ပရီးမီးယားလိဂ်မှာ Possession Football ကျရှုံးပြီလား

ပရီးမီးယားလိဂ်မှာ Possession Football က နိုင်ပွဲတစ်ပွဲရမယ်လို့ အာမခံချက်မပေးနိုင်တော့ဘူး။

၂၀၀၀ ပြည့်နှစ်ကျော်စနှစ်တွေမှာ ပရီးမီးယားလိဂ်အသင်းတွေရဲ့ခံစစ်ကစားပုံက နေရာလွတ်နည်းနိုင်သမျှ နည်းအောင် လုပ်ထားတယ်။

တိုက်စစ်ကစားသမားတွေက ခပ်မြန်မြန်ရွေ့လျားပြီးနေရာလွတ်တွေ အသုံးချ၊ ဂိုးရအောင်ကြိုးစားကြတာပါ။

ဂွာဒီယိုလာရောက်လာပြီးနောက် Trend က ပြောင်းသွားတယ်။ ဘောလုံးပိုင်ဆိုင်မှု အသာစီးယူပြီး ပြိုင်ဘက်ကို စိတ်ကြိုက်ခံစစ်ကစားခွင့်ပေးတယ်။

" မင်းတို့အကြိုက်ခံစစ်ကစားစမ်း၊ ငါရအောင် ဖြိုပြမယ်" ဆိုတာမျိုးပေါ့။

မန်စီးတီးခံစစ်ကစားသမားတွေရဲ့နေရာယူပုံကလည်း ပရီးမီးယားလိဂ်မှာ အသစ်ဖြစ်ခဲ့တယ်။  နေရာလွတ်တွေအများကြီး ပေးပြီး၊

တခါတလေ ကွင်းလယ်စည်းနားအထိတက်ကာ မန်စီးတီးခံစစ်ကစားသမားတွေ နေရာယူတတ်ပါတယ်။

ဂွာဒီယိုလာက နေရာလွတ်တွေအများကြီး ရှိလည်း မစိုးရိမ်ပါဘူး။ ဘောလုံးပိုင်ဆိုင်ထားပြီး ပြိုင်ဘက်ဂိုးပေါက်နဲ့ နီးအောင်နေရာယူထားနိုင်သရွေ့

နိုင်ပွဲရဖို့ အခွင့်အလမ်းများလေလေလို့ ယုံကြည်ထားတယ်။ Possession Football နဲ့အတူ မန်စီးတီးက အောင်ပွဲများစွာပိုင်ဆိုင်ခဲ့ပါတယ်။

ဂွာဒီယိုလာမရှိတဲ့နောက် ပရီးမီးယားလိဂ်မှာ Possession Football က ဂုဏ်ကျက်သရေ ညိုးရော်လာတယ်။

လက်ရှိရာသီပရီးမီးယားလိဂ်ပွဲ ၅၀ ပြီးဆုံးချိန်မှာ ဘောလုံးပိုင်ဆိုင်မှု ၆၀ ရာခိုင်နှုန်းနဲ့အထက်ရတဲ့ အသင်းတွေ နိုင်တာ ၃၆ ဒဿမ ၄ ရာခိုင်နှုန်းပဲရှိတယ်။

၂၀၂၃-၂၄ ရာသီမှာ ဘောလုံးပိုင်ဆိုင်မှု ၆၀ ရာခိုင်နှုန်းနဲ့အထက်ရတဲ့အသင်းတွေ နိုင်တာ ၅၃ ဒဿမ ၅ ရာခိုင်နှုန်းအထိရှိခဲ့တာပါ။

ဒါဟာ Possession Football ကျရှုံးသွားပြီလားဆိုတဲ့မေးခွန်းကို ခိုင်မာစေတယ်။

နောက်ထပ် ဉပမာတစ်ခုက ချယ်လ်ဆီးပါ။ ချယ်လ်ဆီးက ရာသီအစမှာ ဖူလ်ဟမ်၊ ဘရိုက်တန်တို့ကို

အနိုင်ရတော့ ဘောလုံးပိုင်ဆိုင်မှု အတော်လေးနည်းခဲ့တယ်။ ဘရိုက်တန်နဲ့ပွဲ မှာ ချယ်လ်ဆီးက ဘောလုံးပိုင်ဆိုင်မှု ၂၅ ဒဿမ ၆ ရာခိုင်နှုန်း၊

