Ballon d'Or ဆု ဘယ်သူရမလဲ?
၂၀၂၆ ကမ္ဘာ့ဖလားနဲ့ ချန်ပီယံလိဂ်ကို ရယူထားတဲ့ ယမားလ်၊ စံချိန်တင်ဂိုးတွေ သွင်းယူထားတဲ့ ဟာရီကိန်း၊ မက်ဆီ၊ ဘာပေနဲ့ PSG ကြယ်ပွင့် ကွာရတ်စကယ်လီယာတို့ အပြိုင်ဖြစ်နေတဲ့ Ballon d'Or ဆုရှင် ခန့်မှန်းသုံးသပ်ချက်။
ဘောလုံးလောကက ပါရာဒိုင်းအပြောင်းအလဲ ကြီးမားခဲ့ပါပြီ။ ကျွန်တော်တို့ကိုနှစ်ပေါင်းများစွာ ဖျော်ဖြေမှုပေးခဲ့တဲ့ စီရော်နယ်လ်ဒိုနဲ့ မက်ဆီအားပြိုင်ပွဲ သက်တမ်းကုန်ဆုံးပြီး ယမားလ်နဲ့ ဘာပေခေတ် ရောက်လာပါတယ်။ ခေတ်သစ်ဘောလုံးလောကမှာဘာပေနဲ့ ယမားလ်က အရှိန်အဟုန် ပြင်းထန်စွာ လင်းပနေတယ်။
ဘောလုံးလောကက ပါရာဒိုင်းအပြောင်းအလဲ ကြီးမားခဲ့ပါပြီ။ ကျွန်တော်တို့ကိုနှစ်ပေါင်းများစွာ
ဖျော်ဖြေမှုပေးခဲ့တဲ့ စီရော်နယ်လ်ဒိုနဲ့ မက်ဆီအားပြိုင်ပွဲ သက်တမ်းကုန်ဆုံးပြီး ယမားလ်နဲ့ ဘာပေခေတ် ရောက်လာပါတယ်။
ခေတ်သစ်ဘောလုံးလောကမှာဘာပေနဲ့ ယမားလ်က အရှိန်အဟုန် ပြင်းထန်စွာ လင်းပနေတယ်။
ပြီးခဲ့တဲ့ ၂၀၂၆ ကမ္ဘာ့ဖလားမှာ ယမားလ်နဲ့ ဘာပေက သူတို့ခေတ်စတင်ပြီဆိုတာ ပြတ်ပြတ်သားသားကြေညာနိုင်ခဲ့တယ်။
ယမားလ်က ပထမဆုံးကမ္ဘာ့ဖလားမှာ ပထမဆုံးချန်ပီယံဖလား ပိုင်ဆိုင်ခဲ့တယ်။ စပိန်အသင်းတိုက်စစ်ရဲ့ မရှိမဖြစ် အသက်သွေးကြော ဖြစ်ခဲ့ပါတယ်။
ဘာပေကလည်း ကမ္ဘာ့ဖလားလူသားဆိုတဲ့ဂုဏ်ပုဒ်နဲ့ လိုက်ဖက်ညီစွာပဲ သွင်းဂိုးအများဆုံးစံချိန် စိုက်ထူနိုင်ခဲ့တယ်။
ဂိုးသွင်းဘုရင် ရွှေဖိနပ်ဆုကို ဒုတိယအကြိမ်ပိုင်ဆိုင်ခဲ့တယ်။ ကမ္ဘာ့ဖလားရဲ့သွင်းဂိုးအများဆုံးဖြစ်ခဲ့တယ်။
ဘာပေနဲ့ ယမားလ်က အသက်ငယ်ရွယ်ချိန်မှာ ကမ္ဘာ့ဖလားအောင်ပွဲ ပိုင်ဆိုင်ခဲ့ပါတယ်။
ဒါကမက်ဆီ၊ စီရော်နယ်လ်ဒိုထက်သာလွန်တဲ့ အချက်ပါ။ မက်ဆီက ကမ္ဘာ့ဖလားတစ်ကြိမ် ရလို့ ဖြေသာပေမယ့်
စီရော်နယ်လ်ဒိုက ကမ္ဘာ့ဖလား မရတဲ့ အမည်းစက်နဲ့ ဇာတ်သိမ်းခဲ့ရတယ်။
