အန်ဖီးလ်မှာ လီဗာပူးလ်က လွယ်လွန်းအားကြီးတယ်

အီရာရိုလာလက်ထက် အန်ဖီးလ်ကွင်းအရှိန်အဝါက အရောင်မှိန်လွန်းပါတယ်။

လက်ရှိရာသီ ပရီးမီးယားလိဂ်မှာ အန်ဖီးလ်ကွင်းထဲ လီဗာပူးလ် မော်ကြွားခွင့်မရသေးဘူး။ ပရီးမီးယားလိဂ်သုံးပွဲစလုံး နိုင်ပွဲပျောက်ထားတယ်။

နောက်ဆုံးပွဲမှာအန်ဖီးလ်ကွင်းထဲက လီဗာပူးလ်ပရိသတ်တွေက ဘဏ္ဍာရေးကိစ္စကြောင့် မန်စီးတီးကို

ဆက်တိုက်နှိိမ်နေပေမယ့် ဂိုးပြတ်ရှုံးခဲ့လို့ အရှက်ရစရာပိုကောင်းခဲ့ပါတယ်။

အန်ဖီးလ်ရဲ့ဒဏ်ရာက အတော်လေးဆွေးမြေ့လာတယ်။ ၂၀၂၆ ခုနှစ်စတင်ပြီးနောက် အန်ဖီးလ်ကွင်းမှာ ကစားတဲ့ ၁၄ ပွဲထဲက

၄ ပွဲပဲ လီဗာပူးလ် အနိုင်ရခဲ့တယ်။ အန်ဖီးလ်ရဲ့အရှိန်အဝါက ၂၀၂၃-၂၄ ရာသီကစတင်ပြီး တဖြေးဖြေးအရောင်မှိန်လာတာပါ။

၂၀၂၃-၂၄ ရာသီတုန်းက အန်ဖီးလ်မှာ တစ်ပွဲပျမ်းမျှသွင်းဂိုး ၂ ဒဿမ ၆ ဂိုး၊ နိုင်ပွဲရာခိုင်နှုန်း ၇၉ ရာခိုင်နှုန်းနီးပါး

ရှိခဲ့ပေမယ့် ပြီးခဲ့တဲ့ရာသီမှာ တစ်ပွဲပျမ်းမျှသွင်းဂိုး ၁ ဒဿမ ၈ ဂိုး၊ နိုင်ပွဲရာခိုင်နှုန်း ၅၂ ဒဿမ ၆ ရာခိုင်နှုန်းအထိ လျော့ကျခဲ့ပါတယ်။

ပရီးမီးယားလိဂ်သမိုင်းတစ်လျှောက် အန်ဖီးလ်မှာ ပြိုင်ဘက်အသင်းတွေအနိုင် ရတာ ၁၂ ဒဿမ ၅ ရာခိုင်နှုန်းပဲရှိပြီး

အန်ဖီးလ်အရှိန်အဝါကအတော်လေး ထည်ဝါခဲ့တာပါ။ အခုတော့ အန်ဖီးလ်မှာ ပရီးမီးယားလိဂ်ငါးပွဲဆက် နိုင်ပွဲမရတဲ့အထိ အရှိန်အဝါကျဆင်းသွားပြီ။

အန်ဖီးလ်ကျဆုံးခန်းနဲ့အတူ လီဗာပူးလ်နည်းပြ အီရာရိုလာရဲ့ရှုံးပွဲမရှိမှတ်တမ်းလည်း ရပ်တန့်သွားရတယ်။

မန်စီးတီးနဲ့ပွဲမတိုင်ခင် အီရာရိုလာက ပရီးမီးယားလိဂ် ၂၃ ပွဲမှာ ၁၀ ပွဲနိုင်၊ ၁၃ ပွဲသရေရလဒ်ပိုင်ဆိုင်ခဲ့တာပါ။

အခုအချိန်မှာ အန်ဖီးလ်မာဂုဏ်က နုနယ်လွန်းအားကြီးတယ်။ တစ်ချိန်တုန်းက အန်ဖီးလ်ဟာပြိုင်ဘက်တိုင်း ဖိမ့်ဖိမ့်တုန်အောင် ကြောက်ရပေမယ့်

အခုတော့ ကလေးကစားကွင်းလို ဖြစ်နေပါပြီ။

ကွင်းထဲမှာ ခေါင်းဆောင်ကောင်းလည်းပျောက်ဆုံးနေပြီး ဗန်ဒိုက်လိုမျိုး အော်ဟစ်ကြိမ်းမောင်းမယ့်သူ နောက်တစ်ယောက်လိုအပ်နေပါတယ်။