ဘောလုံးမရမှ ပိုကောင်းတဲ့ မန်ယူ

ဘောလုံးမရမှ ပိုကောင်းတဲ့ မန်ယူ

မိုက်ကယ်ကာရစ်လက်ထက် မန်ယူအသင်းမှာ သိပ်ပြီးထူးဆန်းတဲ့အရာတစ်ခု ရှိနေတယ်။

အဲဒါက " မန်ယူဟာ ဘောလုံးမရလေပိုကောင်းလေ" ဆိုတဲ့အချက်ပါ။

ဟုတ်ပါတယ်၊ ဘောလုံးပွဲတစ်ပွဲမှာ ဘောလုံးရထားမှ တိုက်စစ်ဆင်နိုင်မယ်၊ ဂိုးသွင်းနိုင်မယ်ဆိုပေမယ့်

မန်ယူက အခြေခံသီအိုရီရဲ့ဆန့်ကျင်ဘက်လမ်းကို လျှောက်နေရတယ်။

မိုက်ကယ်ကာရစ်လက်ထက် မန်ယူက ဘောလုံးပိုင်ဆိုင်မှု ၅၀ ရာခိုင်နှုန်းအထက်ရတဲ့အချိန်မှာ တစ်ပွဲပျမ်းမျှ

(၁ ဒဿမ ၅) မှတ်သာရပြီး ဘောလုံးပိုင်ဆိုင်မှု ၅၀ ရာခိုင်နှုန်းအောက်ရတဲ့အချိန်မှာ တစ်ပွဲပျမ်းမျှ (၂ ဒဿမ ၆) မှတ်အထိ မြင့်တက်လာတယ်။

ပြီးခဲ့တဲ့ရာသီမှာ မန်ယူအသင်းက ဘောလုံးပိုင်ဆိုင်မှု ၄၅ ရာခိုင်နှုန်းနဲ့ အောက်သာရတဲ့ ၁၀ ပွဲစလုံးအနိုင်ရခဲ့ဖူးတယ်။

ဒီတော့ မန်ယူက ဘောလုံးမရလေ ပိုကောင်းလေ ဖြစ်နေပါတယ်။

မိုက်ကယ်ကာရစ်လက်ထက်မန်ယူအသင်းက ဆိုးလ်ရှားလက်ထက်မန်ယူအသင်းနဲ့ ထူးမခြားနား ဖြစ်ပါတယ်။

တန်ပြန်တိုက်စစ်နဲ့ လျင်မြန်တဲ့ခံစစ်-တိုက်စစ်အကူးအပြောင်းတွေကို အဓိကမှီခိုနေရတယ်။

ကိုယ့်ထက်သာတဲ့အသင်းကြီးတွေနဲ့ ရင်ဆိုင်ရတဲ့အခါ မန်ယူက ဘောလုံးပေးကစားပြီး Transition အားပြုတုံ့ပြန်နေဆဲပါ။

မန်စီးတီးနဲ့ မန်ချက်စတာဒါဘီမှာ မန်ယူက ကစားသမားတစ်ယောက်အသာစီးရပေမယ့် နိုင်ပွဲမရခဲ့တာ Transition လုပ်ခွင့်မရလို့ပါ။

၁၁ ယောက်ချင်းဆိုရင် မန်စီးတီးက တိုက်စစ်ဆင်မယ်၊ မန်ယူက Transition တွေနဲ့တုံ့ပြန်မယ်၊ Space တွေကိုအသုံးချမယ်၊

Game Shape က အဲဒီလိုပုံစံဖြစ်လာနိုင်ပါတယ်။

ဒါပေမဲ့ တစ်ယောက်လျော့သွားပြီးနောက် မန်စီးတီးက နေရာလွတ် မရှိအောင် အထူးသတိပြုခဲ့တယ်။

မန်ယူအသင်း Transition တွေလုပ်ခွင့်မရအောင် ကာကွယ်ခဲ့ပါတယ်။

ဒီလိုနဲ့ပဲ မန်ယူက မန်ချက်စတာဒါဘီမှာအညံ့ခံခဲ့ရတယ်။

ဘရိုက်တန်အသင်းနဲ့ ပွဲမှာလည်း ဒီလိုပါပဲ။ မန်ယူက ဂိုးလိုအပ်နေချိန်မှာ ဘောလုံးပိုင်ဆိုင်မှုအသာစီးယူပြီး ဖိကစားပေမယ့် ရည်မှန်းချက်မပြည့်ခဲ့ဘူး။

ဘောလုံးမရလေ ပိုကောင်းလေဆိုတဲ့ဂုဏ်ပုဒ်ကို ဆက်လက်ထိန်းသိမ်းခဲ့တယ်။

မန်ယူရဲ့DNA ကို မိုက်ကယ်ကာရစ်လက်ထက်မှာ ပြန်မြင်ရတယ်ဆိုပြီး ပြောကြပါတယ်။

တကယ်တော့အဲဒီစကားက ရာနှုန်းပြည့်မမှန်ကန်ပါဘူး။ မိုက်ကယ်ကာရစ်ရဲ့မန်ယူအသင်းက နောက်ကျဂိုးတွေနဲ့

အနိုင်ရတဲ့ DNA ကိုပဲ ပြသနိုင်ခဲ့တာပါ။ ဖာဂူဆန်လက်ထက်မန်ယူလိုမျိုး ပြိုင်ဘက်ကိုတစ်ချိန်လုံး တိုက်စစ်ဆင်ဖိအားမပေးနိုင်ပါဘူး။

မန်ယူရဲ့ DNA ဆိုတာ " နိုင်ပွဲယူမယ်၊ ဖျော်ဖြေရေးဆန်မယ်၊ ပရိသတ်အကြိုက်ကစားပြမယ်၊ နောက်ဆုံးအချိန် အထိအရှုံးမပေးဘူး" ဆိုတာပါ။

လက်ရှိမန်ယူအသင်းက နိုင်ပွဲလည်းမရဘူး၊ ကစားတာကလည်းစွဲမက်စရာမရှိဘူး။ ပရိသတ်တွေလှောင်ပြောင်တာလည်း ခံနေရတယ်။

မိုက်ကယ်ကာရစ်ရောက်လာပြီးနောက် မန်ယူအသင်းက ပရီးမီးယားလိဂ်မှာ Direct Attack အများဆုံးဖြစ်လာတယ်။

အသင်းကြီးတစ်သင်းဟန်ပန်လုံးဝပျောက်ဆုံးခဲ့တယ်။

ဖာဂူဆန်က ၂၀၁၇ ခုနှစ်မှာ " မန်ယူအသင်းဆိုတာ ပရိသတ်ကို ဖျော်ဖြေရေးဆန်ဆန် ကစားပြရမယ်၊

ပရိသတ်ကြိုက်အောင်ကစာဖာဂူဆန်ဆိုတာ ဘယ်တော့မှမမေ့ပါနဲ့" လို့ သတိပေးခဲ့တယ်။

လက်ရှိမန်ယူအသင်းကတော့ ဖာဂူဆန်ရဲ့သတိပေးစကားနဲ့ ပြဒါးတလမ်း၊ သံတလမ်းဖြစ်နေပါတယ်။

ဘောလုံးမရမှ ပိုကောင်းတဲ့ မန်ယူအသင်း ဖြစ်နေပါတယ်။