၂၀၂၆-၂၇ ရာသီ ချန်ပီယံလိဂ်စတင်ချိန်မှာလည်း ယမားလ်နဲ့ ဘာပေရဲ့ထူးချွန်မှုဟာရပ်တန့်မသွားဘူး။
စံချိန်မှတ်တမ်းတွေနဲ့ ဖိတ်ဖိတ်လက်နေခဲ့တယ်။ ဘာပေက အင်တာမီလန်နဲ့ပွဲမှာ ဂိုးသွင်းပြီး
ချန်ပီယံလိဂ်သွင်းဂိုးအများဆုံးကစားသမား ထိပ်ဆုံးငါးဉီးစာရင်းဝင်လာသလို၊
ယမားလ်ကလည်း ချန်ပီယံလိဂ်သွင်းဂိုးစံချိန်တွေ ပိုင်ဆိုင်ခဲ့တယ်။
ဖီယင်နုအသင်းနဲ့ ချန်ပီယံလိဂ်ပွဲမှာ ယမားလ်က မှော်ဆန်တဲ့ဖရီးကစ်သွင်းဂိုးတစ်ဂိုးသွင်းပြခဲ့တယ်။
အဲဒီသွင်းဂိုးကြောင့် ယမားလ်က လာလီဂါအသင်းတစ်သင်းအတွက် ချန်ပီယံလိဂ်မှာဖရီးကစ်ကနေဂိုးသွင်းနိုင်တဲ့
အသက်အငယ်ဆုံးကစားသမားအဖြစ် စံချိန်တင်ခဲ့တယ်။
အသက် ၁၉ နှစ်၊ ၅၈ ရက်အရွယ် ယမားလ်က အာဒါဂူလာ (၂၁ နှစ်၊ ၄၉ ရက်)၊ အဂွဲရိုး (၂၁ နှစ်၊
၁၅၄ ရက်) တို့ရဲ့ချန်ပီယံလိဂ်မှာဖရီးကစ်ကနေဂိုးသွင်းနိုင်တဲ့အသက်အငယ်ဆုံးကစားသမားမှတ်တမ်းကို ကျော်ဖြတ်ပြခဲ့တာပါ။
ယမားလ်ရဲ့ချန်ပီယံလိဂ်စံချိန်က အဲဒီလောက်နဲ့ ရပ်တန့်မသွားဘူး။ အခုဆိုရင် ချန်ပီယံလိဂ်မှာ
ယမားလ်က ၁၁ ဂိုးသွင်း၊ ဂိုးဖန်တီးမှု ၁၀ ကြိမ်ပြုလုပ်ထားပြီး သွင်းဂိုးပါဝင်ပတ်သက်မှုအများဆုံး
ဆယ်ကျော်သက် ကစားသမားအဖြစ် စံချိန်တင်ခဲ့ပါတယ်။ အရင်တုန်းက သွင်းဂိုးပါဝင်ပတ်သက်မှုအများဆုံး
ဆယ်ကျော်သက်ကစားသမားစံချိန်ကို ဘာပေပိုင်ဆိုင်ထားပြီးအခုယမားလ်က စံချိန်အသစ်တင်နိုင်ခဲ့တာပါ။
မက်ဆီ- စီရော်နယ်လ်ဒို ခေတ်ကို မျုိးဆက်ဟောင်းတွေ တသသလွမ်းမောနေချိန်မှာ ဘာပေ-ယမားလ်ခေတ်က
မျုိးဆက်သစ်တွေအတွက် ဖျော်ဖြေရေးအရသာအသစ် ဖြစ်လာတယ်။
၂၀၂၆ ကမ္ဘာ့ဖလားနဲ့ ချန်ပီယံလိဂ်ကို ရယူထားတဲ့ ယမားလ်၊ စံချိန်တင်ဂိုးတွေ သွင်းယူထားတဲ့ ဟာရီကိန်း၊ မက်ဆီ၊ ဘာပေနဲ့ PSG ကြယ်ပွင့် ကွာရတ်စကယ်လီယာတို့ အပြိုင်ဖြစ်နေတဲ့ Ballon d'Or ဆုရှင် ခန့်မှန်းသုံးသပ်ချက်။
