Ballon d'Or  ဆု ဘယ်သူရမလဲ?

ဘွတ်ကီဒိုင်တွေက အခုနှစ် Ballon d'Or ဆုကို ယမားလ်နဲ့ ဟာရီကိန်း နှစ်ယောက်ထဲက တစ်ယောက်ရမယ်ဆိုပြီး အလေးပေးထားပါတယ်။

ပြီးခဲ့တဲ့ရာသီမှာ ယမားလ်က ဘာစီလိုနာနဲ့အတူ ချန်ပီယံလိဂ်၊ စပိန်အသင်းနဲ့အတူ ကမ္ဘာ့ဖလားချန်ပီယံဆုတွေ ပိုင်ဆိုင်ခဲ့ပါတယ်။

ဟာရီကိန်းက ဘွန်ဒစ်လီဂါချန်ပီယံဖြစ်ခဲ့ပြီး  စံချိန်တင်အောင်ဂိုးတွေသွင်းပြခဲ့ပါတယ်။

ဒီနှစ်ယောက်ထဲက တစ်ယောက်ယောက် Ballon d'Or ရသွားမယ်ဆိုရင် သိပ်ပြီးအပြစ်ဆိုစရာမရှိပါဘူး။

ဒါပေမဲ့ အာဂျင်တီးနားနဲ့အတူ ၂၀၂၆ ကမ္ဘာ့ဖလားမှာ The Last Dance ကို အခမ်းနားဆုံးဖျော်ဖြေခဲ့သူ မက်််ဆီ၊

ရီးယဲလ်ရဲ့ ဂိုးသွင်းစက်ဘာပေတို့လည်း Ballon d'Or ဆုအတွက် အခွင့်အရေးရှိနေပါတယ်။

ပြီးတော့ ချန်ပီယံလိဂ်နှစ်ရာသီဆက်ချန်ပီယံ PSG အသင်းက ကစားသမားတစ်ယောက်ယောက် ရသွားမလားဆိုတာလည်း စောင့်ကြည့်ရမယ့်အရာပါ။

သေချာတာကတစ်ခုက Ballon d'Or ဆုကို PSG ကစားသမားတစ်ယောက်ယောက် ဒါမှမဟုတ်

ယမားလ်နဲ့ ဟာရီကိန်းထဲက တစ်ယောက်ယောက် မရဘူးဆိုရင် အဓိပ္ပာယ်မရှိပါဘူး။

PSG ကစားသမားတွေထဲကဆိုရင် ကွာရတ်စကယ်လီယာကို ရစေချင်ပါတယ်။ ပြီးခဲ့တဲ့ရာသီချန်ပီယံလိဂ်မှာသူ့ထက် ပိုထူးချွန်သူမရှိခဲ့ဘူး။

PSG အသင်း ချန်ပီယံလိဂ်မှာ နှစ်ရာသီဆက်အောင်ပွဲခံခွင့်ရတာ သူ့ကြောင့်ပါ။  သူက ရှုံးထွက် (၁၆)သင်းအဆင့်၊

ကွာတားဖိုင်နယ်နဲ့ ဆီမီးဖိုင်နယ်တွေမှာ ဂိုးသွင်းခဲ့တယ်။ ပွဲကြီးပွဲကောင်းဆိုရင် သူ့ပါရမီသူ အကောင်းဆုံးပြသဖို့ရာ အသင့်ရှိနေသူပါ။

Ballon d'Or ဆုနဲ့ ထိုက်တန်သူပါ။

ဗြိတိန်ဂျာနယ်လစ်တွေကတော့ ဟာရီကိန်းမှ ဟာရီကိန်းဖြစ်နေတယ်။ အလန်ရှီးယားက - ပြီးခဲ့တဲ့ တစ်နှစ်ကျော်အတွင်းမှာ

ဟာရီကိန်းက ဘိုင်ယန်မြူးနစ်နဲ့ အင်္ဂလန်အသင်းအတွက် ထူးခြားပြောင်မြောက်စွာ စွမ်းဆောင်ခဲ့သူပါ။  Ballon d'Or ဆုကို ဟာရီကိန်းရသင့်တယ်- လို့ ပြောတယ်။

စပါးအသင်းကစားသမားဟောင်း တောင်ဆန်က "ဟာရီကိန်းက (၆၅) ပွဲကစားပြီး (၇၃)ဂိုးအထိ သွင်းယူခဲ့တယ်။ ချန်ပီယံလိဂ်မှာ (၁၄) ဂိုးသွင်းပြီး

ဘိုင်ယန်မြူးနစ်ကို ချန်ပီယံလိဂ်ဆီမီးဖိုင်နယ်ရောက်အောင် ပို့ဆောင်ပေးခဲ့ပါတယ်။ ကမ္ဘာ့ဖလားမှာလည်း (၆)ဂိုးသွင်းခဲ့လို့ Ballon d'Or ဆုနဲ့ ထိုက်တန်ပါတယ်" လို့ သုံးသပ်ခဲ့တယ်။