Football News

အိပ်မက်အသေတွေနဲ့ အိုးလ်ထရက်ဖို့ဒ်

အိပ်မက်အသေတွေနဲ့ အိုးလ်ထရက်ဖို့ဒ်

စီးပွားရေးဆန်လာတဲ့ ခေတ်သစ်ဘောလုံးလောကရဲ့ ပြောင်းလဲမှုတွေနဲ့အတူ အိပ်မက်အသေတွေကြားမှာ ရုန်းကန်နေရတဲ့ မန်ယူအသင်း (Old Trafford) အပေါ် ထားရှိတဲ့ ပရိသတ်တစ်ယောက်ရဲ့ အနက်ရှိုင်းဆုံး ရင်တွင်းခံစားချက်စာစု။

အိပ်မက်အသေတွေနဲ့ အိုးလ်ထရက်ဖို့ဒ်

ဘယ်သူကယ်နိုင်မလဲ၊ အသည်းကွဲတဲ့ရောဂါ၊

ဘယ်သူကယ်နိုင်မလဲ၊ ဒုက္ခကပျားရည်လိုချိုလား

သီချင်းလေးထဲပဲ ဒုက္ခဟာ ချိုမြိန် မှာပေါ့။

တကယ်တမ်းဒုက္ခနဲ့ ရင်ဆိုင်ရတဲ့အခါ ဘယ်လိုလုပ်များ ချိုမြိန်နိုင်မလဲ။ ဉီးမျိုးကျော့မြိုင်က လူဖြစ်ရတဲ့ဒုက္ခဆိုပြီး ညည်းတွားခဲ့ဖူးတယ်။

လူဖြစ်ရတဲ့ ဒုက္ခထဲ ဘောလုံးအသင်းတစ်သင်းသင်းကို စွဲမြဲနေတာဟာ ချစ်ဒုက္ခတစ်ခုပါပဲ။ သံသရာပါမယ့်အစွဲအလန်းတစ်ခုပါပဲ

တကယ်လို့များ ကိုယ်ချစ်မြတ်နိုးရာအသင်းဟာ ရေတိမ်နစ်နေတဲ့အခါ ဘယ်လိုခံစားရပါသလဲ။

ကရုဏာဒေါသတွေကြောင့် ဆဲဆိုမိလည်း အချိန်တန်ရင် ပြန်လည်မြတ်နိုးရတာပဲမဟုတ်လား။

ပြင်သစ်ဂန္ထဝင်ကန်တိုနာပြောသလိုပဲ။ "ခင်ဗျား စော်တွေထည်လဲတွဲလို့ရတယ်၊ မိန်းမတစ်ယောက်ပြီးတစ်ယောက် ယူချင်ယူနိုင်တယ်၊

ဒါပေမဲ့ ကိုယ်အားပေးတဲ့အသင်းကို ဘယ်တော့မှ ပြောင်းလို့မရနိုင်ဘူး" တဲ့။

ဘယ်လောက်လှလိုက်တဲ့စကားလေးလဲ။

ခင်ဗျားအားပေးတဲ့အသင်းက တန်းဆင်းသွားလည်း ခင်ဗျားနှလုံးသားကို ရွှေ့လိုက်လို့မရဘူး။ ကိုယ့်နှလုံးသားကိုယ် သစ္စာဖောက်လို့မရဘူး။

ခမ်းနားအောင်ပွဲတွေနဲ့အသင်းတွေကို ခင်ဗျားအားကျချင် အားကျနိုင်တယ်။  လက်ခုပ်တီးအားပေးချင်အားပေးနိုင်တယ်။

မုဒိတာပွားလို့ရတယ်၊ ခင်ဗျားရဲ့သစ္စာတွေတော့ ပေးလိုက်လို့မရပါဘူး။

ပရီးမီးယားလိဂ်မှော်ရုံတောမှာ ကျွန်တော်ဟာ နှစ်ကာလများစွာ လမ်းပျောက်ခဲ့တယ်။ ကျွန်တော် ချစ်မြတ်နိုးရတဲ့  အမှတ်တံဆိပ်လေးတစ်ခုရှိတယ်။

