မန်စီးတီးအတွက် လွတ်မြောက်လမ်းမရှိတော့ဘူး

မန်စီးတီးက အဝီစိကို ထိုးဆင်းတော့မယ်ထင်တယ်။

ပရီးမီးယားလိဂ်ဘက်က ဘဏ္ဍာရေးမသမာမှု ၁၁၅ ချက်စလုံး မန်စီးတီး ကျူးလွန်ခဲ့တယ်လို့ ကြေညာလိုက်ပါပြီ။

• မန်စီးတီးရဲ့အမှုတွေက ၂၀၀၉-၁၀ ရာသီကနေ ၂၀၁၇-၁၈ ရာသီအတွင်း ဘဏ္ဍာရေးအချက်အလက်တွေ အတိအကျပေးချေရန်ပျက်ကွက်မှု ၅၄ ကြိမ်၊

• ၂၀၀၉-၁၀ ရာသီကနေ ၂၀၁၇-၁၈ ရာသီအတွင်း ကစားသမားနဲ့ နည်းပြတွေအတွက် ငွေပေးချေမှုကို အတိအကျဖော်ပြရန်ပျက်ကွက်မှု ၁၄ ကြိမ်၊

• ၂၀၁၃-၁၄ ရာသီကနေ ၂၀၁၇-၁၈ ရာသီအတွင်းမှာ UEFA ရဲ့ဘဏ္ဍာရေးစည်းမျဉ်း FFP ကို ၅ ကြိမ်တိုင်ချိုးဖောက်မှု

• ၂၀၁၅-၁၆ ရာသီကနေ ၂၀၁၇-၁၈ ရာသီအတွင်း ပရီးမီးယားလိဂ်ရဲ့ဘဏ္ဍာရေးစည်းမျဉ်း PSR ကို ၇ ကြိမ်တိုင်ချိုးဖောက်မှု

• ၂၀၁၈ ခုနှစ်၊ ဒီဇင်ဘာကနေ ၂၀၂၃ ခုနှစ် ဖေဖော်ဝါရီလအတွင်း ပရီးမီးယားလိဂ်ရဲ့စစ်ဆေးမှုကိုပူးပေါင်းပါဝင်ရန်ပျက်ကွက်မှု ၃၅ ကြိမ် ဖြစ်ပါတယ်။

အခု ပရီးမီးယားလိဂ်ဘက်က မန်စီးတီးဟာ စပွန်ဆာဝင်ငွေနဲ့ပတ်သက်ပြီး အကြီးအကျယ်လိမ်လည်ထားတယ်လို့ စစ်ဆေးတွေ့ရှိခဲ့ပါတယ်။

မန်စီးတီးက စပွန်ဆာဝင်ငွေတွေကို sham contracts နဲ့ အလွဲသုံးစားလုပ်ပြီး စီးပွားရေးစည်းမျဉ်းချိုးဖောက်ခဲ့တာပါ။

မန်စီးတီးက ၂၀၀၉-၁၀ ရာသီကနေ ၂၀၁၇-၁၈ ရာသီအတွင်းမှာ စပွန်ဆာဝင်ငွေ ပေါင် ၉၄၉ ဒဿမ ၄ သန်းရတယ်လို့ စာရင်းတွေမှာဖော်ပြခဲ့ပါတယ်။

ဒါပေမဲ့ အဲဒီစပွန်ဆာဝင်ငွေထဲက ပေါင် ၁၁၉ ဒဿမ ၂ သန်းကသာ မန်စီးတီးအမှန်တကယ်ရရှိတာဖြစ်ပြီး

ကျန်တဲ့ ပေါင်သန်း ၈၃၀ ဒဿမ ၆၉ သန်းကို မန်စီးတီးပိုင်ရှင်တွေက စိုက်ထုတ်ပေးခဲ့တာပါ။

မန်စီးတီးက သူတို့ရဲ့ Operating Cost ကို  ကိုယ်ပိုင်ငွေကြေးစိုက်ထုတ်ပြီး အရှုံးငွေမရှိအောင် လိမ်လည်လှည့်ဖျားခဲ့တာလည်း ဖြစ်ပါတယ်။

မန်စီးတီးက ၂၀၀၉-၁၀ ရာသီကနေ ၂၀၁၇-၁၈ ရာသီအတွင်း UEFA နဲ့ ပရီးမီးယားလိဂ်ရဲ့ဘဏ္ဍာရေးစည်းမျဉ်းတွေကို လက်တလုံးခြားကျော်ဖြတ်ခဲ့တာပါ။

ဒါ့အပြင် မန်စီးတီးက  Fordham ဆိုတဲ့ကုမ္ပဏီနဲ့ အတုအယောင်စာချုပ်လုပ်ပြီး ကစားသမားပုံရိပ်အသုံးပြုခတွေကို ထောက်ပံ့ပေးခဲ့ပါတယ်။

မန်စီးတီးကတော့ အခုအချိန်အထိ သူတို့ရဲ့လုပ်ရပ်တွေကိုဖုံးကွယ်ထားပြီး အမှားမလုပ်ဘူးလို့ ငြင်းဆန်ထားဆဲပါ။

မန်စီးတီးက အယူခံဝင်ပြီး ဆက်လက် ငြင်းဆန်သွားဉီးမယ့်သဘောဖြစ်ပါတယ်။

Independent Appeal Board  

ပရီးမီးယားလိဂ်စည်းမျဉ်းအရ စွဲချက်တင်ခံထားရတဲ့ အသင်းတစ်သင်း လွတ်လပ်တဲ့ကော်မရှင်ရဲ့ပြစ်ဒဏ် ကို အယူခံဝင်နိုင်ပြီး

Independent Appeal Board က ဆက်လက်ဆုံးဖြတ်မှာပါ။

UK High Court  

အမှုကို အပြည်ပြည်ဆိုင်ရာမဟုတ်ဘဲ ဗြိတိန်ဉပဒေအရ တရားရင်ဆိုင်ချင်ရင် High Court မှာဖြေရှင်းခွင့်ရှိပါတယ်။

Independent Appeal Board မှာ အယူခံဝင်ရင် ပြန်လည်စစ်ဆေးချိန် ၆ လကနေ ၁ နှစ်ကြားကြာနိုင်ပြီး

UK High Court မှာ အမှုရင်ဆိုင်ရင် ပြန်လည်စစ်ဆေးချိန် ၂ နှစ်ကနေ ၃ နှစ်ကြား ကြာမြင့်နိုင်ပါတယ်။