ဂုဏ်သိက္ခာနတ္တိနဲ့ ကပ်ဆိုက်နေတဲ့ စပါး

ဂုဏ်သိက္ခာနတ္တိနဲ့ ကပ်ဆိုက်နေတဲ့ စပါး

အဲဗာတန်နဲ့ပွဲမှာ စပါးအသင်းပရိသတ်တွေက ''Please Score A Goal" ဆိုပြီး တောင်းဆိုခဲ့တယ်။

ပထမပိုင်းအပြီး ဂိုးမရှိသရေကျနေတော့  စပါးအသင်းပရိသတ်တွေရဲ့တောင်းဆိုသံပြောင်းလဲသွားတယ်။

"Please Have A Shot" ဖြစ်သွားပါတယ်။

နည်းပြဒီဇယ်ဘီရဲ့စပါးအသင်းအဖြစ်က ဂိုးတစ်ဂိုးရဖို့နေနေသာသာ၊ ဂိုးပေါက်ကန်သွင်းမှုတောင်

သိပ်မလုပ်နိုင်ပါဘူး။ စပါးအသင်းပရိသတ်တွေအတွက် နာကျင်စရာကာလဟာ ရှည်ကြာလွန်းနေပါပြီ။

ပြီးခဲ့တဲ့ရာသီက တန်းဆင်းငရဲကနေ စပါးကို ဆွဲထုတ်ပေးခဲ့သူ နည်းပြ ဒီဇယ်ဘီအတွက်

ဂုဏ်သိက္ခာ တစစီကျိုးကြေနေတယ်။

ပရီးမီးယားလိဂ်မှာ တစ်ပွဲမှ မနိုင်သေးဘူး။ ပရီးမီးယားလိဂ်မှာ တစ်ဂိုးမှ မသွင်းနိုင်သေးဘူး။

စပါးအသင်းပရိသတ်တွေရဲ့နာကျင်စိတ်ဟာ ဒေါသစိတ်အဖြစ် ပြောင်းလဲခဲ့ပါတယ်။

ပေါင်သန်းသုံးရာကျော် သုံးထားတဲ့ရာသီမှာ ၄၀၇ မိနစ်အထိ ဂိုးပေါက်ပျောက်နေတာဟာ

စိတ်ပျက်စရာထက်ပိုပါတယ်။ အဖြေရှာမရတဲ့ ပြဿနာဖြစ်လာတယ်။

ပရီးမီးယားလိဂ်လေးပွဲဆက် ဂိုးမသွင်းနိုင်တာ စပါးကြုံဖူးပါတယ်။ ၂၀၀၆ ခုနှစ်၊ စက်တင်ဘာလမှာ

စပါးကပရီးမီးယားလိဂ်လေးပွဲဆက် ဂိုးမသွင်းနိုင်တဲ့ မှတ်တမ်းဆိုးရင်ဆိုင်ရဖူးတယ်။

ဒါပေမဲ့ ပရီးမီးယားလိဂ် ရာသီအဖွင့်လေးပွဲဆက် ဂိုးမသွင်းနိုင်တာတော့ စပါးအသင်းသမိုင်းတစ်လျှောက်ရင်ဆိုင်ရတာပါ။

စပါးအသင်းရဲ့အိမ်ကွင်း ပွဲ၁၄၀ မြောက်မှာ ပထမဆုံးဂိုးမရှိသရေပွဲဖြစ်ခဲ့ပါတယ်။

အခုအချိန်မှာ စပါးအသင်းပရိသတ်တွေအတွက် တောင်းပန်ရုံကလွဲ တခြားမရှိပါဘူး။

" စပါးပရိသတ်တွေကို တောင်းပန်ပါတယ်၊ အသင်းသားတွေနဲ့အတူ တောင်းပန်ပါတယ်" လို့ ဒီဇယ်ဘီပြောခဲ့တယ်။

ပြီးတော့ စပါးပရိသတ်တွေရဲ့ ခံစားချက်ကို နားလည်တယ်လို့ ဒီဇယ်ဘီပြောပါတယ်။

စပါးကတစ်ဂိုးမှ မရသေးပေမယ့် xG တန်ဖိုးက အတော်လေးမြင့်မားနေပါတယ်။ ဂိုးဖြစ်နိုင်ခြေရာခိုင်နှုန်း

များတဲ့အခြေအနေတွေ ဖန်တီးထားပါတယ်။ စပါးရဲ့xG က ၃ ဒဿမ ၄ အထိရှိပြီး

အဲဒီ ကိန်းဂဏန်းအတိုင်းဆိုရင်  သုံးဂိုးဒါမှမဟုတ်လေးဂိုးလောက်ရသင့်ပါတယ်။

Numbers will never Lie ဆိုတဲ့စကားရှိပေမယ့် စပါးအတွက်တော့မဟုတ်ပါဘူး။

သွင်းဂိုးနတ္တိ၊ နိုင်ပွဲနတ္တိ၊ ဂုဏ်သိက္ခာနတ္တိနဲ့ စပါးက ကပ်ဆိုက်နေတယ်။