လိဂ်တူးအသင်းကို ရှုံးတဲ့ရှက်စရာအာဆင်နယ်

အာဆင်နယ်က လိဂ်ဖလားစတုတ္ထအဆင့်မှာ လိဂ်တူးကလပ် ဖလက်ဝုဒ်တောင်းအသင်းကို ရှုံးပြီး ပြိုင်ပွဲက ထွက်လိုက်ရတယ်။

ဆုဖလားမျှော်လင့်ချက်တစ်ခုလက်လွှတ်လိုက်ရပါတယ်။

ဖလက်ဝုဒ်အသင်းက လိဂ်တူးမှာ အဆင့်၈ နေရာ ရောက်နေပြီး နောက်ဆုံး ၈ ပွဲမှာတစ်ပွဲသာအနိုင်ရခဲ့တဲ့အသင်းပါ။

အဲဒီလိုအသင်းကို အာဆင်နယ်က အံ့အားသင့်စရာ ရှုံးနိမ့်ခဲ့တာဖြစ်ပါတယ်။

အာဆင်နယ်အသင်းရဲ့ပွဲထွက်လူစာရင်းမှာ ယိုကယ်ရက်စ်၊ ဟာဗတ်ဇ်၊ ဇူဘီမန်ဒီ၊ လူးဝစ်စကယ်လီ၊ တင်မ်ဘာ၊ ဒေါင်းမန်းအစရှိတဲ့ကစားသမားတွေ

ပွဲထွက်ကစားခဲ့သလို၊ ဒုတိယပိုင်းမှာလည်း အော်ဒီဂွာ၊ အက်ဇီး၊ ဂွီမာရေ့စ်၊ ဘန်ဝှိုက်၊ ကွန်ဆာတို့ ဝင်ရောက်ကစားခဲ့ကြပါတယ်။

ဒါပေမဲ့ ဖလက်ဝုဒ်အသင်း ဦးဆောင်ဂိုးသွင်းတာခံရပြီးအာဆင်နယ်နောက်ကလိုက်ကစားခဲ့ရပါတယ်။

ပွဲချိန် မိနစ် ၅၀ ရောက်မှ အာဆင်နယ်အသင်းအတွက် ယိုကယ်ရက်စ်က ချေပဂိုးပြန်သွင်းလို့ တစ်ဂိုးစီသရေကျခဲ့တာပါ။

ဒါပေမဲ့နောက်ထပ်ဂိုးမသွင်းနိုင်လို့ ပယ်နယ်တီအဆုံးအဖြတ် ခံယူခဲ့ရပါတယ်။

၈၅ မိနစ်မှာ ဒေါင်းမန်းထုတ်ပယ်ခံရလို့အာဆင်နယ်တစ်ယောက်လျော့နဲ့ကစားရပေမယ့်လိဂ်တူးကလပ်ကို

တစ်ပွဲလုံးအသာစီးမယူနိုင်တာ စိတ်ပျက်စရာကောင်းလွန်းပါတယ်။

ပယ်နယ်တီအဆုံးအဖြတ်မှာ အာဆင်နယ်အသင်းရှုံးနိမ့်ပြီး လိဂ်ဖလားကနေထွက်ခဲ့ရတာပါ။

လိဂ်တူးကလပ်ဖလက်ဝုဒ်အသင်းအတွက် မမေ့နိုင်စရာ အောင်ပွဲဖြစ်ခဲ့ပါတယ်။