ပရီးမီးယားလိဂ်ဒိုင်တွေက ထမင်းစားပွဲပေါ် မှာ ဟိုဟာလုပ်သလို ဖြစ်နေပြီ

ပရီးမီးယားလိဂ်ဒိုင်တွေက ထမင်းစားပွဲပေါ် မှာ ဟိုဟာလုပ်သလို ဖြစ်နေပြီ

ပရီးမီးယားလိဂ်ဒိုင်တွေက အသုံးမကျဘူးလို့ အာဆင်နယ်နည်းပြ အာတီတာ ပြောပြီးသိပ်မကြာခင်မှာပဲ

စိတ်ပျက်စရာအမှားကို မြင်ခဲ့ရပြန်တယ်။

မန်ချက်စတာဒါဘီမှာ မပေးသင့်တဲ့ဂိုးတစ်ဂိုးပေးပြီး ပရီးမီးယားလိဂ်ဒိုင်တွေကရှက်စရာအမှားကို

ကျူးလွန်ခဲ့တာပါ။ ဟာလန်းရဲ့သွင်းဂိုး Build Up လုပ်နေချိန်မှာ အသင်းဖော်အန်ဇို လူကျွံနေတာသိသာပြီး

ဂိုးရရှိအောင် ပါဝင်ပတ်သက်ကြိုးစားခဲ့ပေမယ့် VAR Team က ဂိုးအဖြစ်သတ်မှတ်ပေးခဲ့တာပါ။

ကွင်းထဲကစည်းကြပ်ဒိုင်က ဟာလန်းဂိုးသွင်းယူချိန်မှာ လူကျွံဘောအဖြစ် သတ်မှတ်ခဲ့ပေမယ့်

VAR Team က ပြန်လည်စစ်ဆေးပြီး ဂိုးအဖြစ်သတ်မှတ်ပေးခဲ့တာပါ။

ဒါဟာစိတ်ပျက်စရာကောင်းတဲ့ဆုံးဖြတ်ချက်ဖြစ်ပြီး ကွင်းလယ်ဒိုင် မိုက်ကယ်အိုလီဗာကို VAR Team က

လူကျွံနေတဲ့အန်ဇိုဟာ ကစားကွက်ထဲပါဝင်ပတ်သက်ပြီး မန်ယူနောက်ခံလူ မာတီနက်ဇ်ကို အနှောင့်အယှက်

ပေးခဲ့သလားဆိုတာ on-field review လုပ်ခိုင်းရမှာ ဖြစ်ပါတယ်။

မန်ယူအသင်းနည်းပြ ကာရစ်နဲ့နောက်ခံလူ မာတီနက်ဇ်တို့က ဟာလန်းရဲ့သွင်းဂိုးနဲ့ပတ်သက်ပြီး

ဒိုင်ဆုံးဖြတ်ချက်ကိုပြင်းပြင်းထန်ထန်ဝေဖန်ခဲ့တယ်။

Pundit အဖြစ်ဆောင်ရွက်နေတဲ့ မန်ယူနောက်ခံလူဟောင်း ဂယ်ရီနဗီးလ်ကလည်း " အခုဆုံးဖြတ်ချက်အတွက်

ဒိုင်တွေပြန်တောင်းပန်ရမယ်" လို့ ပြောလိုက်ပါတယ်။

ပရီးမီးယားလိဂ်ဒိုင်လူကြီးအဖွဲ့ချုပ် Pro Ref က  သူတို့ရဲ့အမှားကို သူတို့သိပြီး ကြော်ငြာချက်ထုတ်ကာ တောင်းပန်ခဲ့ရပါတယ်။

အဲဒီကြေညာချက်ထဲ "  ကွင်းတွင်းဒိုင်လူကြီးရဲ့ဆုံးဖြတ်ချက်က ဟာလန်းကို လူကျွံနေတယ် လို့ သတ်မှတ်ပြီး၊

VAR က ပြန်လည် စစ်ဆေးချိန်မှာ လူမကျွံခဲ့ပါဘူး။ လူကျွံနေတဲ့အန်ဇိုက ဘောလုံးကိုမထိခဲ့တာကြောင့် ဂိုးအဖြစ်ပေးခဲ့တာပါ။

