ကိုဗင်ထရီနဲ့အတူ တန်းဆင်းသွားတဲ့အသင်းသုံးသင်းထဲ မန်စီးတီးလည်းပါဝင်ခဲ့တယ်။ မန်စီးတီးကပရီးမီးယားလိဂ်ရဲ့အရှင်သခင်ဘဝ ပြန်ရောက်လာပေမယ့် ကိုဗင်ထရီအသင်းကတော့ ပရီးမီးယားလိဂ်နဲ့အခုအချိန်မှ ရေစက်ပြန်ဆုံခွင့်ရခဲ့တယ်။ ၁၉၆၇ ကနေ ၂၀၀၁ ခုနှစ်အထိ အဂ်လန်နိုင်ငံရဲ့ အဆင့်အမြင့်ဆုံးလိဂ်(အခုပရီးမီးယားလိဂ်)မှာ ရှင်သန်ခွင့်ရခဲ့တဲ့ ကိုဗင်ထရီအတွက် ပရီးမီးယားလိဂ်ရင်ငွေ့လှုံခွင့်မရတာ ၂၅ နှစ်ကြာခဲ့ပါတယ်။
ကိုဗင်ထရီဆိုတာ ပရီးမီးယားလိဂ်လို့စတင်နာမည်ပြောင်းတဲ့ ၁၉၉၂ ခုနှစ်မှာ Founder အသင်းတသင်းအဖြစ် ရှိခဲ့ဖူးတဲ့အသင်းပါ။
၂၀၀၀-၀၁ ရာသီမှာ ကိုဗင်ထရီက ရမှတ် ၃၄မှတ်သာပိုင်ဆိုင်လို့ တန်းဆင်းဇုန်ထဲရောက်ပြီး ပရီးမီးယားလိဂ်ကို နှုတ်ဆက်ခဲ့ရပါတယ်။
ကိုဗင်ထရီနဲ့အတူ တန်းဆင်းသွားတဲ့အသင်းသုံးသင်းထဲ မန်စီးတီးလည်းပါဝင်ခဲ့တယ်။ မန်စီးတီးကပရီးမီးယားလိဂ်ရဲ့အရှင်သခင်ဘဝ
ပြန်ရောက်လာပေမယ့် ကိုဗင်ထရီအသင်းကတော့ ပရီးမီးယားလိဂ်နဲ့အခုအချိန်မှ ရေစက်ပြန်ဆုံခွင့်ရခဲ့တယ်။
၁၉၆၇ ကနေ ၂၀၀၁ ခုနှစ်အထိ အဂ်လန်နိုင်ငံရဲ့ အဆင့်အမြင့်ဆုံးလိဂ်(အခုပရီးမီးယားလိဂ်)မှာ
ရှင်သန်ခွင့်ရခဲ့တဲ့ ကိုဗင်ထရီအတွက် ပရီးမီးယားလိဂ်ရင်ငွေ့လှုံခွင့်မရတာ ၂၅ နှစ်ကြာခဲ့ပါတယ်။
ပရီးမီးယားလိဂ်ကနေ တန်းဆင်းပြီးနောက် ကိုဗင်ထရီက လိဂ်ချန်ပီယံရှစ်မှာ ၁၁ ရာသီကျင်လည်
ပြီးနောက် ၂၀၁၁-၁၂ ရာသီ မှာ League One၊ ၂၀၁၆-၁၇ ရာသီမှာ League Two အထိရောက်ခဲ့ပါတယ်။
၂၀၂၀ ရောက်မှ ကိုဗင်ထရီက လိဂ်ချန်ပီယံရှစ် ပြန်ရောက်လာပြီး အခုဆိုရင်ပရီးမီးယားလိဂ်ကစားခွင့်အိပ်မက်ကို
လမ်းပတိက အကောင်အထည်ဖော်ပေးခဲ့တာဖြစ်ပါတယ်။
လက်ရှိရာသီမှာတော့ လမ်းပတ်နဲ့အတူ ကိုဗင်ထရီက ပရီးမီးယားလိဂ်ရင်ငွေ့ ပြန်လှုံခွင့်ရခဲ့တယ်။