ကျွန်တော့်နှလုံးသားအတွင်းနံရံထဲ စွဲမြဲနေတယ်။ အဲဒီအမှတ်တံဆိပ်လေးကို ကျော်လွန်ပြီး

ကျွန်တော် မုဒိတာပွားမိတဲ့အသင်းတွေ၊ လူပုဂ္ဂိုလ်တွေ ရှိတယ်။ ရောမမှာဆို တော့တီ၊ လူပုလေး အင်ဆစ်ဂ်နီ၊ အဝါရောင်ရေငုပ်သင်းဘောက ရီကွယ်လ်မီး၊

ဘောလုံးလောကရဲ့ဘုရားသခင် မာရာဒိုနာ၊ ဘယ်တော့မှ ဆင်တူရိုးမားမရှိနိုင်တဲ့ မက်ဆီ၊ ဂျူနင်ဟိုရဲ့သက်တံ့ရောင် ဖရီးကစ်ကန်ချက်တွေ၊

ပီယာလိုရဲ့ အအေးခန်းသေတ္တာထဲက  ဉာဏ်ရည်ဉာဏ်သွေး၊ ကြောင်သူတော်မဆန်တဲ့ ရွန်နီ၊ ဖရန်ကီနဲ့ ပေါလ်စခိုးလ်ရဲ့အဝေးကန်ချက်တွေ၊

ရွိုင်ကိန်းနဲ့ ဗီယာရာလည်ပင်းညှစ်နေတာတွေ၊ ပြောရရင် ကုန်နိုင်မယ်မထင်ဘူး။

နည်းပြတွေအကြောင်း ပြောတဲ့အခါ မော်ရင်ဟိုကို မုန်းပြီးမှ ပြန်လည်ချစ်ခင်မိတာတွေ၊ အာစင်ဝင်းဂါးရဲ့နည်းပြဘဝနောက်ဆုံးနေ့ရက်တွေကို ကရုဏာသက်မိတာတွေ၊

ဖာဂီ ထွေးထုတ်လိုက်တဲ့ ပီကေတွေ၊ စိတ်ကြွဆေးတွေ မှီဝဲထားသလို ယာဂန်ကလော့ပ်၊ နည်းပြလောကရဲ့ အိုင်းစတိုင်းဖြစ်တဲ့ ဂွာဒီယိုလာ၊

ပရီးမီးယားလိဂ် Big Six Era ကို ဖန်ဆင်းခဲ့သူ ပိုချက်တီနို၊ ကျွန်တော် ထိမိ၊ ငြိမိတဲ့ ခေါင်းဆောင်တွေ။

ခေါင်းဆောင်တွေအကြောင်း တွေးတဲ့အခါ နောက်လိုက်ငယ်သားတွေအကြောင်း ချန်ထားလို့မရဘူး။

ဟစ်တလာက သူတစ်ယောက်တည်း ရူးခဲ့တာမဟုတ်ဘူး။ မူဆိုလီနီက သူတစ်ယောက်တည်း ရူးခဲ့တာမဟုတ်ဘူး။

ဆာဒမ်ဟူစိန်က သူတစ်ယောက်တည်း ရူးခဲ့တာမဟုတ်ဘူး။

ကမ္ဘာကြီးကို ပေါက်ကွဲစေမယ့်လောင်စာတွေဟာ တစ်ကိုယ်ရေစာခံစားချက်ကနေ ပေါက်ဖွားလာတာ မဟုတ်ဘူး။

အိပ်မက်လေးလို့ နူးနူးညံ့ညံ့တံဆိပ်ကပ်လိုက်ရင်၊ ရိုင်းတာမလား။

ဟစ်တလာ၊ မူဆိုလီနီ၊ ဆာဒမ်ဟူစိန်၊ ဘယ်ခေတ်မျိုးမှာမဆို အာဏာရှင်တွေဟာ အိပ်မက်ဆိုးတွေ မက်ကြတယ်။

အဲဒီအိပ်မက်ဆိုးတွေ တည်တံ့အောင် Follower တွေက ပါရမီဖြည့်ပေးတယ်။

Blogger တွေ၊ YouTuber တွေ၊ Influencer တွေဟာ ကမ္ဘာကိုဖျက်မယ့် တခြားသောအရပ်က  ဂြိုလ်သားတွေများလား။

