မိုက်ကယ်ကာရစ်ရဲ့ Failed Gamble

ဘရူနိုဖာနန်ဒက်စ်ကို ပွဲကစားခွင့်မပေးတာ မိုက်ကယ်ကာရစ်ရဲ့ Failed gamble ကျရှုံးခဲ့တဲ့ စွန့်စားခန်းဖြစ်ခဲ့ပါတယ်။

တကယ်လို့များ ဘုန်းမောက်နဲ့ပွဲမှာသာ ရလဒ်ကောင်းခဲ့မယ်ဆိုရင် မိုက်ကယ်ကာရစ်ရဲ့ ဆုံးဖြတ်ချက်ဟာ ကြီးမားတဲ့အရွေ့ဖြစ်လာမှာပါ။

ဒါပေမဲ့ မန်ယူအသင်းက ဆိုးရွားစုတ်ပြတ်စွာပဲ ဂိုးပြတ်အညံ့ခံလိုက်ရတယ်။ (၈)ပွဲဆက်နိုင်ပွဲပျောက်ဆုံးတဲ့ မှတ်တမ်းဆိုးကို ပိုင်ဆိုင်လိုက်ရပါတယ်။

ဘရူနိုဖာနန်ဒက်စ်ကို အရန်ခုံပို့လိုက်တာဟာ ပုဂ္ဂိုလ်ရေးခံစားချက်မဟုတ်ဘဲ ဘောလုံးသီးသန့်ဆုံးဖြတ်ချက်လို့ မိုက်ကယ်ကာရစ်က ပြောပါတယ်။

မန်ယူကစားသမားဘ၀မှာ ဘရူနိုဖာနန်ဒက်စ် အရန်ခုံထိုင်ခဲ့ရတာ (၆) ကြိမ်ပဲရှိခဲ့ပါတယ်။ နောက်ဆုံး (၂) ကြိမ်က ၂၀၂၄-၂၅ ရာသီကဖြစ်ပြီး

ရာသီပိတ်ပရီးမီးယားလိဂ်နောက်ဆုံး (၂) ပွဲမွာ ဘရူနိုဖာနန်ဒက်စ် အနားပေးခံရတာပါ။

အဲဒီအချိန်တုန်းက မန်ယူက ယူရိုပါလိဂ်အရေးကြီးတဲ့ပွဲတွေကစားရဖို့ရှိလို့ အနားပေးခဲ့တာလည်း ဖြစ်ပါတယ်။

ပြောရမယ်ဆိုရင် ဘရူနိုဖာနန်ဒက်စ်က ပြီးခဲ့တဲ့တစ်ရာသီလုံးနီးပါး မန်ယူအသင်းရဲ့ Untouchable Player ဖြစ်ခဲ့တာပါ။

ဘရူနိုဖာနန်ဒက်စ်မပါ၀င်တဲ့ ပရီးမီးယားလိဂ် (၁၀)ပွဲမွာ မန်ယူက (၆)ပွဲရှုံးပြီး (၁)ပွဲသာ နိုင်တဲ့အထိ ရလဒ်ဆိုးခဲ့ပါတယ်။

မိုက်ကယ်ကာရစ်ရဲ့ နည်းစနစ်တွေကို လူသိရှင်ကြားဝေဖန်တဲ့ ဘရူနိုဖာနန်ဒက်စ်ရဲ့ လုပ်ရပ်မှားသလို၊ ဘရူနိုဖာနန်ဒက်စ်ကို

ဘုန်းမောက်နဲ့ပွဲမှာ တစ်ပွဲလုံးမသုံးတဲ့ မိုက်ကယ်ကာရစ်ရဲ့ လုပ်ရပ်လည်း မှားပါတယ်။

တကယ်ဆိုရင် ဒုတိယပိုင်းအစမှာ ဘရူနိုဖာနန်ဒက်စ်ကို ထည့်ကစားသင့်ပါတယ်။ ပွဲအဖြေ အပြောင်းအလဲ ဖြစ်စေမယ့် ကောက်ရိုးတမျှင်က ဘရူနိုဖာနန်ဒက်စ်ပါ။

Sky Sports က ကာရေဂါက " မန်ယူအတွက် ဘရူနိုဖာနန်ဒက်စ်က အကောင်းဆုံးကစားသမားပါ။

PFA တစ်နှစ်တာအကောင်းဆုံးကစားသမားဆုကိုလည်း ရခဲ့သူဖြစ်ပါတယ်။ သူလိုလူမျိုးကို အသင်းလူစာရင်းကနေ ဖယ်ရှားလို့မရပါဘူး" လို့ ဝေဖန်ခဲ့တယ်။

BBC ရဲ့စစ်တမ်းမှာ ၀င်ရောက်ဖြေဆိုသူ မန်ယူအသင်းပရိသတ်အများစုကတော့ ဘရူနိုဖာနန်ဒက်စ်ကို ဖယ်ရှားလိုက်တာ

မိုက်ကယ်ကာရစ်ရဲ့ ရဲဝံ့တဲ့ဆုံးဖြတ်ချက်ဆိုပြီး ပြောကြပါတယ်။

ဘယ်သူမှန်တယ်၊ ဘယ်သူမှားတယ်ဆိုတာ အတော်လေးခွဲခြားရခက်တဲ့အခြေအနေကို မန်ယူမှာ မြင်နေရပါတယ်။