မြည်းက ခြင်္သေ့ယောင်ဆောင်နေတာမဟုတ်ဘူး

မြည်းက ခြင်္သေ့ယောင်ဆောင်နေတာမဟုတ်ဘူး

မန်ယူအသင်းခေါင်းဆောင်ဟောင်း ရွိုင်ကင်းက လက်ရှိမန်ယူအသင်းခေါင်းဆောင်ဘရူနိုဖာနန်ဒက်စ်ကို

ခြင်္သေ့ယောင်ဆောင်နေတဲ့မြည်းဆိုပြီး ဝေဖန်တိုက်ခိုက်ခဲ့ဖူးပါတယ်။

ပြီးခဲ့တဲ့ရာသီအတွင်းမှာ မန်ယူအသင်းခေါင်းဆောင် ဘရူနိုဖာနန်ဒက်စ်နဲ့

ဂန္ထဝင်အသင်းခေါင်းဆောင် ရွိုင်ကင်းတို့ဟာ အပြန်အလှန် စကားလုံးတိုက်ပွဲဖြစ်ခဲ့ပါတယ်။

အင်တာဗျူးတစ်ခုမှာ ရွိုင်ကင်းက ဘရူနိုဖာနန်ဒက်စ်ဟာ အသင်းလိုက်ထက် တစ်ဦးချင်း အောင်မြင်မှုရဖို့ပဲ ဦးစားပေးတယ်လို့ စွပ်စွဲတိုက်ခိုက်ခဲ့ပါတယ်။

အဲဒီလို ပြောဆိုမှုနဲ့ပတ်သက်ပြီး ဘရူနိုဖာနန်ဒက်စ်က ရွိုင်ကင်းကလူလိမ်တစ်ဉီးလို့တုံ့ပြန်ခဲ့ပါတယ်။

 "ကျွန်တော် မကြိုက်ဆုံးက လိမ်ညာပြောဆိုတတ်တဲ့သူတွေကိုပါပဲ။

ကျွန်တော်က ဘယ်သူ့ဆီကမဆို ဝေဖန်ပြစ်တင်တာတွေကို လက်ခံပြီး ဘာမှ ပြန်တုံ့ပြန်လေ့ မရှိပါဘူး

လူတွေက ကောင်းတာဖြစ်စေ၊ ဆိုးတာပဲဖြစ်စေ သူတို့အမြင်နဲ့သူတို့ရှိပြီးသားပါ။

ရွိုင်ကင်းပြောသမျှအကုန်လုံးက အလိမ်အညာတွေပါပဲ" လို့ ဘရူနိုဖာနန်ဒက်စ်တုံ့ပြန်ခဲ့တာပါ။

ရွိုင်ကင်းက 'လူတွေရဲ့ Attention ကို ရတော့  မြည်းသတ္တဝါက ကိုယ့်ကိုယ်ကိုယ် ခြင်္သေ့လိုထင်နေပြီ'လို့

ရက်ရက်စက်စက် ပြောခဲ့တယ်။ မန်ယူကို နှစ်ကာလများစွာ အားပေးလာသူတွေအတွက်

ရွိုင်ကင်းက ဉီးညွတ်ရမယ့်သူတစ်ဉီးပါ။ မန်ယူအတွက်ဆိုရင် စိတ်ခံစားချက်ပြင်းထန်လွန်းသူ၊

ဟာလန်းရဲ့အဖေကို သူ ဘီလူးဆိုင်းတီးတဲ့ဖြစ်ရပ်၊ ဗီယာရာနဲ့ ဒေါသတိုက်ပွဲဆင်နွဲတဲ့ဖြစ်ရပ်တွေဟာ

ပရီးမီးယားလိဂ်ရဲ့ဂန္ထဝင်ရှုမျှော်ခင်းတွေ ဖြစ်ခဲ့တယ်။

မန်ယူရဲ့ဂန္ထဝင်ဖလားသုံးလုံးအောင်ပွဲမှာ ရွိုင်ကင်းဟာ အဓိကလူတစ်ဉီး ဖြစ်ခဲ့ဖူးတယ်။

အဲဒီဂုဏ်ရည်တွေဟာ မဖြစ်မနေဉီးညွတ်ရမယ်ဆိုပေမယ့် ဘောလုံးသမားဘဝအလွန် ရွ ိုင်ကင်းရဲ့စကားလုံးတွေက

ရပ်ကွက်သိပ်ဆန်တယ်။ ငါးစိမ်းသည်ဆန်ပါတယ်။

ဘရူနိုနဲ့ ရွိုင်ကင်းကြားတူညီတာတစ်ခုက EQ နိမ့်တာပါ။ ရွိုင်ကင်းက စိတ်ခံစားချက်ကို

မထိန်းချုပ်နိုင်ဘဲ Aggressive ဆန်လွန်းတယ်။ ဘရူနိုက ရွိုင်ကင်းလောက် အရိုင်း မဆန်ပေမယ့် စိတ်ခံစားချက် မထိန်းချုပ်နိုင်ဘူး။

အမြဲတမ်းစိတ်အလိုမကျဖြစ်နေတဲ့ မိန်းမတစ်ယောက်လို၊ ပွစိပွစိနဲ့ စိတ်ပျက်စရာကောင်းတယ်။

ရွိုင်ကင်းနဲ့ ဘရူနိူ သူတို့နှစ်ယောက်စလုံးက အရှုံးကိုမုန်းတယ်။ အရှုံးဒဏ်ကိုမခံစားချင်ဘူး။

မန်ယူကို ချစ်ကြတာတူညီပေမယ့် ဘာလို့များ မတည့်ကြ တာလဲမပြောတတ်ဘူး။

သေချာတာက သူတို့ဟာလူမှန်တွေပါ။ မန်ယူကိုတကယ်ချစ်ကြသူတွေပါ။

Generation Gap ကြောင့် သူတို့နှစ်ဉီးကြား ခံစား ချက် ကွဲပြားသွားတာ ဖြစ်ပါလိမ့်မယ်။

ဘရူနိုက မန်ယူတိုက်စစ်အတွက် မရှိမဖြစ်စွမ်းအင်ပါ။

မြည်းက ခြင်္သေ့ယောင်ဆောင်နေတာမဟုတ်ဘူး။