ကိုမိုအသင်းကို အရှက်တကွဲ ရှုံးနိမ့်ပြီးနောက် နည်းပြ မိုက်ကယ်ကာရစ်ရဲ့ နည်းဗျူဟာကို ဝေဖန်ခဲ့တဲ့ အသင်းခေါင်းဆောင် ဘရူနိုဖာနန်ဒက်စ်နဲ့ သူတို့နှစ်ဦးကြားက စိတ်ဝမ်းကွဲမှုပြဿနာများအကြောင်း သုံးသပ်ချက်။
နည်းစနစ်ကို ဝေဖန်ခဲ့တဲ့ ဘရူနိုဖာနန်ဒက်စ်ကို ပွဲထွက်စာရင်းကနေ ဖယ်ရှားခဲ့ပေမဲ့ ဘုန်းမောက်ကို ဂိုးပြတ်ရှုံးနိမ့်ပြီး (၈) ပွဲဆက် နိုင်ပွဲပျောက်ခဲ့တဲ့ မန်ယူနည်းပြ မိုက်ကယ်ကာရစ်ရဲ့ ကျရှုံးသွားတဲ့ စွန့်စားခန်း။
ရာထူးကနေ ထုတ်ပယ်ခံရတော့မယ့် မိုက်ကယ်ကာရစ်နေရာမှာ အစားထိုးဖို့ နည်းပြသစ် ရှာဖွေနေတဲ့ မန်ယူအသင်းရဲ့ အခြေအနေနဲ့ ချယ်လ်ဆီး၊ လီဗာပူးလ်တို့အပါအဝင် စောင့်ကြိုနေတဲ့ ပွဲကျပ်ငရဲခန်းအကြောင်း သုံးသပ်ချက်။
ဘာပေရဲ့ သွင်းဂိုးတွေနဲ့အတူ အယ်လ်ကလက်စီကို (El Clasico) မှာ ဘာစီလိုနာကို အနိုင်ယူပြီးနောက် နူးကမ့်ကွင်းထဲမှာ နာမည်ကျော် Knee Slide နဲ့ အောင်ပွဲခံကာ လာလီဂါချန်ပီယံဆုကို စိန်ခေါ်လိုက်တဲ့ မော်ရင်ဟိုရဲ့ ရီးယဲလ်အသင်း သုံးသပ်ချက်။
မန်ယူအသင်းနဲ့ သရေကျပြီးနောက်ပိုင်း ယုံကြည်မှုတွေ ပြန်လည်မြင့်တက်လာကာ ချယ်လ်ဆီးကိုပါ အနိုင်ယူပြီး လမ်းကြောင်းမှန်ပေါ် ပြန်ရောက်လာတဲ့ ဒီဇာဘီရဲ့ စပါးအသင်းအကြောင်း သုံးသပ်ချက်။
ဘာစီလိုနာရဲ့ လွှမ်းမိုးမှုကို ရပ်တန့်ဖို့ ရီးယဲလ်နည်းပြအဖြစ် ပြန်ရောက်လာတဲ့ မော်ရင်ဟို၊ ယမားလ်ရဲ့ တုံ့ပြန်မှုနဲ့ ဗင်နီစီယက်စ် လွဲချော်မယ့် El Clasico ပွဲကြိုသုံးသပ်ချက်။
ဘုန်းမောက်ကို ဂိုးပြတ်ရှုံးနိမ့်ခဲ့ပြီးနောက် ဖန်တီးမှုကင်းမဲ့နေတဲ့ ကွင်းလယ်၊ စိတ်ဓာတ်ကျဆင်းနေတဲ့ ကစားသမားတွေနဲ့အတူ နလံထူဖို့ ခက်ခဲနေတဲ့ နည်းပြ မိုက်ကယ်ကာရစ်ရဲ့ မန်ယူအသင်းအကြောင်း ပြင်းပြင်းထန်ထန် သုံးသပ်ချက်။