ကျွန်တော် မသိဘူး.. ကျွန်တော်သိတာ ခေတ်ပျက်နေပြီဆိုတာပဲ။

တကယ်မရှိသောနှစ်များစာအုပ်ထဲက အောင်ခင်မြင့်ရေးတဲ့ ချာလီက ခင်ဗျားလည်းဖြစ်နိုင်၊ ကျွန်တော်လည်း ဖြစ်နိုင်တယ်။

"ချာလီရေ ...ကောင်လေးရေ...ထတော့ဟေ့။ ခေတ်ဆိုးကြီးကို တစ်ခန်းမှ မလွတ်စေနဲ့"

ကဗျာဆရာ ဘေတောက် ရေးခဲ့သလို 'ဘောပင်နဲ့ ခြစ်ထားတဲ့ ရှုခင်းဟာ ဒီမှာ ပြန်ပေါ်လာပြီ'

ခေတ်ဆိုးကြီးကို တစ်ခန်းမှ မလွတ်အောင်  ကျွန်တော် ကြည့်တယ်။  ကျွန်တော့်နှလုံးသားအတွင်းနံရံက အရာတွေ အထိအရှမရှိအောင် ခံစားရင်း

ခေတ်ဆိုးကြီးကို ကျွန်တော်ကြည့်တယ်။

ဘောလုံးလောကကလည်း ခေတ်ဆိုးကြီးထဲ ရှင်သန်နေရတယ်။ ဖျော်ဖြေရေးကနေ စီးပွားရေး ဆန်သွားတယ်။ ဘယ်သူမှလည်း မတားဆီးနိုင်ဘူး။

ငွေကြေးက ဘောလုံးလောကကို သိမ်းပိုက်သွားလည်း ဘယ်သူမှ မရပ်တန့်နိုင်ဘူး။

 Virtual World ထဲ ကျွန်တော်တို့ ပျော်ချင်ယောင်ဆောင်ရတာ မပြီးသေးဘူးလား။ တစ်ယောက်ယောက်လောက် ဖြေသိမ့်ပေးပါဉီး။

ဖီဖာက  ဘလတ္တာလက်ထပ်တော်ကစလို့ အကျင့်ပျက်ခြစားနေပြီ။ အင်ဖန်တီနိုနဲ့ ဆယ်လ်ဖာရင်က ပြိုင်ပွဲအသစ်တွေ ကျင်းပပြီး ဆင်သေကိုဆိတ်သားရေနဲ့ဖုံးနေတယ်။

မလိုအပ်ဘဲချဲ့ထွင်ခံထားရတဲ့ ချန်ပီယံလိဂ်နဲ့ ဖီဖာကလပ်ကမ္ဘာ့ဖလား၊ ကစားသမားတွေဟာ စက်ရုပ်ကျွန်တွေပါပဲ။

ပွင့်ပွင့်လင်းလင်းပြောရရင် မဖြူစင်တော့တဲ့လောကထဲ ကျွန်တော်တို့နှလုံးသားတွေ လူကျွံဘောဖြစ်နေတာပဲ။

VAR နဲ့ ပြန်ကြည့်စရာမလိုအောင် ကျွန်တော်တို့ နှလုံးသားတွေ ကျွံဝင်နေခဲ့ပြီ။

အခုခံစားနေရတာ ပြောရရင် ကျွန်တော့်နှလုံးသားအတွင်းနံရံက ပုံရိပ်တစ်ခုကို အသည်းမကွဲစေချင်တော့ဘူး။

မန်ယူနိုက်တက်၊ သံချေးတက်နေတဲ့ ဂုဏ်သိက္ခာတစ်ခု၊ ပရီးမီးယားလိဂ်ရဲ့နန်းကျဘုရင်၊ ခေတ်ပေါ် ကမ္ဘာရဲ့ တံတွေးခွက်ထဲက Brand တစ်ခု၊

ခေါင်းဆောင်ကောင်းတွေ မြေမြှုပ်မိုင်းမိတဲ့ရပ်ဝန်း၊ စိတ်ကျရောဂါခံစားနေရတဲ့ကစားသမားတွေနဲ့

