန္ထ၀င်တစ်ဦးရဲ့နောက်ဆုံးအချိန်တွေအကြောင်း

ကိုယ့်ကိုယ်ကို ဂုဏ်ယူစိတ်ဟာ အဂွဲရိုး နှလုံးသားထဲ အားကောင်းမောင်းသန်  စီးဆင်းခဲ့ဖူးတယ်။ အဲဒီနှလုံးသားခံစားချက်တွေကြောင့်ပဲ

တစ်ဘ၀လုံးချစ်ခဲ့ရတဲ့မြတ်နိုးတဲ့  ဘောလုံးအားကစားနည်းကို သံယောစဉ်ဖြတ်ခဲ့ရချိန်မှာ ၀မ်းနည်းလို့ မဆုံးနိုင်ဘူး။

၂၀၂၁ ခုနှစ်၊ အောက်တိုဘာ ၃၀ ရက်ဟာ အဂွဲရိုးအတွက် နတ်ဆိုးပဲ။ နှလုံးခုန်နှုန်း ပုံမှန်မဟုတ်ဘဲ ရုတ်တရက် အသက်ရှုကျပ်လာလို့

အလာဗတ်စ်နဲ့ပွဲမှာ ဆက်မကစားနိုင်ဘဲ ကွင်းထဲကနေ ထွက်ခွာခဲ့ရတယ်။

အဲဒီပွဲဟာ အဂွဲရိုးရဲ့ ပရော်ဖက်ရှင်နယ်ကစားသမားဘဝနောက်ဆုံးပွဲဆိုတာ ဘယ်သူကြိုသိနိုင်မလဲ။

ကံကြမ္မာနတ်သမီးလား။ နတ်ဆိုးခေါင်းဆောင်လား။ အဂွဲရိုးကိုယ်တိုင်လား။

ကိုယ့်နှလုံးသားဖောက်ပြန်ရေးအသံကို နားဆင်ရင်းကြေကွဲခဲ့ရသူ အဂွဲရိုးပါပဲ။

အခက်အခဲဆုံး ဆုံးဖြတ်ချက်ကို ချမှတ်ရတာ မျှော်လင့်ထားတာထက် ပိုနာကျင်ရတယ်။

"ကျနော့်ကို ပထမဆုံး စမ်းသပ်စစ်ဆေးချိန်မှာ ဆေးပညာရှင်က ဘောလုံးဆက်ကစားဖို့ မလွယ်ကူတော့ဘူးလို့ အသိပေးတယ်။

အဲဒီအချိန်ကတည်းက အနားယူရမယ့်အကြောင်း ကြိုတွေးခဲ့ပေမဲ့ တကယ်တမ်းရင်ဆိုင်ရချိန်မှာ မလွယ်ကူပါဘူး။

ဆရာ၀န်တစ်ယောက်ဆိုရင် ကျနော့်ကို နားလိုက်တော့ဆိုပြီး ပွင့်ပွင့်လင်းလင်းပြောခဲ့တယ်။ "

"ကျနော့်ဘ၀မှာ ဖြစ်နိုင်သမျှအရာအားလုံး လုပ်နိုင်ခဲ့ပါတယ်။ ငါးနှစ်သားကတည်းက ဘောလုံးသမားဖြစ်အောင် အိပ်မက်မက်ခဲ့ပါတယ်။

ဘောလုံးနဲ့ ပထမဆုံး ရင်းနှီးခဲ့ပါတယ်။ ကျနော် ပိုင်ဆိုင်ခွင့်ရတဲ့ ကံကြမ္မာနဲ့ ကစားသမားဘ၀ကို ဂုဏ်ယူမိပါတယ်။

အနာဂတ်မှာ ဘယ်လို ဘ၀မျိုးက ကျနော့်ကို စောင့်ကြိုနေမလဲဆိုတာကြိုမသိပေမဲ့ ကျနော့်ကို ချစ်ပြီးအကောင်းဆုံးဖြစ်စေချင်သူတွေ ရှိနေမယ်ဆိုတာ သေချာပါတယ်" လို့

