၂၀၁၇ ခုနှစ်က မိုနာကိုကနေ ထွက်ခွာချိန်မှာ အမေဖြစ်သူရဲ့ တိုက်တွန်းချက်ကို လွန်ဆန်ပြီး ယာဂန်ကလော့ပ်ရဲ့ လီဗာပူးလ်အသင်းအစား PSG ကို ရွေးချယ်ခဲ့တဲ့ ဘာပေရဲ့ အပြောင်းအရွှေ့ ဇာတ်ကြောင်း။
တကယ်လို့များ ယာဂန်ကလော့ပ်နဲ့ ဘာပေသာ လီဗာပူးလ်မှာ ရေစက်ဆုံခဲ့ရင် မန်စီးတီးခေတ်ဆိုတာ ရှိလာနိုင်ပါ့မလားမသေချာဘူး။
ဘာပေကို သီးသန့်လေယာဉ်ပို့ပြီး ခေါ်ယူဖို့ လီဗာပူးလ်နည်းပြဟောင်း ယာဂန်ကလော့ပ် ကြိုးပမ်းခဲ့ဖူးပါတယ်။
၂၀၁၇ ခုနှစ်မှာ မိုနာကိုအသင်းကနေ ဘာပေကို သိမ်းပိုက်ဖို့အတွက် ယာဂန်ကလော့ပ်ရဲ့ လီဗာပူးလ် ကြိုးပမ်းခဲ့ဖူးတာပါ။
အဲဒီအချိန်တုန်းက ဘာပေရဲ့ မိသားစုနဲ့ ယာဂန္ကလော့ပ်တို့ တွေ့ဆုံဆွေးနွေးခဲ့ဖူး ပါတယ်။
ဘာပေရဲ့အမေက ယာဂန်ကလော့ပ်ရဲ့Big Fan ပါ။ သူ့သားကို လီဗာပူးလ်မှာကစားတာ သိပ်ပြီးကြည့်ချင်ခဲ့တယ်။
အဲဒီဆန္ဒကြောင့် ဘာပေကို လီဗာပူးလ် အတင်းသွားခိုင်းခဲ့တယ်။ Mama Boy ဘာပေက ဒီတစ်ခါမှာတော့ သူ့အမေစကား နားမထောင်ခဲ့ဘူး။
ပါရီမြို့ကိုယ်စားပြု PSG မှာ ကစားချင်စိတ်ပြင်းထန်ခဲ့တယ်။
" အမေက လီဗာပူးလ်နဲ့ ယာဂန်ကလော့ပ်အသည်းစွဲဆိုတော့ ကျွန်တော့်ကို ပြောင်းစေချင်တယ်။
ဒါပေမဲ့အမေ့စကားကို ကျွန်တော်နားမထောင်ခဲ့ဘူး။ ပါရီမှာပဲဘောလုံးကစားချင်ခဲ့တယ်။
ကျွန်တော့်ဘာကောင်မှ မဖြစ်ခင် ပါရီမြို့အပြင်ဘက်မှာ ဘောလုံးမကစားချင်ခဲ့ဘူး" လို့ ဘာပေ ပြန်ပြောပြတယ်။
ဘာပေရဲ့အမေက ယာဂန်ကလော့ပ်နဲ့အတူ ညစာစားခွင့်ရပေမယ့် သူ့သား လီဗာပူးလ်မှာကစားတာ မြင်ခွင့်မရခဲ့ဘူး။
ဘာပေရဲ့အမေက လီဗာပူးလ်မြို့ကိုသွားတယ်၊အန်ဖီးလ်ကို သွားတယ်၊ ပွဲတွေတစ်ယောက်တည်းကြည့်တယ်။
လီဗာပူးလ်လို မိသားစုဆန်ပြီးခမ်းနားကြီးကျယ်တဲ့အသင်းမှာ သူ့သား ကစားတာကို စိတ်ကူးယဉ်ခဲ့ပါတယ်။
ဒါပေမဲ့ ဘာပေက PSG အသင်းကို ရွေးချယ်လိုက်လို့ သူ့အမေရဲ့မျှော်လင့်ချက်တွေ အရည်ပျော်ကျခဲ့တယ်။
လီဗာပူးလ်က ဘာပေမရှိပေမယ့် ယာဂန်ကလော့ပ်နဲ့အတူ ခေတ်တစ်ခေတ် တည်ထောင်နိုင်ခဲ့ပါတယ်။
ဘာပေသာရှိခဲ့ရင် လီဗာပူးလ်ကပိုလို့တန်ခိုးထွားနိုင်ပြီး ဂွာဒီယိုလာတည်ထောင်မယ့်မန်စီးတီးခေတ်ဆိုတာ ရှိလာနိုင်မယ်မထင်ပါဘူး။
