အိမ့်နိမ့်စံဘဝကနေ ရောမမြို့ရဲ့သူရဲကောင်းဖြစ်လာသူ

အိမ့်နိမ့်စံဘဝကနေ ရောမမြို့ရဲ့သူရဲကောင်းဖြစ်လာသူ

လွန်ခဲ့တဲ့ ၈ လက မာလန်တစ်ယောက် ဗီလာမှာ ရုန်းကန်နေရပါတယ်။

အခုတော့ ဉရောပထိပ်တန်းလိဂ်ငါးခုမှာ သွင်းဂိုးအများဆုံး အဆုံးသတ်သမားကောင်း  တစ်ဉီးအဖြစ် ရပ်တည်နေတယ်။

ပြီးခဲ့တဲ့ဇန်နဝါရီလ ၁၈ ရက်မှာ ရိုးမားအတွက် မာလန်စတင်ပွဲထွက်ကစားပြီးနောက်ပိုင်း သူ့ထက်ဂိုးပိုသွင်းနိုင်သူ မရှိခဲ့ဘူး။

ရိုးမားကစားသမားဘဝမှာ မာလန်ကဂိုးနှစ်ဆယ်အထိ ပိုင်ဆိုင်ထားပြီး ဟာရီကိန်း (၁၆ ဂိုး)၊ ယမားလ် (၁၅ ဂိုး)တို့ထက် ပိုများခဲ့တယ်။

သွင်းဂိုးပါဝင်ပတ်သက်မှုမှာလည်း မာလန်က ၂၂ ဂိုးနဲ့အထူးချွန်ဆုံးဖြစ်ပြီး ဘရူနိုဖာနန်ဒက်စ် (၂၀ ဂိုး)၊ ယမားလ် (၁၉ ဂိုး)တို့ထက် ပိုများခဲ့တယ်။

ရိုးမားဟာ မာလန်အတွက် နတ်ရေကန်ဖြစ်ခဲ့တယ်။ ရုန်းကန်ရသူ၊ အရောင်မှိန်သူဘဝကနေ ကြယ်တပွင့် ဖြစ်လာပါတယ်။

ဗီလာကစားသမားဘဝ ၄၆ ပွဲမှာ သွင်းဂိုး ၁၀ ဂိုး၊ ဂိုးဖန်တီးမှု ၂ ကြိမ်သာပြုလုပ်နိုင်ပြီး  မိနစ် ၁၅၀ နီးပါးကျမှ

တစ်ဂိုးသွင်းနိုင်ခဲ့သူ မာလန်က ရိုးမားရောက်တဲ့အခါ ၉၆ မိနစ်တစ်ဂိုးနှုန်း ပိုင်ဆိုင်နေပါတယ်။

ဗီလာမှာ အထောင်တိုက်စစ်မှူးအဖြစ် အထီးကျန်ဆန်ခဲ့သူဟာ ရိုးမားရောက်တော့ ကွင်းလယ်နဲ့တိုက်စစ်ဇုန်ထဲ လွတ်လပ်စွာကစားခွင့်ရတယ်။

ဒီလိုနဲ့ပဲ စီးရီးအေက ပရီးမီးယားလိဂ် ဒုတိယတန်းစားကစားသမားတွေအတွက် ပြန်လည်မွေးဖွားတဲ့အရပ်ဖြစ်လာတယ်။

နေပယ်လ်ရောက် တွမ်မီနေးလိုမျိုး နာပိုလီနဲ့အတူ စီးရီးအေချန်ပီယံဆု၊ ဂိုးသွင်းဘုရင်ဆုတွေ မျှော်လင့်ခွင့်ရှိလာတယ်။

ရောမမြို့ဟာ ဒဏ္ဍာရီလာ သူရဲကောင်းတွေ မွေးဖွားရာအရပ်ဆိုပြီး ထင်ရှားပါတယ်။

မာလန်က အိမ့်နိမ့်စံဘဝကနေ ရောမမြို့ရဲ့ ဘောလုံးရပ်ဝန်းထဲသူရဲကောင်းဖြစ်လာခဲ့တယ်။