ကစားသမားဘ၀က အနားယူကြောင်း တရား၀င်ကြေညာတဲ့အခမ်းအနားမှာ အဂွဲရိုး ပြောခဲ့ပေါ့။

အက်သလက်တီကိုက အဂွဲရိုးကို ဥရောပဘောလုံး နယ်ပယ်ဆီ တင်သွင်းခဲ့တယ်ဆိုရင် မန်စီးတီးက အဂွဲရိုးကို ဂန္ထ၀င်တစ်ဦးအဖြစ် ပြုစုပျိုးထောင်ပေးခဲ့တာပါပဲ။

မန်စီးတီးနဲ့ ဖြတ်သန်းခဲ့ရာ ဆယ်နှစ်တာကာလအတွင်း  QPR နဲ့ ပွဲမှာနောက်ကျဂိုးသွင်းပြီး အကြီးအကျယ်အောင်ပွဲခံတဲ့အဂွဲရိုးကနေ

မန်စီးတီးသမိုင်းတစ်လျှောက် ဂိုးအများဆုံးသွင်းသူ၊ ပရီးမီးယားလိဂ်သမိုင်းတစ်လျှောက် ဂိုးအများဆုံးသွင်းတဲ့ ပြည်ပကစားသမား၊

ပရီးမီးယားလိဂ်သမိုင်းတစ်လျှောက် စတုတ္ထသွင်းဂိုးအများဆုံးကစားသမားဆိုတဲ့ ဂုဏ်ရည်ဟာ မေ့ရက်စရာမဟုတ်ဘူး။

ပြည်တွင်းအောင်မြင်မှုတွေနဲ့ပဲ တင်းတိမ်ရပေမဲ့ ချန်ပီယံလိဂ်ဖလားကို နမ်းရှိုက်ခွင့်မရပေမဲ့ မန်စီးတီးတစ်ခေတ်တည်ထောင်ရေးခရီးစဉ်မှာ

ရွှေရောင်သူရဲကောင်းဆိုတာ သံသယဖြစ်စရာမလိုဘူး။

" ၁၈ နှစ်အရွယ်ချာတိတ်လေးကို  အက်သလက်တီကိုက လောင်းကြေးထပ်ခဲ့တယ်။ ပထမဆုံးဥရောပမြေစွန့်စားခန်းဟာ အောင်မြင်ခဲ့ပါတယ်။

မန်စီးတီးကလည်း ကျနော့်ကိုအကောင်းဆုံး စောင့်ရှောက်ခဲ့ပါတယ်။ သူတို့အပေါ် ကျနော်ရဲ့သဘောထားကိုလည်း အားလုံးသိမယ်ထင်ပါတယ်။

ကစားသမားတိုင်းအတွက် ဆုဖလားအောင်မြင်မှုဆိုတာ အမြဲတမ်းလိုအပ်တဲ့ အရာပါပဲ။ ကျနော် ပိုင်ဆိုင်ခွင့်ရတဲ့ ဆုဖလားအောင်မြင်မှုတွေအတွက်လည်း ကျေနပ်ပါတယ်။

လူတွေက ကျနော်ဟာ ဒီထက်ပိုအောင်မြင်သင့်တယ်လို့ ပြောကြပေမဲ့ ကျနော်က တစ်ဦးချင်းအရရော၊

ကလပ်အသင်းတွေ အတွက်ပါ အကောင်းဆုံးလုပ်နိုင်ခဲ့တယ်လို့ ထင်ပါတယ်" ဆိုပြီး အဂွဲရိုးက သူ့ဘ၀သူ ရောင့်ရဲခဲ့တယ်။

အဂွဲရိုးကို ခပ်လွယ်လွယ်ညွှန်းဆိုရင် Powerful၊ Combative ဆိုပြီး တံဆိပ်ကပ်နိုင်တယ်။ သူ ကျော်ဖြတ်ခဲ့ရာ ခံစစ်တံတိုင်းများစွာဟာ