ဒါပေမဲ့အန်ဇိုက ကစားကွက်အပေါ် သက်ရောက်နိုင်ခြေ ရှိတာကို ထည့်သွင်းမစဉ်းစားခဲ့မိဘဲ ဂိုးပေးခဲ့တာဟာ

 "မှားယွင်းတဲ့ဆုံးဖြတ်ချက်ဖြစ်ပါတယ်" လို့ ဖော်ပြပါရှိခဲ့တယ်။

မန်ချက်စတာဒါဘီမှာ ဟာလန်းရဲ့သွင်းဂိုးက အငြင်းပွားစရာ ကောင်းခဲ့သလို၊ ဖိုဒန်ထုတ်ပယ်ခံရတဲ့ဖြစ်ရပ်ကလည်း

အမြင်အမျိုးမျိုးဖြစ်နေပါတယ်။ မန်စီးတီးက ဖိုဒန်က ဘရူနိုဖာနန်ဒက်စ်ကို ခြေထောက်နဲ့ကန်သလိုဖြစ်ခဲ့လို့

တိုက်ရိုက်အနီကတ် ပြသခံခဲ့ရပါတယ်။ ဘောလုံးယှဉ်လုချိန်မှာ လဲကျသွားတဲ့ ဖိုဒန်ကို ဘရူနိုဖာနန်ဒက်စ်က

အရင်ကန်ခဲ့တာဖြစ်ပါတယ်။ ဒါပေမဲ့လဲကျသွားချိန်မှာ ဖိုဒန်က ဘရူနိုဖာနန်ဒက်စ်ကို ခြေထောက်မြောက်ပြီး

ကန်ခဲ့လို့ ထုတ်ပယ်ခံရတာပါ။

အဲဒီဖြစ်ရပ်နဲ့ပတ်သက်ပြီး  ဝိန်းရွန်နီက " ဒါကအနီကတ်မဟုတ်ပါဘူး" လို့ပြောခဲ့သလို

လီဗာပူးလ်ကစားသမားဟောင်း ဒန်နီမာဖီကလည်း "  ဘရူနိုက ဖိုဒန်ကိုအရင်ကန်ခဲ့တာပါ။

ဒါပေမဲ့ အနီကတ်ပြရမယ့်ကိစ္စမျိုးမဟုတ်ဘူး။ ဖိုဒန်ကတော့ ဘရူနိုရဲ့အထက်ပိုင်းကိုကန်ခဲ့တာဖြစ်လို့ အနီကတ်ပါ" လို့ဝေဖန်ခဲ့တယ်။

နောက်ထပ်Pundit တစ်ဉီးဖြစ်တဲ့ ရော်ဘင်ဆင်က " ဖိုဒန်ရဲ့ရူးသွပ်တဲ့လုပ်ရပ်ပါ။

သူကန်လိုက်တာက ဘယ်လိုမှသက်ညှာလို့မရပါဘူး။ ဖိုဒန်ရဲ့ရူးသွပ်မှုကြောင့်မန်စီးတီး နစ်နာပါတယ်" လို့ ပြစ်တင်ခဲ့ပါတယ်။

မန်ချက်စတာဒါဘီဟာ အငြင်းပွားစရာတွေနဲ့ အဆုံးသတ်ခဲ့ပြီး မန်ယူအသင်းပရိသတ်တွေကတော့

တစ်ယောက်လျော့နဲ့ကစားရပေမယ့် အနိုင်မယူနိုင်တဲ့ ကစားသမားတွေရဲ့စွမ်းဆောင်ရည်ကို ဒေါသထွက်နေကြပါတယ်။

ဘယ်လိုပဲဖြစ်ဖြစ် ပရီးမီးယားလိဂ်ဒိုင်တွေရဲ့စွမ်းဆောင်ရည်က စိတ်ပျက်စရာကောင်းပြီး

မန်ချက်စတာဒါဘီလို Big Match မှာ ရပ်ကွက်ဆန်တဲ့အမှားမျိုးကျူးလွန်ခဲ့ပါတယ်။

ပွဲရဲ့အရည်အသွေးအရှိန်အဝါနဲ့ ဒိုင်တွေရဲ့ဆုံးဖြတ်ချက်အမှားတွေ မလိုက်ဖက်ပုံက ထမင်းစားပွဲပေါ် မှာ ဟိုဟာလုပ်သလိုဖြစ်နေပါတယ်။