မန်ယူကပရီးမီးယားလိဂ်မှာ သားပေါက်

မန်ယူကပရီးမီးယားလိဂ်မှာ သားပေါက်

အကြောက်တရားဟာ အရာအားလုံးကို ဆုံးရှုံးစေနိုင်တယ်။ မန်ချက်စတာဒါဘီမှာ မန်ယူက မြို့ခံပြိုင်ဘက်

မန်စီးတီးကို ထိတ်လန့်နေခဲ့တယ်။ ကစားသမားတစ်ယောက်အသာစီးရသွားချိန်မှာလည်း မန်ယူက

ပြင်းထန်တဲ့တိုက်ပွဲဝင်စိတ်ဓာတ်ကို မပြသနိုင်ဘူး။

ပြီးခဲ့တဲ့ရာသီ၊ အိုးလ်ထရက်ဖို့ဒ်မှာ မိုက်ကယ်ကာရစ်ရဲ့ မန်ယူအသင်းက ကြောက်ရွွံ့ခြင်းကင်းမဲ့ကစားဟန်နဲ့

အောင်ပွဲယူပြခဲ့တယ်။ အခုရာသီမန်ချက်စတာဒါဘီမှာတော့ မိုက်ကယ်ကာရစ်ရဲ့မန်ယူအသင်းဟာ

ကြောက်စိတ်ကြောင့် နိုင်ပွဲအိပ်မက်အမှောက်သိပ်ခံခဲ့ရပါတယ်။

ဖိုဒန်ထုတ်ပယ်ခံရပြီးနောက် မန်ယူကစားသမားတွေရဲ့ အထာက အေးဆေးပါကွာဆိုပြီးစိတ်ကြီးဝင်ခဲ့သလိုပဲ။

ကြောက်တတ်သူတွေက ဟန်ကိုယ်ဖို့ဆိုသလို ဖြဲခြောက်ရုံသာဖြဲခြောက်တတ်သလိုမျိုး မန်ယူရဲ့အဆင့်က သားပေါက်ဘဝပါ။

ဟုတ်ပါတယ်၊ မန်ယူကပရီးမီးယားလိဂ်မှာ သားပေါက်ဘဝ ရောက်နေတာကြာပြီ။

ချန်ပီယံဆုကို စိတ်ကူးယဉ်ခွင့် မရှိဘူး။ ချန်ပီယံလိဂ်ဝင်ခွင့် မသေချာဘူး။

တန်းဆင်းဇုန်ပတ်ဝန်းကျင်မှာ ရုန်းကန်ရတဲ့အထိ အခြေအနေဆိုးခဲ့ပါတယ်။

မန်ယူရဲ့အနာဂတ်ကဖရိုဖရဲနိုင်ပေမယ့် ရှယ်ယာရှင် ဆာဂျင်မ်ရက်ကလစ်တို့အဖွဲ့က လေထဲတိုက်အိမ်ဆောက်နေဆဲပါ။

ဆာဂျင်မ်ရက်ကလစ်ဖ်က မန်ယူအသင်းရှယ်ယာတချို့ကို ပေါင် ၁ ဒဿမ ၂၅ ဘီလီယံ သုံးကာဝယ်ယူပြီးနောက်

အရင်လိုဆုဖလားအောင်ပွဲတွေ ယူပေးမယ်လို့ကတိပေးဖူးတယ်။

၂၀၂၄ ခုနှစ်အတွင်းမှာ မန်ယူအသင်းအမှုဆောင်အရာရှိချုပ် အိုအာဘာရာဒါက ၂၀၂၈ ခုနှစ်ရောက်ရင်

ပရီးမီးယားလိဂ်ဖလားသိမ်းပိုက်ပြမယ်ဆိုပြီး ကြွေးကြော်ခဲ့တယ်။

အဲဒီကတိတွေ၊ ကြွေးကြော်သံတွေက မန်ယူရဲ့ မြေပြင်အခြေအနေနဲ့ ကင်းကွာနေပါတယ်။

၁၉၉ ကြိမ်မြောက်မန်ချက်စတာဒါဘီမှာ ကစားသမားတစ်ယောက်အသာနဲ့ ကစားရပေမယ့်

မန်ယူအသင်းကရှက်စရာစွမ်းရည်ကြောင့် ရှုံးနိမ့်ခဲ့ရတယ်။

အခုဆိုရင်မန်ယူအသင်းက ရာသီအစလေးပွဲမှာ လေးမှတ်သာရတဲ့မှတ်တမ်းဆိုး ရင်ဝယ်ပိုက်လိုက်ရတယ်

၁၉၉၂-၉၃ ရာသီနောက်ပိုင်း အဆိုးရှားဆုံးရာသီအစနဲ့ မန်ယူရင်ဆိုင်လိုက်ရတာပါ။

ပြီးခဲ့တဲ့ရာသီ၊ နည်းပြအာမိုရင်မ်လက်ထက်မှာလည်း အခုလိုမျိုးပဲ ရာသီအစလေးပွဲမှာ လေးမှတ်သာရတဲ့ မှတ်တမ်းဆိုး ကြုံခဲ့ရဖူးပါတယ်။

ဒီတော့ မိုက်ကယ်ကာရစ်က အာမိုရင်မ်နဲ့ ဂုဏ်ရည်တူ လူညံ့တစ်ယောက်ဖြစ်နေပါပြီ။

မန်ချက်စတာဒါဘီပွဲမှာ ကွင်းထဲလာကြည့်တဲ့ ဆာဂျင်မ်ရက်ကလစ်ဖ်နဲ့အဖွဲ့ကို မန်ယူပရိသတ်တွေ

ဆန္ဒပြခဲ့ကြတယ်။ မန်ယူရဲ့အဖြစ်က ပရိသတ်တွေ ဆန္ဒပြလိုက်၊ နည်းပြထုတ်လိုက်၊ ရှုံးပွဲကြုံလိုက် သံသရာထဲပိတ်မိနေဆဲပါ။