လမ်းပတ်ရဲ့ကိုဗင်ထရီအသင်းက လက်ရှိရာသီလိဂ်ချန်ပီယံရှစ်မှာတန်ခိုးထွားပြီးနောက် ပရီးမီးယားလိဂ်ဆီ ပြည်တော်ပြန်ခဲ့တာပါ။
တန်းဆင်းသွားတဲ့၂၀၀၁ ခုနှစ်ကနေ လက်ရှိအချိန်အထိ ကိုဗင်ထရီအသင်းက နည်းပြ ၁၄ ဉီးအထိ ပြောင်းလဲခဲ့ပါတယ်။
ချယ်လ်ဆီးဂန္ထဝင်လမ်းပတ်လက်ထက်ရောက်မှပရီးမီးယားလိဂ်တန်းတက်ခွင့်နဲ့ ရေစက်ဆုံခွင့်ရခဲ့တာဖြစ်ပါတယ်။
ဒါပေမဲ့ ကိုဗင်ထရီရဲ့ပရီးမီးယားလိဂ်ရာသီအစ ခရီးလမ်းဟာ ကြမ်းတမ်းခဲ့တယ်။ ရလဒ်ဆိုးတွေကြားရှင်သန်ခဲ့ရပါတယ်။
နည်းပြလောကမှာ နာမည်ပျက်ထားတဲ့လမ်းပတ်တစ်ယောက် ထပ်ပြီးဝေဖန်ခံခဲ့ရတယ်။
နော်တင်ဟမ်ဖောရက်စ်နဲ့ ပရီးမီးယားလိဂ်ပွဲမှာတော့ လမ်းပတ်တစ်ယောက် လွတ်မြောက်လမ်းကို ရှာဖွေတွေ့ရှိခဲ့တယ်။
အဝေးကွင်းမှာအနိုင်ယူပြီး ကိုဗင်ထရီအသင်း ပထမဆုံးနိုင်ပွဲရခဲ့တာပါ။
၂၀၀၁ ခုနှစ်၊ ဧပြီလတုန်းက ပရီးမီးယားလိဂ်မှာ နောက်ဆုံးနိုင်ပွဲရခဲ့တဲ့ ကိုဗင်ထရီဟာ ရက်ပေါင်း ၉၂၈၇ ရက်ကြာမှ နိုင်ပွဲပြန်ရခဲ့ပါတယ်။
ရက်ပေါင်း ၉၂၈၇ ရက်အတွင်းမှာ အရာအားလုံး ပြောင်းလဲခဲ့ပါပြီ။ မိုဘိုင်းဖုန်းတွေ စ ပေါ် ခါစ၊ ကြိုးဖုန်းတွေ အရေးပါဆဲအခြေအနေကနေ
5 G ဆက်သွယ်ရေးကွန်ယက်စနစ်ပြောင်းလဲခဲ့တယ်။
Nokia 3310 ခေတ်ကနေ Iphone 18 ခေတ်ဆီ ရောက်လာခဲ့တယ်။
CD အခွေခေတ်ကနေ Digital ပလက်ဖောင်း ဖျော်ဖြေရေးခေတ်ဆီပြောင်းလဲလာခဲ့တယ်။ AI ခေတ်ဆီရောက်လာခဲ့တယ်။
ခေတ်တွေပြောင်းသွားပေမယ့် ကိုဗင်ထရီပရိသတ်တွေအတွက် ပရီးမီးယားလိဂ်နိုင်ပွဲအရသာက မပြောင်းလဲခဲ့ပါဘူး။
ပရီးမီးယားလိဂ်နိုင်ပွဲဟာ ချိုမြိန်လွန်းပါတယ်။