အိပ်မက်အသေတွေ မူးယစ်ဆေးလိုအာရုံကြောထဲ ရောက်ရှိနေတဲ့ အိုးလ်ထရက်ဖို့ဒ်ပါပဲ။

ခင်ဗျားတို့ချစ်မိလို့နောင်တရဖူးတာရှိလို့လား။ ချစ်မိရင် ထပ်ချစ်ဖို့သာရှိတာပဲမဟုတ်လား။

ချစ်၊ ချစ်၊ ချစ်၊

ချစ်မိလို့ အပြစ်မရှိပါဘူး။

相关新闻

သံမဏိအရည်ပျော်ချိန်
Football News

သံမဏိအရည်ပျော်ချိန်

နည်းပြဘဝရဲ့ ကြီးမားတဲ့ စိတ်ဖိစီးမှုနဲ့ ကျန်းမာရေးပြဿနာတွေကြောင့် လေ့ကျင့်ရေးကွင်းမှာ ရုတ်တရက် လဲကျခဲ့ရပြီး အနားယူဖို့ လိုအပ်နေတဲ့ ဘိုင်ယန်မြူးနစ်နည်းပြ ကွန်ပနီရဲ့ အခြေအနေ သုံးသပ်ချက်။

阅读更多
လိဂ်တူးအသင်းကို ရှုံးတဲ့ရှက်စရာအာဆင်နယ်
Football News

လိဂ်တူးအသင်းကို ရှုံးတဲ့ရှက်စရာအာဆင်နယ်

အဓိကကစားသမားတွေ ပါဝင်ခဲ့ပေမဲ့ လိဂ်တူးကလပ် ဖလက်ဝုဒ်တောင်းအသင်းကို ပယ်နယ်တီအဆုံးအဖြတ်မှာ ရှုံးနိမ့်ပြီး လိဂ်ဖလားပြိုင်ပွဲကနေ စောစီးစွာ ထွက်ခွာခဲ့ရတဲ့ အာဆင်နယ်အသင်းရဲ့ ရှက်စရာရှုံးပွဲ သုံးသပ်ချက်။

阅读更多
ကာရစ်အတွက် ကံကြမ္မာအသစ်လား..?  အဆုံးသ-တ်ဇာတ်သိမ်းလား..?
Football News

ကာရစ်အတွက် ကံကြမ္မာအသစ်လား..? အဆုံးသ-တ်ဇာတ်သိမ်းလား..?

၈ ပွဲဆက် နိုင်ပွဲပျောက်နေပေမဲ့ နည်းပြရာထူးကနေ မထုတ်ပယ်ခံရသေးဘဲ ချယ်လ်ဆီးနဲ့ပွဲမှာ နောက်ဆုံးအခွင့်အရေး ထပ်မံရရှိလိုက်တဲ့ မန်ယူနည်းပြ မိုက်ကယ်ကာရစ်ရဲ့ ကံကြမ္မာ သုံးသပ်ချက်။

阅读更多

更多新闻

နှုတ်မစောင့်တဲ့လိပ်ကြောင့်ဖြစ်တဲ့ တရုတ်-လာလီဂါ ပဋိပက္ခ
Players News

နှုတ်မစောင့်တဲ့လိပ်ကြောင့်ဖြစ်တဲ့ တရုတ်-လာလီဂါ ပဋိပက္ခ

အင်တာဗျူးတစ်ခုမှာ အမှားအယွင်းပြောဆိုမိခဲ့တဲ့ ဘာပေကြောင့် တရုတ်နိုင်ငံရဲ့ ပြင်းထန်တဲ့ တုံ့ပြန်မှုနဲ့ သပိတ်မှောက်မှုတွေကို ရင်ဆိုင်နေရပြီး ရုပ်သံဈေးကွက် ဆုံးရှုံးမယ့်အရေးနဲ့ ကြုံနေရတဲ့ လာလီဂါအကြောင်း သုံးသပ်ချက်။