အောင်မြင်တဲ့ဘောလုံးပေးပို့မှု ၁၄၆ ကြိမ်သာရှိပေမယ့် အနိုင်ရခဲ့တာပါ။ လေးဂိုးအထိသွင်းယူနိုင်ခဲ့တာပါ။

ချယ်လ်ဆီးရဲ့အဓိကဗျူဟာတွေက လက်ပစ်ဘော၊ တန်ပြန်တိုက်စစ်နဲ့ တိုက်စစ်ခပ်မြန်မြန်စတင်တဲ့ကစားသမားတွေကို

ပြိုင်ဘက်ခံစစ်ကစားသမား အနည်းဆုံးနေရာတွေမှာ Space ရှာခိုင်းပြီး ထိုးနှက်တာပါ။

အဲဒီဗျူဟာက လက်ရှိရာသီပရီးမီးယားလိဂ်မှာ မန်စီးတီးပြီးရင် ဘောလုံးပိုင်ဆိုင်မှုအများဆုံးနဲ့ ပြိုင်ဘက်ကို လွှမ်းမိုးကစားရတာ သဘောကျတဲ့

နည်းပြ ဟာဇယ်လာရဲ့ဘရိုက်တန်ကို ဒုက္ခများစေခဲ့တယ်။

ယော်အိုပတ်ဒရို၊ ပါလ်မာ၊ နေတို၊ မော်ဂန်ရော်ဂျာစ်တို့က Transition-heavy Football ဟန်နဲ့ အသားကျပြီး

ဘောလုံးပိုင်ဆိုင်မှုနည်းတဲ့ပွဲတွေမှာ အားသာချက်အဖြစ် ပုံဖော်ခဲ့တယ်။ ဂိုးတွေရစေခဲ့ပါတယ်။

ဟားလ်စီးတီးနဲ့သရေကျတဲ့ပွဲ၊ ဘရန့်ဖို့ဒ်ကို ဂိုးပြတ်ရှုံးတဲ့ပွဲတွေမှာ ဘောလုံးပိုင်ဆိုင်မှုအသာစီးရပြီး ရှုံးခဲ့လို့ Possession Football ကျရှုံးတယ်လို့ဆိုနိုင်တယ်။

တန်ပြန်တိုက်စစ်ဗျူဟာကို  Low-block နဲ့ လျင်မြန်တဲ့အကူးအပြောင်းတွေ ပေါင်းစပ်သုံးလာတယ်။

လီဗာပူးလ်နည်းပြ အိုင်ရာအိုလာကတော့ ပြိုင်ဘက်ကို သူတို့အားသာတဲ့နည်းဗျူဟာအတိုင်း မထားဘဲ Comfort Zone ထဲကနေ ဆွဲထုတ်၊

အမှားတွေကျူးလွန်အောင်ဖန်တီးလေ့ရှိတယ်။

အဝေးကန်ချက်ပေးပို့မှု၊ Vertical pass နဲ့ Quick Attacking move တွေလုပ်ပြီး Direct Football ကစားတဲ့အသင်းတွေပိုများလာတယ်။

မန်စီးတီးက ဂွာဒီယိုလာခေတ်တုန်းကလို Possession Football ကို လက်ကိုင်ထားဆဲဆိုပေမယ့် Transition ပေါင်းစပ်သုံးလာပါတယ်။

ပရီးမီးယားလိဂ်မှာ Possession Football ကျရှုံးပြီလို့ ယတိပြတ်မပြောနိုင်ပေမယ့် နိုင်ပွဲရအောင် အာမခံချက်မပေးနိုင်တော့ပါဘူး။