ဟာရီကိန်းက ဘွန်ဒစ်လီဂါသမိုင်းတစ်လျှောက် ဂိုး ၁၀၀ အမြန်ဆုံးပြည့်တဲ့ စံချိန်ပိုင်ဆိုင်ခဲ့တာပါ။ ဘွန်ဒစ်လီဂါသမိုင်းတစ်လျှောက် ဂိုး ၁၀၀ အမြန်ဆုံး ပြည့်တဲ့စံချိန် ပိုင်ဆိုင်ထားသူက ဒီယက်တာမူလာဖြစ်ပြီး ၁၂၉ နဲ့စံချိန်တင်ခဲ့တာပါ။ အခု ဟာရီကိန်းက ၉၈ ပွဲနဲ့ ဂိုး ၁၀၀ ပြည့်တဲ့စံချိန်သစ်တင်ခဲ့ပါတယ်။
၂၀၂၆ ကမ္ဘာ့ဖလားပြီးရင် အနားယူမယ်ဆိုပြီး တွေးခဲ့ပေမယ့် စီရော်နယ်လ်ဒိုရဲ့လောဘက မရပ်တန့်သေးဘူး။ ၂၀၂၆ ကမ္ဘာ့ဖလားအလွန် ပထမဆုံးကစားမယ့် နိုင်ငံတကာပွဲစဉ်ရက်သတ္တပတ်မှာ ပေါ် တူဂီ အတွက်ကစားပေးဖို့ စီရော်နယ်လ်ဒို စိတ်အားထက်သန်နေပါတယ်။
မန်ချက်စတာမြို့ထဲ လူငယ်ကြယ်ပွင့်တစ်ဉီးရဲ့အသံဟာ အခုရက်ပိုင်းမှာ ဆူညံနေခဲ့တယ်။ မန်ချက်စတာမြို့ရဲ့အနီရောင်ကိုယ်စားပြု မန်ယူအသင်းက ဂျေဂျေဂါဘရီယဲလ်ပါ။ သူနဲ့မန်ယူအသင်းကြား အနာဂတ်သတင်းဟာ လှုပ်လှုပ်ခတ်ခတ်ရှိနေခဲ့တာပါ။ ဂျေဂျေဂါဘရီယဲလ်က မန်ယူကိုစွန့်ခွာပြီး အခြားသောအရပ်ဆီ ပြောင်းရွှေ့ဖွယ်ရှိနေတာပါ။ သူ့ကို ရီးယဲလ်ကစိတ်ဝင်စားနေတယ်ဆိုပြီး သတင်းတွေလည်း ထွက်နေတာပါ။
ချယ်လ်ဆီးရဲ့ခံစစ်ပြဿနာတွေက ကြီးမားနေဆဲပဲ။ ချယ်လ်ဆီးခံစစ်က တစ်ခုလပ်တစ်ယောက်ရဲ့ ပါးပြင်လိုပဲ၊ သွေးတိုးစမ်းနမ်းရှိုက်ရလွယ်နေတယ်။ ခံစစ်က ဖရိုဖရဲဖြစ်နေချိန်မှာ တိုက်စစ်မှာယော်အိုပတ်ဒရိုမရှိလို့ချယ်လ်ဆီး ဘဲဉမကွဲခဲ့ပါဘူး။ ယော်အိုပတ်ဒရိုနေရာမှာ ဝင်ရောက်ကစားတဲ့ ဝဲလ်ဘတ်က အရောင်မှိန်လွန်းခဲ့တယ်။ ဘောလုံးထိချက် ၁၇ ကြိမ်သာရှိပြီး ၇၁ မိနစ်မှာ လူစားလဲခံခဲ့ရတယ်။
တကယ်ဆိုရင် မန်ယူအသင်းက ဝင်ငွေ ပေါင် ၆၇၇ သန်းပိုင်ဆိုင်ခဲ့တာပါ။ ဒါပေမဲ့ ကြွေးမြီပမာဏက စံချိန်တင်အောင် မြင့်မားနေဆဲဖြစ်ပါတယ်။ ပြီးခဲ့တဲ့ရာသီမှာ မန်ယူအသင်းက ဆယ်စုနှစ်တစ်ခုအတွင်း ပထမဆုံးအကြိမ်အဖြစ် ဉရောပပြိုင်ပွဲ ကစားခွင့်မရပေမယ့် ဝင်ငွေတိုးလာသလို၊ Operating profit ကလည်း ပေါင် ၂၂ ဒဿမ ၆ သန်းရှိခဲ့ပါတယ်။
