ဘဏ္ဍာရေးစည်းမျဉ်း ချိုးဖောက်မှု စွဲချက် (၁၁၅) ခုထဲက (၁၁၄) ခုမှာ အပြစ်ရှိကြောင်း တွေ့ရှိရပြီးနောက် တန်းဆင်းပြစ်ဒဏ် ဒါမှမဟုတ် ဆုဖလားရုပ်သိမ်းခံရဖို့ ရှိနေတဲ့ မန်စီးတီးအသင်းရဲ့ အကျပ်အတည်း။
မန်စီးတီး တန်းဆင်းရတော့မယ် ထင်တယ်
မန်စီးတီးက ၂၀၀၉ ခုနှစ်က ၂၀၁၈ ခုနှစ်အတွင်း ကစားသမားနဲ့ နည်းပြတွေအတွက် ငွေကြေးပေးချေရာမှာ မသမာမှုကျူးလွန်တာ၊
၂၀၁၃ ခုနှစ်ကနေ ၂၀၁၈ ခုနှစ်အတွင်း UEFA ရဲ့ဘဏ္ဍာရေးစည်းမျဉ်းချိုးဖောက်တာ၊ ၂၀၁၅ ခုနှစ်ကနေ ၂၀၁၈ ခုနှစ်အတွင်း
ပရီးမီးယားလိဂ်ရဲ့PSR ဘဏ္ဍာရေးအချက်အလက်တွေ ချိုးဖောက်တာတွေကြောင့် တရားစွဲခံခဲ့ရပါတယ်။
အခုအမှုပေါင်းတစ်ရာကျော်နဲ့ တရားစွဲဆိုခံထားရတဲ့ မန်စီးတီးအဖြစ်က ဂိမ်းပေါင်းတစ်ရာကျော်ကစားသူတွေထက် အခြေအနေပိုဆိုးတော့မယ်။
အမှုပေါင်းတစ်ရာကျော်နဲ့ တရားစွဲခံရတာ သုံးနှစ်ခွဲ၊ တရားဝင်ကြားနာစစ်ဆေးနေတာ တစ်နှစ်ခွဲကျော်ကြာပြီးနောက်
မန်စီးတီးအသင်းအပေါ် စွဲချက်တင်ထားတဲ့ ၁၁၅ ခုအနက် ၁၁၄ ခုမှာ အပြစ်ကျူးလွန်ကြောင်းတွေ့ရှိခဲ့တယ်။
မန်စီးတီးက ရမှတ်လျှော့ခံရတာ၊ ဆုဖလားရုပ်သိမ်းခံရတာ၊ အဆိုးဆုံးအနေနဲ့ တန်းဆင်းပြစ်ဒဏ် ချမှတ်ခံရနိုင်ပါတယ်။
မန်စီးတီးရဲ့အမှုတွေက ၂၀၀၉-၁၀ ရာသီကနေ ၂၀၁၇-၁၈ ရာသီအတွင်း ဘဏ္ဍာရေးအချက်အလက်တွေ အတိအကျပေးချေရန်ပျက်ကွက်မှု ၅၄ ကြိမ်၊
၂၀၀၉-၁၀ ရာသီကနေ ၂၀၁၇-၁၈ ရာသီအတွင်း ကစားသမားနဲ့ နည်းပြတွေအတွက် ငွေပေးချေမှုကို အတိအကျဖော်ပြရန်ပျက်ကွက်မှု ၁၄ ကြိမ်၊
၂၀၁၃-၁၄ ရာသီကနေ ၂၀၁၇-၁၈ ရာသီအတွင်းမှာ UEFA ရဲ့ဘဏ္ဍာရေးစည်းမျဉ်း FFP ကို ၅ ကြိမ်တိုင်ချိုးဖောက်မှု
၂၀၁၅-၁၆ ရာသီကနေ ၂၀၁၇-၁၈ ရာသီအတွင်း ပရီးမီးယားလိဂ်ရဲ့ဘဏ္ဍာရေးစည်းမျဉ်း PSR ကို ၇ ကြိမ်တိုင်ချိုးဖောက်မှု
၂၀၁၈ ခုနှစ်၊ ဒီဇင်ဘာကနေ ၂၀၂၃ ခုနှစ် ဖေဖော်ဝါရီလအတွင်း ပရီးမီးယားလိဂ်ရဲ့စစ်ဆေးမှုကိုပူးပေါင်းပါဝင်ရန်ပျက်ကွက်မှု ၃၅ ကြိမ် ဖြစ်ပါတယ်။
မန်စီးတီးက အဲဒီအမှုတွေအတွက် တစ်နာရီပေါင် ၅၀၀၀ ပေးရတဲ့ နာမည်ကျော်ရှေ့နေ Lord Pannick KC ဉီးဆောင်ပြီး တရားရင်ဆိုင်နေပါတယ်။
Lord Pannick KC က ၂၀၂၀ ခုနှစ်မှာ မန်စီးတီးအသင်း ဉရောပပြိုင်ပွဲ ဝင်ခွင့် ၂ နှစ် ပိတ်ပင်ခံရတုန်းက ပြစ်ဒဏ်ချမှတ်မခံရအောင် ကူညီပေးခဲ့ဖူးတယ်။
ဒါပေမဲ့ လက်ရှိဘဏ္ဍာရေးအမှုမှာတော့ မန်စီးတီးအသင်း ပြစ်ဒဏ်ကနေ ကွင်းလုံးကျွတ်လွတ်ဖို့မဖြစ်နိုင်ပါဘူး။
ရမှတ်လျှော့ခံရမလား၊ တန်းဆင်းရမလား၊ ဆုဖလားရုပ်သိမ်းခံရမလား၊ ငွေဒဏ်ချမှတ်ခံရမလား၊ ပြစ်ဒဏ်တစ်ခုမဟုတ်တစ်ခု ချမှတ်ခံရမှာပါ။
တကယ်လို့များ ဆုဖလားရုပ်သိမ်းခံရမယ်ဆိုရင် အခုလိုမျိုးဖြစ်လာမှာပါ။
Premier League
FA Cup
EFL Cup
မန်စီးတီးကတော့ အခုအချိန်အထိ သူတို့အမှားတစ်ခုမှ မကျူးလွန်ဘူးလို့ ကာကွယ်ထားပြီး အယူခံဝင်သွားမှာပါ။