သူ့ကိုမုန်းတီးရင်းနဲ့ပဲ အမှတ်ရနေလိမ့်မယ်။ အံ့အားသင့်စွာ တသသပြောကျန်လိမ့်မယ်။ နောက်တစ်ခါရင်ဆိုင်ရရင်  ဘယ်လိုတားဆီးလိုက်မယ်ဆိုပြီး

မချိတင်ကဲ ရေရွတ်နေလိမ့်မယ်။ အတိတ်မှာ အဂွဲရိုးရဲ့ စွမ်းအားကြောင့် ပြိုလဲခဲ့သူတွေဟာ ရန်သူတော်တစ်ဦးလို မုန်းတီးနေနိုင်သလို၊ လေးစားစွာလည်း ချစ်မြတ်နိုးနေနိုင်ပါတယ်။

အဂွဲရိုးရဲ့ ကစားသမားဘဝနှောင်းပိုင်းဟာ ဆွေးမြေ့ချင်စရာခပ်များများရယ်။

မက်ဆီနဲ့ ကလပ်အသင်းတစ်ခုတည်း ကစားချင်လို့ ဘာစီလိုနာကို သွားခဲ့တယ်။

ဘယ်သူမှ မျှော်လင့်မထားတဲ့  ဘာစီလိုနာ-မက်ဆီ လမ်းခွဲကြောင့် အဂွဲရိုးဆန္ဒမပြည့်ခဲ့ရှာဘူး။

ဒဏ်ရာပြဿနာ ဇာတ်လမ်းတွဲတွေကြောင့် မန်စီးတီးနဲ့ နောက်ဆုံးနှစ်မှာ အဂွဲရိုးတိတ်ဆိတ်ခဲ့ရ ဘာစီလိုနာရဲ့ ပြဿနာအထွေထွေကြားထဲမှာလည်း

အဂွဲရိုးဟန်၊ အဂွဲရိုး မာန် ခံစားခွင့်မရဘဲ အဆုံးသတ်ခဲ့ရတယ်။

အာဂျင်တီးနားမှာ အဂွဲရိုးရဲ့ မပြီးသေးတဲ့စိတ်ကူးအိပ်မက်တွေ ရှိခဲ့တယ်။

အင်ဒီပင်ဒီယန်တေးအသင်းနဲ့အတူ အဂွဲရိုးရဲ့ စိတ်ကူးအိပ်မက်တွေ၊ နှလုံးသားချင်း နားလည်မှုစာချွှန်လွှာ ထိုးတာတာ တစ်နေ့နေ့မှာ အင်ဒီပင်ဒီယန်တေးအသင်းမှာ

ပြန်ကစားရင်း အနားယူမယ်လို့ အဂွဲရိုး စိတ်ကူးထားခဲ့ဖူးမယ်။ အင်ဒီပင်ဒီယန်တေးအသင်းကလည်း အဂွဲရိုး ပြန်လာမယ့်အချိန်ကို ရင်ဖွင့်ကြိုနေလိမ့်မယ်။

အက်သလက်တီကိုအသင်းဆီကနေ အဂွဲရိုးအတွက်ရတဲ့ငွေကြေးနဲ့  အင်ဒီပင်ဒီယန်တေးအသင်းက အိမ်ကွင်းပြန်လည်ပြုပြင်ခဲ့တာမဟုတ်လား။

အဲဒီကွင်းမှာ ကစားသမားဘဝနေ၀င်ချိန် ဖြတ်သန်းခွင့်ရမယ်ဆိုရင် အဂွဲရိုးအတွက်၊ အင်ဒီပင်ဒီယန်တေးအသင်းအတွက် ဘယ်လောက် ကြည်နူးစရာကောင်းလိုက်မလဲ။

