ဂျာမန်ဘီလူးကြီး အိပ်ဆေးခတ်ခံရတဲ့ည

ဂျာမန်ဘီလူးကြီး အိပ်ဆေးခတ်ခံရတဲ့ည

တန်းတက်ရှော်လ်ကေးအသင်းကို ဘိုင်ယန်မြူးနစ် ဂိုးမသွင်းနိုင်ဘဲ သရေကျခဲ့ပါတယ်။ ဒါဟာ ဘိုင်ယန်မြူးနစ် အတွက်သမိုင်းတွင်တဲ့ ဆုံးရှုံးမှုကြီးပါပဲ။

ဘိုင်ယန်မြူးနစ်လို့ဆိုလိုက်တာနဲ့ ပရိသတ်တွေက သွင်းဂိုးတွေ၊ ဂိုးပြတ်နိုင်ပွဲတွေနဲ့ အတူမြင်နေကျဖြစ်ပါတယ်။

ဒါပေမဲ့ တန်းတက်ရှော်လ်ကေးနဲ့အတွေ့မှာတော့ ဘိုင်ယန်မြူးနစ်က ပြိုင်ပွဲစုံ ၅၉ ပွဲဆက်ဂိုးသွင်းတဲ့ မှတ်တမ်းရပ်တန့်ခဲ့ပါပြီ။

ဘိုင်ယန်မြူးနစ်က ဟာရီကိန်းနဲ့ အိုလစ်ဆီကို ပထမပိုင်းမှာအနားပေးထားပြီး ရှော်လ်ကေးကို ရင်ဆိုင်ခဲ့ပါတယ်။ သူတို့နှစ်ဉီးမပါချိန်မှာ

ဘိုင်ယန်မြူးနစ်တိုက်စစ်က ဒီယက်ဇ်တစ်ယောက်တည်းနဲ့ ရုန်းကန်ခဲ့ရပါတယ်။

ဒုတိယပိုင်းမှာ ဟာရီကိန်းရဲ့ ဂိုးဖြစ်နိုင်တဲ့အားထုတ်မှုကို ရှော်လ်ကေးဂိုးသမား ကာရီးယက်စ်လက်စွမ်းပြ ကာကွယ်ခဲ့လို့ ဘိုင်ယန်မြူးနစ်ကံဆိုးခဲ့ပါတယ်။

လက်ရှိရာသီအစမှာ ဘိုင်ယန်မြူးနစ်က စတုဂတ်ကို ၅ ဂိုး ၁ ဂိုး၊ အော့စနာဘရက်ခ်ကို ၄ ဂိုး ၁ ဂိုးရလဒ်တွေနဲ့

အနိုင်ယူပြီး မျက်နှာပန်းလှထားပေမယ့် လီဗာပူးလ်ရဲ့အပယ်ခံဂိုးသမား ကာရီးယက်စ်နဲ့အတွေ့မှာ

၅၉ ပွဲဆက်ဂိုးသွင်းတဲ့စံချိန်ရပ်တန့်ခဲ့ပါတယ်။

ဂိုး ၁၀၀ ပြည့်ဖို့ ၂ ဂိုးသာလိုတော့တဲ့ ဟာရီကိန်းအတွက်လည်း အခု ရှော်လ်ကေးနဲ့ပွဲမှာဂိုးတွေမျှော်လင့်ခဲ့ပေမယ့် ဖြစ်မလာခဲ့ဘူး။

ဘွန်ဒစ်လီဂါကစားသမားဘဝမှာ တွေ့တဲ့အသင်းတိုင်းကို ဟာရီကိန်းဂိုးသွင်းနိုင်တဲ့စံချိန်ပိုင်ဆိုင်ခဲ့ပေမယ့်

အခုအဲဒီစံချိန်လည်း ပျက်ပြယ်ခဲ့ပါပြီ။

ဘိုင်ယန်မြူးနစ်အသင်းကလည်း ဘွန်ဒစ်လီဂါပွဲစဉ် ၆၇ ပွဲဆက်အမှတ်ပေးဇယားထိပ်ဆုံးနေရာရပ်တည်နိုင်တဲ့ မှတ်တမ်းကျိုးပျက်ခဲ့ပါတယ်။

ဂျာမန်ဘီလူးကြီး ဘိုင်ယန်မြူးနစ်အတွက် ရှော်လ်ကေးအသင်းကို ဂိုးမရှိသရေကျလိုက်တာဟာ နစ်နာမှုတွေသိပ်များခဲ့ပါတယ်။

ဂျာမန်ဘီလူးကြီး အိပ်ဆေးခတ်ခံရတဲ့ညလို့ဆိုရပါမယ်။