ပညာတတ် ဘောလုံးသမားတွေအကြောင်း

အောက်စဖို့ဒ်တက္ကသိုလ်ဘွဲ့ပေးပွဲအခမ်းအနားထဲကမြင်ကွင်းလိုပေါ့။

လက်ရှိပရီးမီးယားလိဂ်ကစားသမားတွေနဲ့ ကစားသမားဟောင်းတွေရဲ့ ဘွဲ့သဘင်အခမ်းအနားပါ။

၂၀၂၆ PFA Business School ရဲ့ ဘွဲ့ပေးပွဲအခမ်းအနားမှာ အဲဗာတန်ကွင်းလယ်လူ ဒူလ်စ်ဘယ်ရီ၊ ကိုဗင်ထရီတိုက်စစ်ကစားသမား အီဝိုနီရီတို့ပါတယ်။

အာဆင်နယ်ရဲ့ အီမရိတ်စ်ကွင်းမှာ သူတို့နှစ်ဦး ဘွဲ့လက်မှတ်ရခဲ့ကြတာပါ။

၂၀၂၁ ချန်ပီယံလိဂ်ဖလားပိုင်ရှင် ချယ်လ်ဆီးကစားသမားဟောင်း အက်စ်ပီလီကွယ်လ်တာက အမှတ်တရစကားပြောခဲ့တယ်။

အသက် ၂၈ နှစ်အရွယ် ဒူလ်စ်ဘယ်ရီက မာဆေးလ်ဆိုက်ဒ်ကနေ လန်ဒန်ကို ရထားနဲ့လာပြီး ဘွဲ့လာယူတာပါ။

ဒူလ်စ်ဘယ်ရီက သူ့ရဲ့ကစားသမားဘ၀အလွန်အနာဂတ်အတွက် ကြိုတင်စီမံကိန်း အဖြစ် ဘောလုံးဒါရိုက်တာတစ်ဦးဘ၀ မျှော်လင့်နေတာပါ။

ဒူလ်စ်ဘယ်ရီက "ကျွန်တော့်ရဲ့ကစားသမားဘ၀က အများကြီးကျန်ပါသေးတယ်။

ဒါပေမဲ့ ကျွန်တော်က အမြဲတမ်းသင်ယူချင်သူဖြစ်ပြီး ကစားသမားဘ၀အလွန်မှာ ရင်ဆိုင်ရမယ့်ဘ၀အတွက်ကြိုတင်ပြင်ဆင်ထားတာပါ"လို့ပြောတယ်။

အသက် ၂၉ နှစ်အရွယ် အီဝိုနီရီက စီးပွားစီမံဘွဲ့နဲ့ အခြားဒီပလိုမာတစ်ခု ပိုင်ဆိုင်ထားပြီးပါပြီ။

အခု ဘောလုံးဒါရိုက်တာပညာရပ်နဲ့ အီဝိုနီရီ ဘွဲ့ထပ်ရတာပါ။ သူ့အဖေက အီဝိုနီရီကိုပညာတတ်ကြီးဖြစ်စေချင်ပြီး ဘောလုံးကန်တာအားမပေးခဲ့ဘူး။

အီဝိုနီရီက အဖေဖြစ်သူတားမြစ်တဲ့ကြားကနေ ဘောလုံးသမားဘဝအိပ်မက်ကို သရုပ်ဖော်ခဲ့တယ်။

"ကျွန်တော်က ကိုယ့်အိပ်မက်ကို တိတ်ဆိတ်စွာ ပုံဖော်ခဲ့တယ်။ ပညာရေးကလည်းအရေးကြီးတယ်ဆိုတာ

ကျွန်တော်နားလည်ခဲ့တယ်။ အဖေ့ကိုလည်း ဘောလုံးကစားရင်းပညာရေးလည်းထူးချွန်အောင်လုပ်ပါမယ်လို့ ကတိပေးခဲ့တယ်" ဆိုပြီး အီဝိုနီရီပြောပြတယ်။

အီဝိုနီရီက ၂၀၂၅ ခုနှစ်၊ မေလအတွင်းမှာ နော်တင်ဟမ်ဖောရက်စ်အတွက်ကစားပေးရင်း လက်စတာနဲ့ပွဲမှာ ဂိုးတိုင်နဲ့တိုက်မိပြီး

Coma ဝင်သလို ဖြစ်ဖူးတယ်။ အဲဒီလိုအခြေအနေကနေ အီဝိုနီရီ ရုန်းထွက်ပြီး ပညာတတ်ကြီးဘဝကိုဆက်လက်ဖန်ဆင်းခဲ့တာပါ။

ဘောလုံးလောကဟာ အချိန်ပြည့်လည်ပတ်နေရတဲ့ ဘဝမျိုးမဟုတ်ပါဘူး။ အားလပ်ချိန်မှာ သင်ယူစရာများစွာ ရှိနေတယ်လို့ အီဝိုနီရီပြောတယ်။

ဒူလ်စ်ဘယ်ရီကလည်း "ဘောလုံးလောကမှာ ဉာဏ်ရည်မြင့်တဲ့သူများစွာရှိပါတယ်။

ကစားသမားအများစုက သင်ကြားဖို့စိတ်မဝင်စားလို့ပါ သူတို့လုပ်မယ်ဆိုရင်လုပ်နိုင်ပါတယ်" လို့ သုံးသပ်ပါတယ်။

ချယ်လ်ဆီးနောက်ခံလူဟောင်း အက်စ်ဇ်ပယ်လီကွယ်တာက အသက် ၁၇ နှစ်အရွယ်မှာပဲ အိုဆာဆူနာနဲ့အတူ ကစားသမားဘဝစတင်ခဲ့လို့

ပညာရေးတပိုင်းတစ ဖြစ်ခဲ့ရတယ်။ ချယ်လ်ဆီးကစားသမားဘဝ ၉ ရာသီအတွင်းမှာ အက်စ်ပီလီကွယ်တာက

အမေရိကန်၊ ဟားဗတ်တက္ကသိုလ်ကနေ MBA ဘွဲ့ ရအောင်ယူခဲ့ပါတယ်။

MBA ဘွဲ့တက်နေတုန်း အက်စ်ပီလီကွယ်တာက ကစားသမားဘဝအခမ်းနားဆုံး ပွဲအဖြစ်

၂၀၂၁ ချန်ပီယံလိဂ်ဖိုင်နယ် ဆင်နွှဲပြီး အောင်ပွဲရခဲ့ပါတယ်။

ဘောလုံးသမားအများစုကို လူတွေက ဉာဏ်ရည်နိမ့်ပြီး ပညာပါရမီနည်းပါးသူတွေအဖြစ် မြင်ကြတယ်။

အဲဒီအမြင်တွေကို အီဝိုနီရီ၊ ဒူလ်စ်ဘယ်ရီ၊  အက်စ်ပီလီကွယ်တာတို့လိုကစားသမားတွေက  ပြောင်းလဲနေတာပါ။

- ပညာရေးမှာထူးချွန်ခဲ့တဲ့ ဘောလုံးသမားတချို့

• ချီလီနီ (စီးပွားစီမံမာစတာဘွဲ့ရ)

• ကွန်ပနီ (MBA ဘွဲ့ရ)

• မာတာ (အားကစားသိပ္ပံနဲ့ Marketing ဘွဲ့ရ)

• ဆိုကရေးတီး (ဆေးပညာဆိုင်ရာဘွဲ့ရ)

• မစ်ဂနိုလက် (နိုင်ငံရေးသိပ္ပံဘွဲ့ရ)

• နာဂါတိုမို (စီးပွားရေးဘွဲ့ရ)