ဒါပေမဲ့ ကံဇာတ်ဆရာက ဖြစ်ခွင့်မပေးခဲ့ဘူး။

ဂန္ထ၀င်တစ်ဦးဟာ အလွမ်းတွေနဲ့ သူ့ရဲ့ကစားသမားဘဝ နောက်ဆုံးအချိန်ကို နှုတ်ဆက်ခဲ့ရတယ်။

ကျန်ရစ်ခဲ့ရသူနဲ့ ချန်ထားရစ်သူ ဘယ်သူဟာ ပိုလို့ နာကျင်ရပါသလဲ။

နှစ်တွေကြာတဲ့အချိန်အထိ ကျွန်တော် မတွေးတတ်ခဲ့ဘူး။

ဆက်စပ်သတင်းများ

ဒိုင်ပင်ထိုးတတ်အောင် သင်ပေးရမယ်
Football News

ဒိုင်ပင်ထိုးတတ်အောင် သင်ပေးရမယ်

အာဆင်နယ်ကို ရှုံးနိမ့်ခဲ့တဲ့ပွဲမှာ တိုက်စစ်မှူး အီဆက်ခ်နဲ့ ဂက်ပိုတို့ ပယ်နယ်တီ မရရှိခဲ့တဲ့အပေါ် ဒိုင်လူကြီးတွေကို ပြင်းပြင်းထန်ထန် ဝေဖန်ခဲ့ပြီး ကစားသမားတွေကို ဒိုင်ပင်ထိုးတတ်အောင် သင်ပေးရမယ်လို့ ပြောဆိုခဲ့တဲ့ လီဗာပူးလ်နည်းပြ အီရာအိုလာအကြောင်း သုံးသပ်ချက်။

အာဆင်နယ်ရဲ့  (၁၄)နှစ်ကြာ အန်ဖီးလ် အိပ််််မက်ဆိုး
Football News

အာဆင်နယ်ရဲ့ (၁၄)နှစ်ကြာ အန်ဖီးလ် အိပ််််မက်ဆိုး

၁၄ နှစ်ကြာ အန်ဖီးလ်မှာ နိုင်ပွဲပျောက်နေတဲ့ အာဆင်နယ်ရဲ့ အိပ်မက်ဆိုးကို အဆုံးသတ်နိုင်မလားဆိုတာနဲ့ အီရာအိုလာရဲ့ လီဗာပူးလ်အသင်း ချန်ပီယံပြေးလမ်းထဲ ဝင်လာမလားဆိုတာကို သုံးသပ်ထားတဲ့ ပွဲကြိုအကြိုမြင်ကွင်း။

စပါး ရွှေဝါဝင်းလာပြီ
Football News

စပါး ရွှေဝါဝင်းလာပြီ

နှစ်ရာသီဆက်တိုက် အဆင့် ၁၇ နဲ့ ရုန်းကန်ခဲ့ရတဲ့ ကပ်ဘေးကနေ လွတ်မြောက်ပြီး နည်းပြ ဒီဇာဘီရဲ့ ထက်မြက်တဲ့ တိုက်စစ်ကစားဟန်နဲ့အတူ ပရီးမီးယားလိဂ် ၃ ပွဲဆက်တိုက် အနိုင်ရရှိလာတဲ့ စပါးအသင်းရဲ့ အခြေအနေ သုံးသပ်ချက်။

နောက်ထပ် သတင်းများ

တတိယဦးစားပေးဘဝရောက်သွားတဲ့ အာနိုးလ်
Players News

တတိယဦးစားပေးဘဝရောက်သွားတဲ့ အာနိုးလ်

လီဗာပူးလ်ကနေ ပြောင်းရွှေ့လာခဲ့ပေမဲ့ မော်ရင်ဟိုလက်ထက် ရီးယဲလ်မက်ဒရစ်မှာ ဗယ်လ်ဗာဒီနဲ့ ဒမ်ဖရိုင်းစ်တို့ရဲ့နောက် တတိယဦးစားပေး ညာနောက်ခံလူအဖြစ် ရုန်းကန်နေရတဲ့ အာနိုးလ်ရဲ့ အခြေအနေ သုံးသပ်ချက်။

မန်စီးတီး ဘာတွေ မှားနေလဲ?
Football News

မန်စီးတီး ဘာတွေ မှားနေလဲ?