ကိုဗင်ထရီနဲ့အတူ တန်းဆင်းသွားတဲ့အသင်းသုံးသင်းထဲ မန်စီးတီးလည်းပါဝင်ခဲ့တယ်။ မန်စီးတီးကပရီးမီးယားလိဂ်ရဲ့အရှင်သခင်ဘဝ ပြန်ရောက်လာပေမယ့် ကိုဗင်ထရီအသင်းကတော့ ပရီးမီးယားလိဂ်နဲ့အခုအချိန်မှ ရေစက်ပြန်ဆုံခွင့်ရခဲ့တယ်။ ၁၉၆၇ ကနေ ၂၀၀၁ ခုနှစ်အထိ အဂ်လန်နိုင်ငံရဲ့ အဆင့်အမြင့်ဆုံးလိဂ်(အခုပရီးမီးယားလိဂ်)မှာ ရှင်သန်ခွင့်ရခဲ့တဲ့ ကိုဗင်ထရီအတွက် ပရီးမီးယားလိဂ်ရင်ငွေ့လှုံခွင့်မရတာ ၂၅ နှစ်ကြာခဲ့ပါတယ်။
ဟာရီကိန်းက ဘွန်ဒစ်လီဂါသမိုင်းတစ်လျှောက် ဂိုး ၁၀၀ အမြန်ဆုံးပြည့်တဲ့ စံချိန်ပိုင်ဆိုင်ခဲ့တာပါ။ ဘွန်ဒစ်လီဂါသမိုင်းတစ်လျှောက် ဂိုး ၁၀၀ အမြန်ဆုံး ပြည့်တဲ့စံချိန် ပိုင်ဆိုင်ထားသူက ဒီယက်တာမူလာဖြစ်ပြီး ၁၂၉ နဲ့စံချိန်တင်ခဲ့တာပါ။ အခု ဟာရီကိန်းက ၉၈ ပွဲနဲ့ ဂိုး ၁၀၀ ပြည့်တဲ့စံချိန်သစ်တင်ခဲ့ပါတယ်။
၂၀၂၆ ကမ္ဘာ့ဖလားပြီးရင် အနားယူမယ်ဆိုပြီး တွေးခဲ့ပေမယ့် စီရော်နယ်လ်ဒိုရဲ့လောဘက မရပ်တန့်သေးဘူး။ ၂၀၂၆ ကမ္ဘာ့ဖလားအလွန် ပထမဆုံးကစားမယ့် နိုင်ငံတကာပွဲစဉ်ရက်သတ္တပတ်မှာ ပေါ် တူဂီ အတွက်ကစားပေးဖို့ စီရော်နယ်လ်ဒို စိတ်အားထက်သန်နေပါတယ်။
ပရီးမီးယားလိဂ်အသင်းတွေနဲ့ ဥရောပကလပ်တွေဟာ လူငယ်ကြယ်ပွင့် (Hidden Gems) တွေကို ရှာဖွေရာမှာ Data Analytics တွေနဲ့ Eyeball Platform တို့ကို ပေါင်းစပ်ပြီး ဘယ်လိုအသုံးပြုနေလဲဆိုတာကို သုံးသပ်ထားတဲ့ ဆောင်းပါး။
ဘဏ္ဍာရေးစည်းမျဉ်း ချိုးဖောက်မှု စွဲချက် (၁၁၅) ခုထဲက (၁၁၄) ခုမှာ အပြစ်ရှိကြောင်း တွေ့ရှိရပြီးနောက် တန်းဆင်းပြစ်ဒဏ် ဒါမှမဟုတ် ဆုဖလားရုပ်သိမ်းခံရဖို့ ရှိနေတဲ့ မန်စီးတီးအသင်းရဲ့ အကျပ်အတည်း။
ပြိုင်ဘက်ကင်း ဖရီးကစ်သွင်းဂိုးများ၊ တိကျသေချာတဲ့ ဖြတ်တင်ဘောများနဲ့ မန်ယူအသင်းသမိုင်းတစ်လျှောက် သူချန်ရစ်ခဲ့တဲ့ မေ့ဖျောက်မရနိုင်တဲ့ အနုပညာဆန်ဆန် ခြေစွမ်းများအကြောင်း သုံးသပ်ချက်။
ဂွာဒီယိုလာနဲ့ ကလော့ပ်တို့ခေတ်ကို အဆုံးသတ်စေခဲ့ပြီး အာဆင်နယ်အသင်းမှာ ၁၀ နှစ်ကြာ နေထိုင်ကာ အာဆင်နယ်ခေတ်တစ်ခု တည်ထောင်ဖို့ စာချုပ်သစ် ချုပ်ဆိုလိုက်တဲ့ အာတီတာရဲ့ ရည်မှန်းချက်များအကြောင်း။
ဘရိုက်တန်ကို အရှက်တကွဲ ရှုံးနိမ့်ခဲ့ပြီးနောက် ကစားသမားတွေရဲ့ ခြေစွမ်းဟာ ပရီးမီးယားလိဂ်အဆင့်မဟုတ်ဘူးလို့ နည်းပြ အာတီတာကိုယ်တိုင် ဝေဖန်ခဲ့ရတဲ့ အာဆင်နယ်အသင်းရဲ့ ချန်ပီယံကာကွယ်ရေး အကျပ်အတည်း။
၂၀၂၆ Ballon d'Or ဆုအတွက် ရေပန်းစားနေပေမဲ့ အတ္တအားပြိုင်မှုမရှိဘဲ အပြန်အလှန် လေးစားမှုရှိကြတဲ့ PSG အသင်းဖော်တွေဖြစ်တဲ့ ခွာရတ်စကယ်လီယာနဲ့ ဒမ်ဘီလီတို့ရဲ့ ကြည်နူးဖွယ် ပြိုင်ဆိုင်မှုအကြောင်း။
English
မြန်မာ
中文