အာဆင်နယ်က ငကြောက်အသင်း ဖြစ်နေဆဲလား

အာဆင်နယ်က ငကြောက်အသင်း ဖြစ်နေဆဲလား

အာဆင်နယ်ရဲ့ Safety First ကစားဟန်က ဝေဖန်ခံရတယ်။ အာတီတာက စွန့်စားမှုနည်းနိုင်သမျှ နည်းပြီး

ထိရောက်မှုဉီးစားပေးဟန်ကို အချိန်ယူတည်ဆောက်ထားတာပါ။

ပရိသတ်အတော်များများက အာဆင်နယ်ကို မကြည့်ချင်ကြဘူး၊ပျင်းစရာကောင်းတယ်ဆိုပြီး ပြစ်တင်ပါတယ်။

ပြီးခဲ့တဲ့ရာသီမှာ အာဆင်နယ်က (၁-၀) ရလဒ်တွေနဲ့ တည်ကန်ဘောဂိုးတွေများခဲ့လို့ အခုလိုမျိုး ဝေဖန်ခံရတာပါ။

အဲဒီလို ဝေဖန်သံတွေကြားထဲကနေ အာဆင်နယ်က ၂၂ နှစ်ကြာဝေးကွာနေတဲ့ ပရီးမီးယားလိဂ်ချန်ပီယံဖလား သိမ်းပိုက်နိုင်သလို၊

လက်ရှိရာသီမှာလည်း Opta ရဲ့ ချန်ပီယံဖြစ်နိုင်ခြေ ၅၇ ဒဿမ ၂ ရာခိုင်နှုန်းနဲ့ ရေပန်းအစားဆုံးဖြစ်နေတယ်။

အာဆင်နယ်ရဲ့အားသာချက်က ကိုယ်လုပ်ရမယ့်အရာ ရှင်းလင်းပြတ်သားစွာသိတာပါ။ ကိုယ်ကျင့်သုံးမယ့် မူဝါဒကို ခိုင်မာစွာချမှတ်ထားတာပါ။

မူခိုင်မာပြီးသားအာဆင်နယ်က လူစွမ်းအားအရင်းအမြစ် ပိုပြီးထက်မြက်လာလို့ ရပ်တန့်ရခက်လာပြီ။ နိုင်ပွဲဆက်မှတ်တမ်းတွေပိုင်ဆိုင်လာတယ်။

ပရီးမီးယားလိဂ်ပြိုင်ဘက်တွေထက် ကစားသမားစုဖွဲ့မှု တည်ငြိမ်နေတာက အာဆင်နယ်ရဲ့အားသာချက်

ဖြစ်ပြီး မှန်ကန်တဲ့ကစားသမားအသစ်တွေလည်း ခေါ် ယူထားနိုင်တယ်။

အာဆင်နယ်ကတိုးတက်လာပြီးချန်ပီယံဆု ဆက်လက်ထိန်းသိမ်းနိုင်ဖို့ အခွင့်အရေးများပေမယ့်  ဖျော်ဖြေဆန်တဲ့အသင်း ဖြစ်မလာသေးဘူး။

လက်ရှိရာသီပရီးမီးယားလိဂ်မှာ လိမ်ခေါက်ကျော်ဖြတ်မှု ဒုတိယအနည်းဆုံးအသင်းအဖြစ်ရပ်တည်နေတယ်။

အာဆင်နယ်က လိမ်ခေါက်ကျော်ဖြတ်မှု ၄၃ ကြိမ်သာ လုပ်ထားပြီး ဟားလ်စီးတီး ၃၉ ကြိမ်နောက် ဒုတိယအနည်းဆုံး ဖြစ်နေတာပါ။

လိမ်ခေါက်ကျော်ဖြတ်မှုအောင်မြင်တာ ၁၇ ကြိမ်နဲ့ လက်ရှိရာသီပရီးမီးယားလိဂ်မှာ အနည်းဆုံးပါ။

ဆာကာက တစ်ဦးချင်းကျော်ဖြတ်တာ ထူးချွန်ပေမယ့် အာတီတာရဲ့Safety First မူဝါဒကြောင့်  စွန့်စားခန်းမဖွင့်ရဲဘူး။

အာဆင်နယ်က လိမ်ခေါက်ကျော်ဖြတ်တဲ့အပိုင်းမှာ ညံ့နေပေမယ့် ထိရောက်တဲ့ဖြတ်တင်ဘောပေးပို့မှု အကောင်းဆုံးအဖြစ် ရပ်တည်နေတယ်။

လက်ရှိရာသီပရီးမီးယားလိဂ်မှာ အာဆင်နယ်က ဖြတ်တင်ဘောပေးပို့မှု ၈၁ ရာခိုင်နှုန်း အောင်မြင်ပြီး တန်ဖိုးမြင့်မားပါတယ်။

သွင်းဂိုးတွေအတွက် အရေးပါတဲ့ဖြတ်တင်ဘောတွေ ဖြစ်နေတယ်။

အာဆင်နယ်က ပြီးခဲ့တဲ့ရာသီကထက် Open Play ကနေ ဂိုးတွေပိုရလာပေမယ့် စွန့်စားကစားတာနည်းနေဆဲပါ။

Safety First ကစားဟန်နဲ့ စွန့်စားမှုနည်းနိုင်သမျှ နည်းတဲ့ ထိရောက်မှုဉီးစားပေးဟန်ကို လက်ကိုင်ထားပြီး  ချန်ပီယံဆုဆီ ချီတက်နေတယ်။