မန်ယူအသင်းကံဆိုးနေတာလားတကယ်ညံ့နေတာလား

မန်ယူအသင်းကံဆိုးနေတာလားတကယ်ညံ့နေတာလား

အဲဗာတန်အသင်းနဲ့ပွဲမှာမန်ယူအမှတ်လျော့ခဲ့ပြန်တယ်။ လက်ရှိရာသီ ပရီးမီးယားလိဂ်သုံးပွဲမှာမန်ယူအသင်းက

တစ်ပွဲနိုင်၊တစ်ပွဲသရေ၊ တစ်ပွဲရှုံးနဲ့ရိုလာကိုစတာဖြစ်နေပါတယ်။ အဲဗာတန်အသင်းနဲ့ပွဲမှာမန်ယူအသင်းက

နောက်ကျဂိုးပေးရပြီးနိုင်ပွဲနဲ့ဝေးခဲ့ရတာရင်နာစရာပါ။

မန်ယူအသင်းရဲ့နည်းပြ ကာရစ်က အဲဗာတန်နဲ့ သရေကျတာကို ရှုံးနိမ့်သလို ခံစားရတယ်လို့ ပြောခဲ့ပါတယ်။

မန်ယူအသင်းအနေနဲ့ အဲဗာတန်နဲဲ့ပွဲမှာ (၂-၁)ဂိုးနဲ့ အနိုင်ရဖို့ နီးစပ်ခဲ့ပေမဲ့ ပွဲပြီးခါနီးမှာ အဲဗာတန်အသင်းက ချေပဂိုး ပြန်သွင်းသွားခဲ့တာပါ။

''ကျွန်တော်တို့ အရမ်းစိတ်ပျက်ခဲ့ရပါတယ်။ ကျွန်တော်တို့ ဦးဆောင်ခွင့်နှစ်ကြိမ်ရရှိခဲ့ပြီး နိုင်ပွဲနဲ့ အဆုံးသတ်နိုင်ဖို့

အရမ်းနီးစပ်ခဲ့ပေမဲ့ ဖြစ်မလာခဲ့ပါဘူး။ ဒါက ရှုံးပွဲတစ်ပွဲလို ခံစားရပါတယ်'' လို့ ကာရစ်က ပြောခဲ့ပါတယ်။

မန်ယူအသင်းဟာ ရာသီအဖွင့်(၃)ပွဲမှာ တစ်ပွဲနိုင်၊ တစ်ပွဲသရေ၊ တစ်ပွဲရှုံးရလဒ်နဲ့ (၄)မှတ်သာ ရယူနိုင်ခဲ့လို့

ပွဲစဉ်(၃)အပြီးမှာ အမှတ်ပေးဇယားအဆင့်(၁၁)နေရာ ရောက်ရှိနေခဲ့ပါတယ်။

မန်ယူအသင်းနည်းပြမိုက်ကယ်ကာရစ်ကတော့ အသင်းအနေနဲ့ တိုးတက်မှုရှိဖို့

လိုအပ်နေသေးတာမှန်ပေမဲ့ ဆိုးရွားတဲ့စတင်မှုမဟုတ်ဘူးလို့ ပြောခဲ့ပါတယ်။

မန်ယူအသင်းနည်းပြ ကာရစ်ခ်က ယိုယွင်းနေတဲ့ ခံစစ်ကို အဲဗာတန်နဲ့ ပွဲအပြီးမှာအဓိကထား ထောက်ပြ ပြောဆိုသွားခဲ့ပါတယ်။

နောက်ဆုံး အချိန်ပို အရောက်မှ အဲဗာတန်ကို မန်ယူအသင်း ချေပဂိုး ပေးလိုက်ရတာ ဖြစ်ပြီး ရင်နာစရာကောင်းလှပါတယ်။

မန်ယူအသင်းဟာ လက်ရှိရာသီအစ ၃ ပွဲစလုံး ပြိုင်ဘက်အသင်းတိုင်းကို ပွဲတိုင်း ၂ ဂိုးစီ ပေးနေရတာ

ရှက်စရာကောင်းပါတယ်။

မန်ယူအသင်းက လက်ရှိရာသီအစမှာ ပွဲချောင်နေပြီး ဟားလ်စီးတီး၊ အစ်ဝစ်ချ်၊ အဲဗာတန်တို့နဲ့သာ

ဆုံတွေ့ခဲ့ပေမဲ့ပထမဆုံးကစားရတဲ့  ဟားလ်စီးတီးအသင်းနဲ့ပွဲမှာ ရှုံးနိမ့်ခဲ့ သလို၊ အခုလည်းအဝေးကွင်းမှာအဲဗာတန်နဲ့သရေကျခဲ့

တာကြောင့် နည်းပြမိုက်ကယ်ကာရစ်အတွက် ဝေဖန်သံတွေ မြင့်တက်လာပါတယ်။

လာမယ့်တနင်္ဂနွေနေ့မှာ မန်စီးတီးနဲ့ ပွဲကျပ်နေလို့ မိုက်ကယ်ကာရစ်အတွက်ပိုပြီးဖိအားများလာနိုင်တယ်။

မန်ယူအသင်းက ပြီးခဲ့တဲ့နှစ်တွေအတွင်းမှာ နည်းပြအပြောင်းအလဲများစွာဖြစ်ခဲ့ပြီး မတည်ငြိမ်ခဲ့ပါဘူး။

နည်းပြအပြောင်းအလဲများလို့မန်ယူအသင်းက ထိပ်တန်းအဆင့် အောင်ပွဲတွေနဲ့ ဝေးကွာနေပြီး

ပရီးမီးယားလိဂ်ဖလားမရတာ ၁၃ နှစ်ကျော်လာပါပြီ။ ချန်ပီယံလိဂ်ကစားခွင့်ရအောင်လည်း

မန်ယူအသင်း ရုန်းကန်ခဲ့ရတာဖြစ်ပါတယ်။

သေချာတာကမိုက်ကယ်ကာရစ်တစ်ယောက်လာမယ့်ပွဲတွေမှာ ထပ်မှားလို့မရတော့ပါဘူး။

သူ့အသင်းကစားပုံကောင်းပေမယ့်ရလဒ်မကောင်းတာကိုပြင်ဆင်ရပါမယ်။

မန်ယူအသင်းကံဆိုးနေတာလားခြေစွမ်းဆိုးနေတာလားဆိုတာကွဲပြားအောင်မိုက်ကယ်ကာရစ်လုပ်ပြရပါမယ်။