လွန်ခဲ့တဲ့ ၈ လက မာလန်တစ်ယောက် ဗီလာမှာ ရုန်းကန်နေရပါတယ်။ အခုတော့ ဉရောပထိပ်တန်းလိဂ်ငါးခုမှာ သွင်းဂိုးအများဆုံး အဆုံးသတ်သမားကောင်း တစ်ဉီးအဖြစ် ရပ်တည်နေတယ်။ ပြီးခဲ့တဲ့ဇန်နဝါရီလ ၁၈ ရက်မှာ ရိုးမားအတွက် မာလန်စတင်ပွဲထွက်ကစားပြီးနောက်ပိုင်း သူ့ထက်ဂိုးပိုသွင်းနိုင်သူ မရှိခဲ့ဘူး။ ရိုးမားကစားသမားဘဝမှာ မာလန်ကဂိုးနှစ်ဆယ်အထိ ပိုင်ဆိုင်ထားပြီး ဟာရီကိန်း (၁၆ ဂိုး)၊ ယမားလ် (၁၅ ဂိုး)တို့ထက် ပိုများခဲ့တယ်။
မိုက်ကယ်ကာရစ်လက်ထက် မန်ယူအသင်းမှာ သိပ်ပြီးထူးဆန်းတဲ့အရာတစ်ခု ရှိနေတယ်။ အဲဒါက " မန်ယူဟာ ဘောလုံးမရလေပိုကောင်းလေ" ဆိုတဲ့အချက်ပါ။ ဟုတ်ပါတယ်၊ ဘောလုံးပွဲတစ်ပွဲမှာ ဘောလုံးရထားမှ တိုက်စစ်ဆင်နိုင်မယ်၊ ဂိုးသွင်းနိုင်မယ်ဆိုပေမယ့် မန်ယူက အခြေခံသီအိုရီရဲ့ဆန့်ကျင်ဘက်လမ်းကို လျှောက်နေရတယ်။
အာဆင်နယ်ရဲ့ Safety First ကစားဟန်က ဝေဖန်ခံရတယ်။ အာတီတာက စွန့်စားမှုနည်းနိုင်သမျှ နည်းပြီး ထိရောက်မှုဉီးစားပေးဟန်ကို အချိန်ယူတည်ဆောက်ထားတာပါ။ ပရိသတ်အတော်များများက အာဆင်နယ်ကို မကြည့်ချင်ကြဘူး၊ပျင်းစရာကောင်းတယ်ဆိုပြီး ပြစ်တင်ပါတယ်။ ပြီးခဲ့တဲ့ရာသီမှာ အာဆင်နယ်က (၁-၀) ရလဒ်တွေနဲ့ တည်ကန်ဘောဂိုးတွေများခဲ့လို့ အခုလိုမျိုး ဝေဖန်ခံရတာပါ။
ဘာစီလိုနာရဲ့ပြိုင်ဘက်တိုင်းထိတ်လန့်နေမယ့်တိုက်စစ်မှာ အရေးပါဆုံးလူက ရာဖင်ညာဖြစ်ပါတယ်။ ရာဖင်ညာက Breaking Limits ဖြစ်ပြီး သူ့ရဲ့လုပ်နိုင်စွမ်းထက်ကျော်လွန်တဲ့အရာတွေ ဖန်ဆင်းပြနေတယ်။ ဒါပေမဲ့စိုင်းထီးဆိုင်ရဲ့ " စွမ်းသလောက်ကိုယ့်မှာကြိုးစားခဲ့ပါတယ်၊ ထိပ်ဆုံးတော့မရောက်တောင်၊ အလယ်အလတ်တော့မကပါဘူး" သီချင်းစာသားလို ဘဝမျိုးရာဖင်ညာရင်ဆိုင်နေရတယ်။
English
မြန်မာ
中文