စီရော်နယ်လ်ဒို ဘေးဖယ်ပေးရမယ့်အချိန်

Post- Messi Era မှာ မက်ဆီက သူရဲကောင်းလို ခမ်းနားနေချိန်၊ Post-Cristiano Ronaldo era မှာ စီရော်နယ်လ်ဒိုက သူပုန်ဆန်နေခဲ့တယ်။

ပွဲမကစားရလို့ ပေါ် တူဂီအသင်းကနေ ထွက်ပြေးခဲ့တယ်။ ကလေးဆန်လွန်းတဲ့ အမိုက်လေးစီရော်နယ်လ်ဒိုပါပဲ။

စီရော်နယ်လ်ဒို သူပုန်ဆန်ပြီး ပထမဆုံးကစားတဲ့ပွဲမှာ ပေါ်တူဂီအသင်းက ဂိုးပြတ်အောင်ပွဲရခဲ့တယ်။

ပြီးခဲ့တဲ့ ၂၀၂၆ ကမ္ဘာ့ဖလားတုန်းကလိုမဟုတ်ဘဲ ပေါ်တူဂီတိုက်စစ်က နုပျိုလင်းလက် စွမ်းအင်ထက် နေခဲ့တယ်။

စီရော်နယ်လ်ဒိုလောင်းရိပ်အောက်က လွတ်မြောက်ပြီးနောက် ဘရူနိုဖာနန်ဒက်စ်ရဲ့ဖန်တီမှုစွမ်းရည် ပြန်လည်ခံစားခွင့်ရလာတယ်။

ဘရူနိုဖာနန်ဒက်စ်က ဒိန်းအတ်အသင်းနဲ့နေးရှင်းလိဂ်ပွဲမှာ ဂိုးဖန်တီးမှု ၂ ကြိမ် ပြုလုပ်နိုင်ခဲ့တာပါ။

ပေါ်တူဂီအသင်းက အထောင်တိုက်စစ်မှာ ဂွန်ကာလိုရာမို့စ်၊ No 10 Role အဖြစ် ဘရူနိုဖာနန်ဒက်စ်၊ တောင်ပံနှစ်ဘက်မှာ နေတို၊ လီယာအိုတို့ကစားခဲ့တယ်။

အဲဒီတိုက်စစ်အစုအဖွဲ့က ဟန်ချက်ညီပြီး ဂိုးပေါက်ကန်သွင်းမှု ၁၉ ကြိမ်၊ ဂိုးပေါက်တည့်တဲ့ကန်ချက် ၁၀ ကြိမ်အထိရခဲ့တယ်။

ပေါ်တူဂီအသင်းအတွက် ဂိုးတွေကို ဂွန်ကာလိုရာမို့စ်၊ ကန်ဆယ်လို၊ ဗီတင်ညာ၊ လူစားဝင်လာတဲ့ ယော်အိုဖေးလစ်တို့ သွင်းယူပေးခဲ့ပါတယ်။

စီရော်နယ်လ်ဒိုနဲ့ ပြဿနာဖြစ်ခဲ့သူ ပေါ်တူဂီအသင်းနည်းပြဂျီးဆပ်က လက်ရှိရလဒ်အတွက် ဂုဏ်ယူနေပြီး

အသင်းရဲ့အထက်မှာ ဘယ်ကစားသမားမှမရှိဘူးလို့ အသိထပ်ပေးခဲ့တယ်။

စီရော်နယ်လ်ဒိုရဲ့အဆုံးသတ်စွမ်းရည်က အထင်ကြီးစရာကောင်းနေဆဲဖြစ်ပေမယ့် တိုက်စစ်မှာနေရာစုံရွေ့လျားကစားနိုင်စွမ်း မရှိတော့ပါဘူး။

စီရော်နယ်လ်ဒိုရှိနေရင် ပေါ်တူဂီအသင်းရဲ့တိုက်စစ်က ဖြတ်တင်ဘောတွေကိုသာ အားထားနေရပြီး ပြိုင်ဘက်တွေရှင်းထုတ်ရလွယ်ကူခဲ့ပါတယ်။

ပြောရရင် စီရော်နယ်လ်ဒိုက ပေါ်တူဂီအသင်းအတွက် ဝန်ထုပ်ဝန်ပိုး၊ ဗြဟ္မာကြီးဉီးခေါင်း ဖြစ်နေတာပါ။

နာမည်ကျော်စပိန်ဂျာနယ်လစ် ဘယ်လာဂွီက "ပီလီ၊ မာရာဒိုနာ၊ မက်ဆီတို့လိုကစားသမားတွေကို

ကွင်းဘေးမှာ သွေးပူလေ့ကျင့်ခန်း ဆင်းခိုင်းပြီးမှ ဝင်မကစားခိုင်းလို့မရပါဘူး" လို့ ဝေဖန်ခဲ့တယ်။

ဒါပေမဲ့ အသင်းခေါင်းဆောင်တစ်ယောက်၊ အသင်းရဲ့ဂန္ထဝင်တစ်ယောက်က အခုလိုမျိုး သူပုန်ဆန်ခဲ့တာစိတ်ပျက်စရာပါ။

ပေါ်တူဂီအသင်းနည်းပြ ဂျီးဆပ်က စီရော်နယ်လ်ဒိုမရှိချိန်မှာ ဂိုးမိုးရွာပြလိုက်တော့ သူ့ကိုမလိုတော့ဘူးဆိုတာ ပိုပြီးမြင်သာစေတယ်။

၂၀၁၇ ခုနှစ်ကစတင်ပြီး ပေါ်တူဂီအသင်းက စီရော်နယ်လ်မပါချိန်မှာ နိုင်ပွဲရာခိုင်နှုန်း ပိုများသလို၊

တစ်ပွဲပျမ်းမျှသွင်းဂိုးကလည်း ၂ ဒဿမ ၇ ဂိုးနဲ့ ပိုများခဲ့ပါတယ်။

စီရော်နယ်လ်ဒိုက ပေါ်တူဂီရဲ့ခေတ်သစ်ကို စံချိန်တင်သွင်းဂိုးတွေနဲ့ ဂန္ထဝင်ဆန်ဆန်ဖန်ဆင်းခဲ့ပေမယ့် အခုအချိန်မှာတော့ ဘေးဖယ်ပေးသင့်ပါပြီ။