ပိုးသာကုန် မောင်ပုံစောင်းမတတ် 

ပိုးသာကုန် မောင်ပုံစောင်းမတတ်

ပေါင် ၃၄၉ သန်းသုံးထားပေမယ့် ချယ်လ်ဆီးက ကွင်းလယ်လူမလုံလောက်ပါဘူး။ အာဆင်နယ်နဲ့ပွဲမှာ

Right Back နှစ်ဦးက ကွင်းလယ်လူတွေအဖြစ် အသုံးတော်ခံခဲ့ရတယ်။

ဂွာဒီယိုလာက ညာနောက်ခံလူ  ကင်မစ်ချ်ကို ကွင်းလယ်လူအဖြစ် ထူးချွန်စေခဲ့တယ်။

ဒီလိုပဲ ယာဂန်ကလော့ပ်က အာနိုးလ်ကို ကွင်းလယ်လူအဖြစ် ထက်မြက်စေခဲ့တယ်။

အလွန်ဆိုကလည်း ရစ္စဂျိမ်းစ်နဲ့ ဂူစတိုကို ကွင်းလယ်လူတွေအဖြစ် ဆေးစက်ကျရာအရုပ်ထင်စေခဲ့ပါတယ်။

ဒါပေမဲ့သူ့ရဲ့စီမံကိန်းဟာ အရာမထင်သေးဘူး။ အာဆင်နယ်နဲ့ပွဲမှာ အနိုင်ဂိုးသွင်းခဲ့သူ ‌အော်ဒီဂွာကို Marking

မလုပ်နိုင်လို့ ချယ်လ်ဆီး အညံ့ခံလိုက်ရတယ်။

ရစ္စဂျိမ်းဟာ ပြီးခဲ့တဲ့ရာသီတုန်းက ကွင်းလယ်လူအဖြစ် အကြိမ်များစွာ ကစားဖူးလို့ သူ့ကိုကွင်းလယ်မှာသုံးတာ

အလွန်ဆို စတန့်ထွင်တာမဟုတ်ပါဘူး။ ဒါပေမဲ့ ဂူစတိုကို ကွင်းလယ်လူအဖြစ်ကစားခိုင်းတာတော့ Reality မဆန်ပါဘူး။

အန်ဇိုထွက်သွားပြီး ကိုင်စီဒိုမကစားနိုင်ချိန်မှာ ချယ်လ်ဆီးကွင်းလယ်မာဂုဏ် သံပတ်လျော့သွားတယ်။

ကွင်းလယ်မှာဘောလုံးဆုံးရှုံးမှုများစွာရှိခဲ့ပြီး တန်ပြန်တိုက်စစ်ကို ပီပီပြင်ပြင် မကစားနိုင်ခဲ့ဘူး။

ချယ်လ်ဆီးက အဲဒီဒုက္ခကိုကြိုမြင်ခဲ့တယ်၊ ဘုန်းမောက်ကအဲလက်စ်စကော့၊ ရိုးမားကကိုနေးတို့ကို

လိုချင်ခဲ့ပါတယ်။ဒါပေမဲ့ မရခဲ့လို့ ချယ်လ်ဆီးကွင်းလယ်  အရောင်မှိန်သွားရတယ်။

ဘရိုက်တန်နဲ့ပွဲမှာ ချယ်လ်ဆီး အနိုင်ရပေမယ့် ဂူစတိုပါဝင်တဲ့ကွင်းလယ်က ဘောလုံးပိုင်ဆိုင်မှု

၂၅ ဒဿမ ၆ ရာခိုင်နှုန်းသာရှိပြီး ၂၀၀၃-၀၄ ရာသီနောက်ပိုင်း အဆိုးရွာဆုံး ဖြစ်ခဲ့တယ်။

ချယ်လ်ဆီးကွင်းလယ်မှာ ဝါရင့်ဟန်ဒါဆန်၊ လူငယ်ကြယ်ပွင့်ဘာကိုတို့ရှိပေမယ့် ဂူစတိုကို ကွင်းလယ်လူအဖြစ် လွဲမှားစွာ သုံးနေတာပါ။

ချယ်လ်ဆီးခံစစ်က အမှားတွေကျူးလွန်နေပြီး ကွင်းလယ်ကလည်း မာဂုဏ်နိမ့်တဲ့အခါ

ဂိုးတွေအလွယ်တကူပေးနေရတယ်။ အလွန်ဆိုက အခုထက်ပိုပြီး ခံစစ်လုံခြုံချင်တယ်လို့ ပြောပေမယ့် လတ်တလောဖြစ်မလာနိုင်သေးပါဘူး။

ပိုးသာကုန် မောင်ပုံစောင်းမတတ် ဆိုသလိုပါပဲ။