မာရက်စ်ကာလက်ထက် ဟန်းနီးမွန်းကာလ ကုန်ဆုံးသွားပြီး ဘရိုက်တန်ကို အိမ်ကွင်းမှာ ရှုံးနိမ့်ခဲ့တဲ့ မန်စီးတီးအသင်းရဲ့ အဆုံးသတ်ပိုင်း အားနည်းချက်တွေနဲ့ ခံစစ်အမှားတွေအကြောင်း သုံးသပ်ချက်။

သူရူးတစ်ယောက်လို မာတီနက်ဇ်
Players News

သူရူးတစ်ယောက်လို မာတီနက်ဇ်

ချယ်လ်ဆီးနဲ့ပွဲမှာ လူမိုက်ဆန်ဆန် အမှားတွေကျူးလွန်ပြီး အနီကတ်ပြထုတ်ပယ်ခံရကာ မန်ယူအသင်းကို ၉ ပွဲဆက် နိုင်ပွဲပျောက်စေခဲ့တဲ့ မာတီနက်ဇ်ရဲ့ အရူးထမှုနဲ့ မိုက်ကယ်ကာရစ်ရဲ့ အကျပ်အတည်းအကြောင်း သုံးသပ်ချက်။

တရားစွဲခံရတော့မယ့် ကာရေဂါ
Football News

တရားစွဲခံရတော့မယ့် ကာရေဂါ

အူနိုင်းအမ်မရီကို မန်ယူအသင်းဆီ ပြောင်းရွှေ့ဖို့ တိုက်တွန်းခဲ့ပြီး အက်စတွန်ဗီလာအသင်းကို နှိမ့်ချပြောဆိုခဲ့တဲ့ ဘောလုံးဝေဖန်သူ ဂျေမီကာရေဂါကို တရားစွဲဆိုဖို့ ပြင်ဆင်နေတဲ့ ဗီလာဥက္ကဋ္ဌ နာဆစ်ဆာဝီရစ်အကြောင်း သုံးသပ်ချက်။

စတမ်းဖို့ဒ်ဘရစ်ချ်က ဘုရင့်နောင်
Players News

စတမ်းဖို့ဒ်ဘရစ်ချ်က ဘုရင့်နောင်

နှစ် ၄၀ အတွင်း အဆိုးရွားဆုံး ရလဒ်ကို ရှောင်လွှဲဖို့နဲ့ ရာထူးတည်မြဲဖို့အတွက် စတမ်းဖို့ဒ်ဘရစ်ချ်မှာ ချယ်လ်ဆီးကို ဘုရင့်နောင်ဖောင်ဖျက်သလို ရင်ဆိုင်ရမယ့် မန်ယူနည်းပြ ကာရစ်ရဲ့ ပွဲကြိုသုံးသပ်ချက်။

ဘာပေ ဘာပြောမှန်းမသိဘဲ ဒေါသထွက်နေတဲ့ တရုတ်ပရိသတ်
Players News

ဘာပေ ဘာပြောမှန်းမသိဘဲ ဒေါသထွက်နေတဲ့ တရုတ်ပရိသတ်

တရုတ်အစိုးရရဲ့ အင်တာနက် ဆင်ဆာဖြတ်တောက်မှုတွေကြောင့် ဘာပေ ဘာပြောခဲ့မှန်း အတိအကျမသိဘဲ တစ်ဆင့်စကားနဲ့သာ ကြားသိပြီး လူမှုကွန်ရက်ပေါ်မှာ အကြောင်းရင်းမဲ့ ဒေါသထွက်နေကြတဲ့ တရုတ်ပရိသတ်တွေအကြောင်း သုံးသပ်ချက်။

တရားဝင်ချန်နယ်များ: