ဘာစီလိုနာရဲ့ပြိုင်ဘက်တိုင်းထိတ်လန့်နေမယ့်တိုက်စစ်မှာ အရေးပါဆုံးလူက ရာဖင်ညာဖြစ်ပါတယ်။ ရာဖင်ညာက Breaking Limits ဖြစ်ပြီး သူ့ရဲ့လုပ်နိုင်စွမ်းထက်ကျော်လွန်တဲ့အရာတွေ ဖန်ဆင်းပြနေတယ်။ ဒါပေမဲ့စိုင်းထီးဆိုင်ရဲ့ " စွမ်းသလောက်ကိုယ့်မှာကြိုးစားခဲ့ပါတယ်၊ ထိပ်ဆုံးတော့မရောက်တောင်၊ အလယ်အလတ်တော့မကပါဘူး" သီချင်းစာသားလို ဘဝမျိုးရာဖင်ညာရင်ဆိုင်နေရတယ်။
ပြီးခဲ့တဲ့ရာသီမှာရာဖင်ညာရဲ့ထူးချွန်မှုက သိပ်ပြီး ထူးခြားကြီးမြတ်ခဲ့တယ်။ ဘာစီလိုနာတိုက်စစ်ရဲ့အသက်သွေးကြောဖြစ်ခဲ့တယ်။
ဘာစီလိုနာပရိသတ်တွေရဲ့အသည်းကျော်ဖြစ်ခဲ့ပါတယ်။ လက်ရှိရာသီမှာလည်း ရာဖင်ညာရဲ့သွင်းဂိုးတွေဟာ မရပ်မနားဆက်လက်အားကောင်းနေပါတယ်။
ပြီးခဲ့တဲ့ရေးဆင်းအသင်းနဲ့ လာလီဂါပွဲမှာ ရာဖင်ညာက ဘာစီလိုနာအတွက် ဟက်ထရစ်သွင်းယူနိုင်ခဲ့တာပါ။
လက်ရှိရာသီအစမှာပဲ ရာဖင်ညာက ပြိုင်ပွဲစုံ ၁၁ ဂိုး အထိ သွင်းယူထားပြီး ထက်မြက်လွန်းတဲ့စွမ်းရည်ကို ပြသနေတယ်။
ဘာစီလိုနာက လာလီဂါမှာ ၆ ပွဲဆက်အနိုင်ရပြီး ချန်ပီယံကာကွယ်ပွဲအတွက် စမတ်ကျကျ ဖိအားမရှိဘဲ ဖြတ်သန်းနေပါတယ်။
ပြိုင်ပွဲစုံ ၇ ပွဲမှာ ဘာစီလိုနာက ငါးဂိုးနဲ့အထက်သွင်းနိုင်တဲ့ပွဲများစွာနဲ့ ၃၃ ဂိုးအထိ ပိုင်ဆိုင်ထားပြီး ရပ်တန့်မရတိုက်စစ်ကို သရုပ်ဖော်နေပါတယ်။
ဘာစီလိုနာရဲ့ပြိုင်ဘက်တိုင်းထိတ်လန့်နေမယ့်တိုက်စစ်မှာ အရေးပါဆုံးလူက ရာဖင်ညာဖြစ်ပါတယ်။
ရာဖင်ညာက Breaking Limits ဖြစ်ပြီး သူ့ရဲ့လုပ်နိုင်စွမ်းထက်ကျော်လွန်တဲ့အရာတွေ ဖန်ဆင်းပြနေတယ်။
ဒါပေမဲ့စိုင်းထီးဆိုင်ရဲ့ " စွမ်းသလောက်ကိုယ့်မှာကြိုးစားခဲ့ပါတယ်၊ ထိပ်ဆုံးတော့မရောက်တောင်၊
အလယ်အလတ်တော့မကပါဘူး" သီချင်းစာသားလို ဘဝမျိုးရာဖင်ညာရင်ဆိုင်နေရတယ်။
ရာဖင်ညာရဲ့ကစားသမားဘဝအတောက်ပဆုံးအချိန်၊ ရာဖင်ညာရဲ့ အိပ်မက်တွေအခမ်းနားဆုံးအချိန်
ဖြစ်ပေမယ့် အကောင်းဆုံးဆုတွေအတွက် ဒုတိယလူအဖြစ်သာ ကျေနပ်ခဲ့ရတယ်။ အကောင်းဆုံးအရှုံးသမားအဖြစ်သာ ကျေနပ်ခဲ့ရတယ်။
ရာဖင်ညာအတွက် ကစားသမားဘဝ ပိုင်ဆိုင်သမျှအရာအားလုံးဟာ အမြတ်ပါ။ သူကဘောလုံးသမားဘဝကိုလက်လျှော့အရှုံးပေးဖို့ ဆုံးဖြတ်ဖူးတယ်။
သူ့ဘော်ဒါတွေလိုမျိူး ဘရာဇီးလ်မှာအပေအတေလေးဖြစ်ဖို့ နီးစပ်ဖူးတယ်။ မူးယစ်ဆေးရောင်းချတဲ့ကောင်လေးဖြစ်ဖို့ နီးစပ်ဖူးတယ်။
ဒါပေမဲ့ ရာဖင်ညာရဲ့အမေကသူ့သားကို လမ်းမှားမရောက်စေချင်ဘူး။ ဇာတ်သိမ်းမလှတာမျိုးမဖြစ်စေချင်ဘူး။
သူ့သားရဲ့ဘောလုံးသမားဘဝကို စိမ်းလန်းစိုပြေစေချင်တယ်။ ရာဖင်ညာက လိဒ်စ်ယူနိုက်တက်လိုအသင်းကနေ
ဘာစီလိုနာလိုရွှေမြို့တော်ကြီးမှာ သူရဲကောင်းဘဝရောက်အောင် အခက်အခဲများစွာဖြတ်သန်းခဲ့ရတယ်။
သူ့အတွက် အကောင်းဆုံးဆုဆိုတာထက် သူချစ်မြတ်နိုးတဲ့ဘောလုံးအားကစားနည်းကိုကစားခွင့်ရနေတာကပဲ ဘုရားပေးတဲ့ဆုလာဘ်ပါ။
လူတွေကချန်ပီယံတွေ၊ အကောင်းဆုံးဆုရတဲ့သူတွေပဲ မှတ်မိကြတယ်တဲ့။ တကယ်ဆိုရင် အဲဒီစကားက မမှန်ပါဘူး။
Ballon d'or ၊ The Best ဆုတွေမရပေမယ့် ပရိသတ်ရင်ထဲစွဲကျန်နေတဲ့ ကစားသမားများစွာရှိနေပါတယ်။
ပီယာလို၊ ရီဘာရီ၊ ဝိန်းရွန်နီ၊ ဗီယာရာတို့လို ပရိသတ်နှလုံးသားထဲက ပထမဆုရသူတွေရှိပါတယ်။
ရာဖင်ညာကလည်း အဲဒီလိုကစားသမားစာရင်းဝင်သူပါ။ ဘာစီလိုနာနဲ့အတူ ရာဖင်ညာ လုပ်ပြနေတဲ့ အရာအားလုံးက ဂုဏ်ယူစရာတွေချည်းပါပဲ။
ယမားလ်နဲ့ ဘာပေက Ballon d'Or ဆုဟာ သူတို့နဲ့ပဲထိုက်တန်တယ်ဆိုပြီး ပြောနေတာကြားရတော့ ရာဖင်ညာကိုမျက်နှာပူမိပါတယ်။
ဘ၀မှာ ငွေကြေး၊ ကျော်ကြားမှုနဲ့ အာဏာဟာ သောက်လေသောက်လေငတ်မပြေမယ့် ပင်လယ်ရေလိုပါပဲ။ ငွေရှိသူတွေဟာ ကျော်ကြားချင်တယ်၊ နာမည်ကျော်ငွေရှိတဲ့ဘ၀ ရောက်ပြန်တော့လည်း အာဏာကို တပ်မက်လာပြန်ရော။ ဒါပေမဲ့ ကျနော်တို့ မေ့နေတဲ့အရာဟာ ကိုယ်ချင်းစာတရားနဲ့ ချစ်ခြင်းမေတ္တာပါပဲ။ အဲဒီအရာနှစ်ခုဟာ ကိုယ့်နှလုံးသားထဲ အားမကောင်းရင် စစ်မှန်တဲ့ အကြည်ဓာတ်ဆိုတာရှိနိုင်မယ်မထင်ဘူး။ ချစ်ခြင်းမေတ္တာ စစ်တဲ့အခါ ဘ၀မှာ ဘာမှမလိုတော့သလိုပါပဲ။
တကယ်လို့များ ကျွန်တော်သာ ဘောလုံးသမားတစ်ဦးမဖြစ်ခဲ့ဘူးဆိုရင် ပါရီမြို့က စားသောက်ဆိုင်တစ်ခုရဲ့အပြင်ဘက်မှာ Sandwich ၀ယ်စားချင်လို့ ပိုက်ဆံတောင်းရတဲ့သူ ဖြစ်နေမလားပဲ။ ဒါဟာ ခင်ဗျားတို့မသိမယ့် ကျွန်တော့်ရဲ့ မဟာလျှို့ဝှက်ချက်ကြီးလေ။ ကျွန်တော် တကယ်ပြောနေတာ၊ ခင်ဗျားတို့စိတ်ထဲနောက်နေတယ်ထင်တာလား။ တကယ်မနောက်ပါဘူး။ ဘောလုံးသမားဘ၀ကိုသာ မရွေးချယ်ခဲ့ရင် ပိုက်ဆံတောင်းစားနေရမယ်ထင်တာပဲ။
