ဒေါင်းမန်းနဲ့ စိတ်လိုက်မာန်ပါ လူငယ်တွေအကြောင်း

ဖလက်ဝုဒ်အသင်းနဲ့ လိဂ်ဖလားပွဲမှာ အာဆင်နယ်လူငယ်ကြယ်ပွင့် ဒေါင်းမန်း ထုတ်ပယ်ခံခဲ့ရပါတယ်။

လူငယ်ပီပီ စိတ်မထိန်းနိုင်ဘဲ ပြိုင်ဘက်ကစားသမားကို တုံ့ပြန်မိလို့ထုတ်ပယ်ခံခဲ့ရတာပါ။

ဖလက်ဝုဒ်အသင်းကစားသမား ဟာရစ်ဆန်နီးလ်က ဒေါင်းမန်းကိုကြမ်းကြမ်းတမ်းတမ်း ဖျက်ထုတ်ရာကနေ ပြဿနာစခဲ့တာပါ။

အဲဒီလိုဖျက်ထုတ်ခံရချိန်မှာ ဒေါင်းမန်းက စိတ်လိုက်မာန်ပါနဲ့ ဟာရစ်ဆန်နီးလ်ကို ကန်ခဲ့တာပါ။

သူ့ရဲ့ကန်ချက်ကအားမပြင်းပေမယ့် ကြမ်းတမ်းတဲ့အပြုအမူအဖြစ် သတ်မှတ်ခံရပြီး ထုတ်ပယ်ခံလိုက်ရတာပါ။

အာဆင်နယ်နည်းပြ အာတီတာက ဒေါင်မန်းကွင်းထဲက ထွက်ခွာလာချိန်မှာ အတော်လေးစိတ်ပျက်ဒေါသထွက်နေခဲ့ပါတယ်။

ဒေါင်းမန်းကိုအာတီတာက ဆူပူကြိမ်းမောင်းခဲ့တာလည်းမြင်ရပါတယ်။

အာတီတာက ဒေါင်မန်းကို သိပ်ပြီးမျှော်လင့်ချက်ကြီးမားပါတယ်။ ဆာကာလိုကစားသမားမျိုးဖြစ်လာမယ်လို့ ယုံကြည်ထားတာပါ။

သူမျှော်လင့်ယုံကြည်ထားသူက အခုလိုမျိုး ပရိုမဆန်တဲ့လုပ်ရပ်ကျူးလွန်ခဲ့လို့ အာတီတာ ပိုပြီးဒေါသထွက်ပေါက်ကွဲခဲ့တာဖြစ်ပါတယ်။

ဆန်ရင်းနာနာဖွပ်ဆိုသလိုပဲ အာတီတာက ဒေါင်းမန်းကို လူမြင်ကွင်းမှာ ဆုံးမသတိပေးခဲ့တာပါ။

နောက်တစ်ခါဒါမျိုးထပ်မဖြစ်စေနဲ့ဆိုပြီး အသိပေးခဲ့တာပါ။ လူငယ်ကစားသမား တစ်ယောက်အနေနဲ့ ဒီလို ဒေါသ မထိန်းနိုင်တာကို အာတီတာ လုံးဝ မကြိုက်ပါဘူး။

ဒေါင်းမန်းလိုပဲ လူငယ်ကစားသမားဘဝမှာ စိတ်လိုက်မာန်ပါ ကျုးလွန်မိလို့အမည်းစက်ဖြစ်ရတဲ့ နာမည်ကျော်ကစားသမားတွေရှိပါတယ်။

ဝိန်းရွန်နီ

အဲဗာတန်ကြယ်ပွင့်ဝိန်းရွန်နီက အသက် ၁၇ နှစ်အရွယ်မှာ ဒေါသအိုးလေးဖြစ်ကြောင်း စတင်သက်သေပြခဲ့တယ်။

၂၀၀၂ ခုနှစ်၊ Boxing Day မှာကစားတဲ့ဘာမင်ဂမ်နဲ့ပွဲမှာဝိန်းရွန်နီက ပြိုင်ဘက်ကစားသမား ဗစ်ကာစ်ကို ကြမ်းကြမ်းတမ်းတမ်းကစားခဲ့လို့အနီကတ်ပြခံရတာပါ။

အဲဒီအနီကတ်ကြောင့် ဝိန်းရွန်နီက ပရီးမီးယားလိဂ် သမိုင်းတစ်လျှောက် အသက်အငယ်ဆုံး အနီကတ်ပြခံရတဲ့ ကစားသမား ဖြစ်လာခဲ့ပါတယ်။

အဲဗာတန်နည်းပြ ဒေးဗစ်မွိုက်စ်က ရွန်နီရဲ့လုပ်ရပ်က အဝါကတ်လောက်ပဲပြသင့်တယ်လို့ ပြောပေမယ့် ဗစ်ကာစ်က ၈ ချုပ်လောက်ချုပ်ခဲ့ရပါတယ်။

မိုက်ကယ်အိုဝင်က အဲဒီပွဲမှာ လီဗာပူးလ်အတွက် ဂိုးတစ်ဂိုးသွင်းခဲ့ပေမယ့် မန်ယူနောက်ခံလူဂျွန်ဆင်ကို ဖျက်ထုတ်ပုံကြမ်းတမ်းလို့ အနီကတ်ပြခံခဲ့ရတယ်။

မိုက်ကယ်အိုဝင်ရဲ့ဖျက်ထုတ်မှုကြောင့် ဂျွန်ဆင်က ထမ်းစင်နဲ့ကွင်းထဲကနေ ထုတ်ခဲ့ရပါတယ်။

လူးဝစ်စကယ်လီ

၂၀၂၅ ခုနှစ်အတွင်းကစားတဲ့ ဝုလ်ဗ်အသင်းနဲ့ပွဲမှာ အာဆင်နယ်လူငယ်ကြယ်ပွင့် လူးဝစ်စကယ်လီက ပြိုင်ဘက်ကစားသမား ဒိုဟာတီကို

ကြမ်းကြမ်းတမ်းတမ်း ဖျက်ထုတ်ခဲ့လို့ထုတ်ပယ်ခံရတာပါ။

လူးဝစ်စကယ်လီကအဲဒီလုပ်ရပ်ကြောင့် အစောပိုင်းမှာ သုံးပွဲပယ်ခံရပေမယ့် အယူခံဝင်တာ အောင်မြင်လို့ တစ်ပွဲသာပယ်ခံရပါတယ်။

လူးဝစ်စကယ်လီက သူ့လုပ်ရပ်အတွက် နောင်တရပုံ မ ပေါ် ပါဘူး။ ရက်သတ္တပတ်အနည်းငယ်အကြာမှာကစားတဲ့ပွဲမှာ ထပ်ပြီးအနီကတ်ပြခံခဲ့ရပြန်တယ်။

မက်ဆီ

မက်ဆီကအာဂျင်တီးနားကစားသမားဘဝ ပထမဆုံးပွဲမှာပဲ အနီကတ်ပြသခံရပါတယ်။

ဟန်ဂေရီအသင်းနဲ့ ကစားခဲ့တဲ့ ခြေစမ်းပွဲမှာ လူစားဝင်လာပြီး သိပ်မကြာခင် မက်ဆီက သူကိုဆွဲလို့ဆိုပြီးဟန်ဂေရီကစားသမား

 ဗန်ကက်ဇ်ရဲ့မျက်နှာကိုနောက်ပြန်ရိုက်ခဲ့လို့ ထုတ်ပယ်ခံရတာပါ။