ညံ့ဖျင်းလွန်းတဲ့ အထည်ကြီးပျက် မန်ယူ

မန်ယူက ညံ့တယ်ဆိုတာထက် ပိုပါတယ်။ ဘောလုံးအသင်းတစ်သင်းနဲ့တောင် မတူတော့ဘူး။ စုစည်းမှုမရှိ၊ စိတ်ဓာတ်မရှိ၊ ဘာဆိုဘာမှမရှိတော့ဘူး။

မန်ယူကသာမန်အသင်းလေးဖြစ်သွားပြီဆိုတာ သက်သေထပ်ပြတဲ့ပွဲပါ။

ဒီအသင်းရဲ့သမိုင်းကြောင်းကောင်းခဲ့ပေမယ့် အခုတော့အနာဂတ်မဲ့နေပြီ။

ဘုန်းမောက်က သိပ်ပြီးထူးချွန်နေတဲ့အသင်းမဟုတ်ပါဘူး။ မန်ယူကညံ့ချာလွန်းလို့သာ အလွယ်တကူအခွင့်အရေးရ၊ ဂိုးပြတ်အနိုင်ရခဲ့တာပါ။

မိုက််််ကယ်ကာရစ်က ဒီပွဲမတိုင်ခင်သူ့ရဲ့နည်းစနစ်တွေကို ဝေဖန််််််ခဲ့သူ ဘရူနိူဖာနန်ဒက်စ်ကို ပွဲထွက်ခွင့်မပေးခဲ့ပါဘူး။

တိုက်စစ်မှာ အမ်ဘူမို၊ အာမက်ဒီယာလို၊ တီလေမန်းစ်၊ ကွင်းလယ်မှာ မေဆန်မောင့်၊ ဆန်းတို့စ်၊ ဘယ်ဘာဘာတို့ ကစားခဲ့ပါတယ်။

ဘရူနိုဖာနန်ဒက်စ်မပါတဲ့ မန်ယူကွင်းလယ်က ဖန်တီးနိုင်စွမ်းလုံးဝမရှိဘဲ Clear Chance မရသလောက်

ဖြစ်ခဲ့ပါတယ်။ အမ်ဘူမို၊ အာမက်ဒီယာလိုတို့ နှစ်ဉီးစလုံးကလည်း ပြီးခဲ့တဲ့ရာသီကနဲ့တခြားစီဖြစ်ပြီး ဘာမှ သုံးစားမရခဲ့ပါဘူး။

ဘရူနိုဖာနန်ဒက်စ်ဝေဖန်ခဲ့သလိုပဲ မန်ယူကစားသမားတွေက Pressing လုံးဝမကစားနိုင်ဘဲ Half Space တွေမှာ နေရာလွတ်များစွာ ပေးခဲ့ရတယ်။

မန်ယူကစားသမားတွေက အမှာလုပ်မိမှာ စိုးထိတ်စိတ်ကြောင့် ဖိအားများပြီး သာမန်ပေးပို့မှုတောင် ကောင်းကောင်းမလုပ်နိုင်ခဲ့ဘူး။

မိုက်ကယ်ကာရစ်ကစကားလုံးတွေနဲ့သာ ခေါင်းဆောင်နိုင်သူဖြစ်ပြီး လက်တွေ့မှာ ဘာအဖြစ်မှ မရှိဘဲမန်ယူဘဝကရေတိမ်နစ်ခဲ့ရတယ်။

အခုပုံစံအတိုင်းဆိုရင် မန်ယူအသင်းမှာမိုက်ကယ်ကာရစ် ဆက်မရှိဖို့သေချာသလောက်ပါပဲ။

ဒါပေမဲ့ မိုက်ကယ်ကာရစ်နေရာနည်းပြသစ် ရောက်လာလည်း ကစားသမားတွေရဲ့စိတ်ဓာတ်နဲ့

အသင်းဘုတ်အဖွဲ့ရဲ့အသုံးမကျတဲ့လုပ်ရပ်ကြောင့် မန်ယူက နလံထူဖို့ခက်နေဉီးမယ်ထင်တယ်။

လီဗာပူးလ်က ပရီးမီးယားလိဂ်ချန်ပီယံဖြစ်ဖို့ အနှစ်သုံးဆယ်စောင့်ဆိုင်းခဲ့ရပါတယ်။

ပျောက်ကြီးဘဝနဲ့အချိန်အကြာကြီး သိမ်ငယ်ခဲ့ရတယ်။

မန်ယူအသင်းက ပရီးမီးယားလိဂ် ချန်ပီယံ ပြန်ဖြစ်ဖို့ အနှစ်သုံးဆယ်မက စောင့်ဆိုင်းရမယ်ထင်တယ်။