阅读更多
ဒေါင်းမန်းနဲ့ စိတ်လိုက်မာန်ပါ လူငယ်တွေအကြောင်း
Players News

ဒေါင်းမန်းနဲ့ စိတ်လိုက်မာန်ပါ လူငယ်တွေအကြောင်း

ဖလက်ဝုဒ်နဲ့ပွဲမှာ အနီကတ်ပြခံရလို့ အာတီတာရဲ့ ဆူပူမှုကို ခံခဲ့ရတဲ့ ဒေါင်းမန်းနဲ့ ရွန်နီ၊ မက်ဆီတို့လို လူငယ်ဘဝမှာ စိတ်လိုက်မာန်ပါ အမှားလုပ်ခဲ့ကြတဲ့ နာမည်ကျော်ကစားသမားတွေအကြောင်း သုံးသပ်ချက်။

阅读更多
ကာရစ်အတွက် ကံကြမ္မာအသစ်လား..?  အဆုံးသ-တ်ဇာတ်သိမ်းလား..?
Football News

ကာရစ်အတွက် ကံကြမ္မာအသစ်လား..? အဆုံးသ-တ်ဇာတ်သိမ်းလား..?

၈ ပွဲဆက် နိုင်ပွဲပျောက်နေပေမဲ့ နည်းပြရာထူးကနေ မထုတ်ပယ်ခံရသေးဘဲ ချယ်လ်ဆီးနဲ့ပွဲမှာ နောက်ဆုံးအခွင့်အရေး ထပ်မံရရှိလိုက်တဲ့ မန်ယူနည်းပြ မိုက်ကယ်ကာရစ်ရဲ့ ကံကြမ္မာ သုံးသပ်ချက်။

阅读更多
ဟာရီကိန်းရဲ့ စင်ဒရဲလားပုံပြင်
Players News

ဟာရီကိန်းရဲ့ စင်ဒရဲလားပုံပြင်

အောက်တန်းလိဂ် အငှားကစားသမားဘဝကနေ ၂၀၂၆ Ballon d'Or ဆုရှင်အဖြစ် အမြင့်ဆုံး ရောက်ရှိလာတဲ့ ဟာရီကိန်းရဲ့ ဒဏ္ဍာရီဆန်တဲ့ ဖြတ်သန်းမှုနဲ့ စပါးအသင်းဆီ ပြန်လာနိုင်ခြေ သုံးသပ်ချက်။

阅读更多
မက်ဆီ၊ စီရော်နယ်လ်ဒိုတို့နဲ့ ဂုဏ်ရည်တူသွားတဲ့ ဂန္ထဝင်ဟာရီကိန်း
Players News

မက်ဆီ၊ စီရော်နယ်လ်ဒိုတို့နဲ့ ဂုဏ်ရည်တူသွားတဲ့ ဂန္ထဝင်ဟာရီကိန်း

ကမ္ဘာ့ဖလားနဲ့ ချန်ပီယံလိဂ် မရဘဲ Ballon d'Or ဆုကို ဆွတ်ခူးနိုင်ခဲ့ပြီး မက်ဆီ၊ စီရော်နယ်လ်ဒိုတို့နဲ့ ဂုဏ်ရည်တူသွားတဲ့ ဂန္ထဝင်တိုက်စစ်မှူး ဟာရီကိန်းရဲ့ စံချိန်တင် သွင်းဂိုးမှတ်တမ်းများအကြောင်း သုံးသပ်ချက်။

阅读更多
မိုက်ကယ်ကာရစ်ရဲ့ Failed Gamble
Football News

မိုက်ကယ်ကာရစ်ရဲ့ Failed Gamble

နည်းစနစ်ကို ဝေဖန်ခဲ့တဲ့ ဘရူနိုဖာနန်ဒက်စ်ကို ပွဲထွက်စာရင်းကနေ ဖယ်ရှားခဲ့ပေမဲ့ ဘုန်းမောက်ကို ဂိုးပြတ်ရှုံးနိမ့်ပြီး (၈) ပွဲဆက် နိုင်ပွဲပျောက်ခဲ့တဲ့ မန်ယူနည်းပြ မိုက်ကယ်ကာရစ်ရဲ့ ကျရှုံးသွားတဲ့ စွန့်စားခန်း။

阅读更多

Official Channels

ONEX2 banner