ယော်အိုပတ်ဒရိုရဲ့မခံချင်စိတ်မီးတောင်ဟာ ထိန်းချုပ်မရနိုင်ဘဲ ပြင်းပြင်းထန်ထန် ပေါက်ကွဲနေတယ်။ ဘရာဇီးလ်နည်းပြ အန်ဆယ်လော့တီရဲ့အမေ့လျော့ခံ တိုက်စစ်ကစားသမားဟာ ကမ္ဘာ့ဖလားကစားခွင့် လွဲချော်ပြီးနောက် အတော်လေးခံစားခဲ့ရတယ်။ မခံချင်စိတ် ပြင်းထန်ခဲ့ရတယ်။
မန်ယူက တစ်ရာသီစာလက်မှတ်စျေးနှုန်းကို တစ်နှစ်ပြီးတစ်နှစ် ထပ်ခါထပ်ခါ စျေးတင်ထားခဲ့တယ်။ အရွယ်ရောက်ပြီးသူတွေရဲ့ လက်မှတ်စျေးနှုန်းက တစ်ပွဲပျမ်းမျှ ၂ ပေါင်နှုန်းလောက် မြင့်တက်ခဲ့တာပါ။ အခုလို လက်မှတ်စျေးနှုန်း မြှင့်တင်ရတာက အသင်းအတွက် ရင်းနှီးမြှုပ်နှံမှုနဲ့ မြင့်တက်လာတဲ့ ကုန်ကျစရိတ်တွေအတွက်ဆိုပြီး မန်ယူ အကြောင်းပြပါတယ်။
ဟာရီကိန်းက အသက်သုံးဆယ်ကျော်မှ ပိုပြီးထူးချွန်လာတယ်။ ဂိုးတွေပိုသွင်းလာတယ်။ ဘိုဒိုဂလင့်အသင်းနဲ့ ချန်ပီယံလိဂ်ပွဲမှာ ဟာရီကိန်းက ဂိုးသွင်းယူပြီးနောက် စီရော်နယ်လ်ဒို၊ လီဝန်ဒေါစကီး၊ နစ္စတယ်ရွိုင်းတို့ရဲ့ချန်ပီယံလိဂ် ၈ ပွဲဆက်ဂိုးသွင်းနိုင်တဲ့ စံချိန်ပိုင်ဆိုင်ခဲ့ပါတယ်။
အာတီတာနဲ့ အာဆင်နယ်ကြား နောက်ထပ်နှစ်ကာလများစွာ သက်တမ်းတိုးဖို့ သေချာသလောက် ဖြစ်လာပါတယ်။ အာဆင်နယ်ဘက်က အာတီတာကို နှစ်ရှည်စာချုပ်ချုပ်ဆိုသွားမှာဖြစ်ပြီး အာတီတာဘက်ကလည်း လက်ခံဖို့အသင့်ပါပဲ။ စာချုပ်သက်တမ်းတိုးပြီးရင် အာတီတာက လစာအများဆုံးနည်းပြတစ်ဉီး ဖြစ်လာမှာပါ။
ပိုချက်တီနိုက ၂၀၁၆-၁၇ ရာသီ ပရီးမီးယားလိဂ်ဖလားကိုသူ့ရဲ့အသင်းဟောင်းစပါးရသင့်တယ်လို့ တောင်းဆိုလိုက်ပါတယ်။ အဲဒီရာသီမှာ ချယ်လ်ဆီးက ပရီးမီးယားလိဂ်ချန်ပီယံ ဖြစ်ခဲ့ပြီး စပါးက ဒုတိယလူဖြစ်ခဲ့တယ်။
ပရီးမီးယားလိဂ်ကို ပြန်ရောက်အောင် ကိုဗင်ထရီက ၂၅ နှစ်ကြာစောင့်ဆိုင်းခဲ့ရတယ်။ သူတို့ရဲ့၂၅ နှစ်ကြာ ပရီးမီးယားလိဂ်အိပ်မက်ဟာ ဆပ်ပြာပူဖောင်းလိုမျိုး အလွယ်တကူပြိုကွဲခဲ့တယ်။ မျှော်လင့်ချက်တွေနဲ့ ပရီးမီးယားလိဂ်ခရီးအစဟာ လေးပွဲဆက်အရှုံး၊ ဘဲဉမကွဲတဲ့မှတ်တမ်းကြောင့် အရုပ်ဆိုးသွားပါတယ်။
အီစတီဗာအိုရဲ့စွမ်းရည်ကို ချယ်လ်ဆီးပရိသတ်တွေ ခံစားသိရှိဖူးပါတယ်။ သူက ချယ်လ်ဆီးတိုက်စစ်အတွက် ရွပ်ရွပ်ချွံချွံတာဝန်ထမ်းဆောင်ဖူးတယ်။ အလွန်ဆိုလက်ထက်မှာ အီစတီဗာအိုအတွက်နေရာမရှိသလိုဖြစ်နေပါတယ်။ ဒါပေမဲ့ အာဆင်နယ်နဲ့ပွဲမှာ သူဝင်လာပြီးနောက် ပြသခဲ့တဲ့စွမ်းရည်ကြောင့် အလွန်ဆို နေရာပေးသင့်တယ်လို့တောင်းဆိုသံက ကျယ်လောင်လာပါတယ်။
English
ไทย
中文