ခြေစွမ်းကျနေတယ်ဆိုတဲ့ ဝေဖန်မှုတွေကို လိုင်လီနဲ့ ချန်ပီယံလိဂ်ပွဲမှာ သွင်းဂိုး၊ ဂိုးဖန်တီးမှုတွေနဲ့ အကောင်းဆုံး တုံ့ပြန်လိုက်ပြီး တစ်ပွဲကို အနည်းဆုံး ၂ ဂိုးသွင်းပြမယ်လို့ ကြွေးကြော်လိုက်တဲ့ အာဆင်နယ်ကြယ်ပွင့် ဆာကာအကြောင်း။
ဟိုတလောက ခြေစွမ်းမပြနိုင်လို့ ဆာကာဝေဖန်ခံရတယ်။
လိုင်လီအသင်းနဲ့ ချန်ပီယံလိဂ်ပွဲမှာတော့ ဆာကာကသူ့ရဲ့ကိုယ်ရည်ကိုယ်သွေး ပြန်လည်ပြသနိုင်ခဲ့ပါတယ်။
လိုင်လီအသင်းနဲ့ပွဲမှာ ဆာကာကတစ်ဂိုးသွင်းပြီး ဂိုးဖန်တီးမှုတစ်ကြိမ်လုပ်ခဲ့တာပါ။ အဲဒီနောက်ဆာကာက
" တစ်ပွဲကိုအနည်းဆုံး နှစ်ဂိုးဒါမှမဟုတ် သုံးဂိုးသွင်းယူနိုင်အောင် ရည်ရွယ်ထားတယ်" လို့ ကြွေးကြော်လိုက်တယ်။
ဆာကာရဲ့ကစားသမားဘဝမှာ တစ်ရာသီအတွင်း ဂိုး ၂၀ သွင်းယူနိုင်တာ တစ်ကြိမ်ပဲရှိခဲ့တယ်။
၂၀၂၃-၂၄ ရာသီမှာ ဆာကာက ပရီးမီးယားလိဂ်သွင်းဂိုး ၁၆ ဂိုးအပါအဝင် ပြိုင်ပွဲစုံသွင်းဂိုးနှစ်ဆယ် ပိုင်ဆိုင်ခဲ့တာပါ။
နေရှင်းလိဂ်မှာ ဆာကာကအဆုံးသတ်စွမ်းရည် Upgrade လုပ်လာခဲ့တယ်။ လက်ရွေးစင်အသင်းအတွက်
နောက်ဆုံး လေးပွဲမှာဆာကာ ၅ ဂိုးသွင်းယူနိုင်ခဲ့တယ်။ လိုင်လီနဲ့ချန်ပီယံလိဂ်ပွဲမှာ ဂိုးသွင်းပြီးနောက် ဆာကာရဲ့အာဆင်နယ်ကစားသမားဘဝ
ဉရောပပြိုင်ပွဲသွင်းဂိုးအရေအတွက်က ၁၉ ဂိုးအထိ ရှိလာပါပြီ။
ဂန္ထဝင်အွန်နရီပြီးရင် ဉရောပပြိုင်ပွဲသွင်းဂိုးအများဆုံးအာဆင်နယ်ကစားသမားအဖြစ် ဆာကာ ထည်ဝါနေခဲ့ပါတယ်။
ဆာကာရဲ့ ဉရောပပြိုင်ပွဲ သွင်းဂိုးဖန်တီးမှုကလည်း အွန်နရီ (၁၆ ကြိမ်)၊ ဖာဘရီဂတ်စ် (၁၄ ကြိမ်)ရဲ့နောက် အများဆုံးအဖြစ်ရပ်တည်နေတာပါ။
လိုင်လီနဲ့ပွဲမှာ ဆာကာက ပွဲချိန် ၆၅ မိနစ်ရောက်မှ ဝင်ကစားခဲ့တာပါ။ လိုင်လီနဲ့ပွဲမတိုင်ခင်မှာ နေသိပ်မကောင်းလို့ ဆာကာအရန်ခုံထိုင်ခဲ့ရတယ်။
ဒါပေမဲ့အာဆင်နယ်လိုအပ်ချိန်မှာ ဆာကာက အစွမ်းပြခဲ့တာပါ။ သွင်းဂိုးတစ်ဂိုး၊
ဂိုးဖန်တီးမှုတစ်ကြိမ်နဲ့ မာဒူအေကေထက်ပိုကောင်းတယ်ဆိုတာ ဆာကာသက်သေပြခဲ့တယ်။
ဘယ်လိုပဲဖြစ်ဖြစ်၊ ဆာကာတစ်ယောက် သွင်းဂိုးနဲ့ ဂိုးဖန်တီးမှုတဝေဝေပြန်ဖြစ်လာလို့ အာတီတာဝမ်းမြောက်နေတယ်။
လိုင်လီနဲ့ ပွဲမတိုင်ခင်မှာအာတီတာက ဆာကာကို " ဂိုးမသွင်းနိုင်ရင် ေ-သ- ပြီသာမှတ်" ဆိုပြီး နောက်ပြောင်ခဲ့တယ်။
အဲဒီအချိန်တုန်းက အာတီတာရဲ့စကားကို ဆာကာရယ်ပဲရယ်နေပါတယ်။ ပြီးတော့ သူပြန်လာပြီဆိုတာ သွင်းဂိုးတစ်ဂိုး၊
ဂိုးဖန်တီးမှုတစ်ကြိမ်နဲ့ အာတီတာသိအောင် သရုပ်ဖော်လိုက်ပါတယ်။
သူ ေ-သ- မှာကြောက်လို့တော့ မဟုတ်လောက်ပါဘူး။