မော်ရင်ဟိုရဲ့Knee Slide အောင်ပွဲခံဟန်ဟာ စ-စ်-ချီတေး

မော်ရင်ဟိုက သူ့ရဲ့နာမည်ကျော် Knee Slide အောင်ပွဲခံဟန်ကို ဘာစီလိုနာနဲ့ El Clasico ပွဲမှာ လုပ်ခွင့်ရခဲ့တယ်။

ရီးယဲလ်က ဘာပေရဲ့ဂိုးတွေနဲ့ ဘာစီလိုနာကို အနိုင်ယူပြီး ဂုဏ်ယူဖွယ်ရာအောင်ပွဲ ပိုင်ဆိုင်ခဲ့တာပါ။

El Clasico ၆ ပွဲဆက်ရှုံးပွဲမရှိတဲ့တတိယမြောက် ရီးယဲလ်နည်းပြအဖြစ်လည်း မော်ရင်ဟိုမှတ်တမ်းဝင်ခဲ့တာပါ။

မော်ရင်ဟိုက ရီးယဲလ်နည်းပြဘဝ El Clasico နောက်ဆုံး ၆ ပွဲမှာ ၄ ပွဲနိုင် ၂ ပွဲသရေမှတ်တမ်း ပိုင်ဆိုင်ခဲ့ပါတယ်။

ပြီးခဲ့တဲ့ရာသီတွေမှာ ဘာစီလိုနာက ရီးယဲလ်ကို နလံမထူနိုင်အောင်လုပ်ပြခဲ့တယ်။ လက်ရှိရာသီမတိုင်ခင် El Clasico နောက်ဆုံး ၇ ပွဲမှာ ရီးယဲလ်က တစ်ပွဲသာ အနိုင်ရခဲ့တာပါ။

အဲဒီလိုမျိုး အိမ့်နိမ့်စံဘဝကို မော်ရင်ဟိုက ရီးယဲလ်ပြန်ရောက်လာတဲ့ ပထမဆုံးရာသီမှာပဲ ပြောင်းလဲပေးခဲ့တယ်။

မော်ရင်ဟိုက ၁၃ နှစ်အကြာမှာ ပထမဆုံး El Clasico ပွဲ ဆင်နွှဲခွင့်ရတာဖြစ်ပါတယ်။ ပွဲမတိုင်ခင်မှာ  လာလီဂါချန်ပီယံဆုအတွက် ဘာစီလိုနာက

အလေးသာနေပေမယ့် အခုနိုင်ပွဲကြောင့် ရီးယဲလ်က ချန်ပီယံပြေးလမ်းထဲ သန်မာစွာပြန်ရောက်လာပြီ။

မော်ရင်ဟိုက " ဘာစီလိုနာကို အနိုင်ယူရုံသက်သက်မဟုတ်ဘဲ လာလီဂါချန်ပီယံဆုပါ ယူပြမယ်" လို့ ကြွေးကြော်လိုက်ပါတယ်။

ပြီးတော့ မော်ရင်ဟိုက နည်းပြတွေရဲ့လောကဓံကိုလည်း ရင်ဖွင့်ခဲ့တယ်။ မော်ရင်ဟိုက "နိုင်ပွဲရရင်  ကစားသမားတွေချီးကျုးခံရမယ်၊

ရှုံးပွဲတွေ့ရင် နည်းပြကို အပြစ်ပုံချမယ်၊ ဒါကြောင့်ပဲရက်သတ္တပတ်တိုင်းမှာ နည်းပြတွေ ရာထူးကနေထုတ်ပယ်ခံနေရတာပါ"လို့ ပြောခဲ့တာပါ။

နိုင်ပွဲရလို့ပျော်ရွှင်နေပေမယ့် လကမ္ဘာရောက်သလိုမျိုး ဂုဏ်ဆာမနေသင့်ဘူးလို့လည်း မော်ရင်ဟိုသတိပေးခဲ့တယ်။

ဘာစီလိုနာနည်းပြ ဟန်ဆီဖလစ်ကတော့ သူ့ကစားသမားတွေပွဲပန်းနေတယ်ဆိုပြီး ဆင်ခြေပေးခဲ့ပါတယ်။

El Clasico နိုင်ပွဲနဲ့အတူ လာလီဂါချန်ပီယံဆုလားရာက ရီးယဲလ်ဘက်ကို မျက်နှာသာပေးခဲ့ပါပြီ။

နူးကမ့်ကွင်းထဲက မော်ရင်ဟိုရဲ့Knee Slide အောင်ပွဲခံဟန်ဟာ ရီးယဲလ်ရဲ့စ-စ်ချီတေးဖြစ်လာတယ်။

၂၀၁၀ ခုနှစ်၊ ချန်ပီယံလိဂ်ဆီမီးဖိုင်နယ်မှာ အင်တာမီလန်နဲ့အတူ ဘာစီလိုနာကို ကျော်ဖြတ်ပြီးနောက်

မော်ရင်ဟိုက နူးကမ့်ကွင်းထဲ စိတ်လွတ်လက်လွတ် ပြေးလွှားအောင်ပွဲခံတဲ့မြင်ကွင်းဟာ ပြန်လည်အမှတ်ရစရာကောင်းလာပါတယ်။