Mr Nice Guy လုပ်နေ့လို့မရတော့ဘူး ကာရစ်

မန်ယူနည်းပြဘဝမှာ မိုက်ကယ်ကာရစ်ကို အကြံဉာဏ်ပေးသူတွေ အမြဲတမ်းရှိနေပါတယ်။

ပေါလ်စခိုးလ်၊ ရွိုင်ကိန်းတို့လို မန်ယူကစားသမားဟောင်းတွေက " မစားရတဲ့အမဲ သဲနဲ့ပက်" ဆိုသလို ကာရစ်ဘာလုပ်လုပ်အကောင်းမမြင်ကြဘူး။

သူတို့ရဲ့နည်းပြဘဝကို ပြန်ကြည့်လိုက်ရင်ဘာမှအထင်ကြီးစရာမရှိပါဘူး။ အောက်တန်းအသင်းတွေကိုင်ပြီး တိုင်ပတ်ခဲ့ကြတာပါ။

အခုအချိန်မှာ မိုက်ကယ်ကာရစ်နှလုံးသားကို တုတ်နဲ့ထိုးခဲ့သူက ဘရူနိုဖာနန်ဒက်စ်၊ မိုက်ကယ်ကာရစ်ရဲ့နည်းဗျူဟာတွေက တလွဲကြီးဆိုပြီးမပြောရုံတမယ် ဝေဖန်ခဲ့တယ်။

ဘရူနိုဖာနန်ဒက်စ်လည်း ပေါလ်စခိုးလ်နဲ့ ရွိုင်ကိန်းလိုပဲ ကိုယ်ကဖြင့် ဘာအဖြစ်မှ မရှိဘူး။ သူများလက်ညိုးထိုးချင်ပြီး  ကိုယ့်မျက်ချေးကိုယ်မမြင်ဘူး။

ဘရူနိုဖာနန်ဒက်စ်ရဲ့ဝေဖန်သံဟာ ကာရစ်အတွက် ပြဿနာကြီးတစ်ခုပါပဲ။

နည်းပြတစ်ယောက်အတွက် အရေးကြီးဆုံးအရာက ကိုယ်ယုံကြည်တဲ့ ကစားသမားတွေကိုပဲ အသင်းမှာနေရာပေးသင့်တယ်" ဆိုတာပါ။

အသင်းခေါင်းဆောင်က နည်းပြတစ်ယောက်ကို ချောက်ထဲရောက်အောင် စကားလုံးတွေနဲ့ တွန်းပို့လိုက်တယ်။

Throw someone under the bus ဆိုတဲ့ အင်္ဂလိပ်စကားပုံအတိုင်း ဘရူနိုဖာနန်ဒက်စ်က သူ့အသုံးမကျတာကို ကာကွယ်ဖို့အတွက်

မိုက်ကယ်ကာရစ် ဒုက္ခရောက်အောင် လုပ်လိုက်ပါတယ်။ လက်ရှိရာသီမှာ ဘရူနိုဖာနန်ဒက်စ်ရဲ့စွမ်းရည်က အတော်လေးကျဆင်းနေတာပါ။

အဲဒီလိုအခြေအနေမျိုးမှာ သူ့ညံ့တာတွေဖုံးကွယ်ရအောင် ဘရူနိူဖာနန်ဒက်စ်က မိုက်ကယ်ကာရစ်ကို အပြစ်ပုံချလိုက်တယ်။

အခုအချိန်မှာ မိုက်ကယ်ကာရစ်လုပ်ရမှာတစ်ခုပဲရှိတယ်။

" မန်ယူအတွက် မပေးဆပ်ချင်တဲ့ ကစားသမားကို အသင်းလူစာရင်းကနေ ဖယ်ထုတ်လိုက်ရုံပါပဲ"

ဖာဂီခေတ်တုန်းက မန်ယူအသင်းရဲ့အထက်မှာ ဘယ်သူမှမရှိဘူးဆိုတဲ့မူဝါဒ ကျင့်သုံးခဲ့တယ်။

အသင်းရဲ့ အကောင်းဆုံးကစားသမားဖြစ်နေရင်တောင် နည်းပြကို ဝေဖန်ရင် နေရာမပေးတဲ့မူဝါဒ" ပါ။

ဖာဂီသာဆိုရင် ဘရူနိုဖာနန်ဒက်စ်ကို ပွဲထွက်ခွင့် ပေးတော့မှာမဟုတ်ဘူး။ မိုက်ကယ်ကာရစ်ကရော ဘယ်လိုဆုံးဖြတ်မှာလဲ။

ဝိန်းရွန်နီက " တာဝန်ယူစိတ်မရှိတဲ့သူတွေကတစ်ယောက်ယောက်ကို အပြစ်ပုံချတတ်တယ်"လို့ပြောပါတယ်။

မာတီနက်ဇ်နဲ့ ဘရူနိုဖာနန်ဒက်စ်ကပြဿနာကောင်တွေဆိုပြီး ဝိန်းရွန်နီတံဆိပ်ကပ်ခဲ့တယ်။

အခုအချိန်ကစပြီး မိုက်ကယ်ကာရစ်က "Mr Nice Guy." သဘောကောင်းပြီး အေးဆေးတဲ့သူလုပ်လို့မရတော့ဘူး။

လူတိုင်းကို အလိုလိုက်နေမယ့်အစား စည်းကမ်းတင်းကျပ်ပြီး ပြတ်ပြတ်သားသား ဆုံးဖြတ်ချက်ချဖို့ လိုအပ်နေပြီ။

ဘရူနိုဖာနန်ဒက်စ်ကို အသင်းလူစာရင်းကနေ ဖယ်ရှားသင့်ပါတယ်။