မက်ဒရစ်မြေမှာ မိုက်ကယ်ကာရစ် အရှက်ကွဲဦးမလား

မိုက်ကယ်ကာရစ်ဖိအားကာလကို ပိုပြီးဆိုးရွားစေနိုင်မယ့် ပွဲတစ်ပွဲက ရောက်လာပြန်ပြီ။

အက်သလက်တီကိုနဲ့ ချန်ပီယံလိဂ်ပွဲပါ။

ချန်ပီယံလိဂ်သမိုင်းတစ်လျှောက် စပိန်အသင်းတွေနဲ့ ရင်ဆိုင်ရတိုင်းမန်ယူရလဒ်ကောင်းထားပါတယ်။

လာလီဂါအသင်းတွေနဲ့ ၁၁ ပွဲမှာ ၇ ပွဲနိုင်၊ ၃ ပွဲသရေကျပြီး တစ်ပွဲသာရှုံးခဲ့တာပါ။

ဒါပေမဲ့ လက်ရှိအချိန်မှာ မန်ယူအတွက် အက်သလက်တီကိုအသင်းဟာ မြင့်မားတောင်တန်းပါ။

အက်သလက်တီကိုရဲ့ ဖိအားပေးကစားပုံနဲ့ မန်ယူရဲ့ တန်ပြန်တိုက်စစ်ကစားပုံ ဘယ်အရာက  အသာစီးရယူနိုင်မလဲ။

မန်ယူ မျှော်လင့်ရမှာက တန်ပြန်တိုက်စစ်ကနေရမယ့် အခွင့်အရေးတွေပါ။

အဲဒီဗျူဟာအတွက် မန်ယူကအန္တရာယ်ပေးနိုင်တဲ့ ကစားသမားတွေ ပိုင်ဆိုင်ထားပါတယ်။

ဆီမြွန်နီရဲ့အက်သလက်တီကိုက ဘောလုံးပိုင်ဆိုင်ထားချိန်မှာ တိုက်စစ်ကို ဖြေးဖြေးမှန်မှန် ထိထိရောက်ရောက် တည်ဆောက်ပါတယ်။

ဘောလုံးဆုံးရှုံးချိန်မှာ မာဂုဏ်မြင့်မြင့်နဲ့ ပြိုင်ဘက်ကို နေရာလွတ်မပေးဘဲ ပိတ်ဆို့ကစားတာဖြစ်ပါတယ်။

အက်သလက်တီကိုရဲ့ (၄-၄-၂) ကစားကွက်မှာ အလယ်တန်းကစားသမားလေးယောက်ကို  Solid ဖြစ်အောင်ထားပါတယ်။

အဲဒီလိုကစားပုံကြောင့် မန်ယူတိုက်စစ်ရဲ့အဓိကအသက်သွေးကြော ဘရူနိုဖာနန်ဒက်စ် အခက်အခဲရှိလာမှာပါ။

ဘရူနိုဖာနန်ဒက်စ် လှုပ်မရအောင် ထိန်းချုပ်ဖိအားပေးနိုင်ရင် မန်ယူရဲ့ တိုက်စစ်တည်ဆောက်မှု ပျက်သွားနိုင်ပါတယ်။

မန်ယူက အက်သလက်တီကိုကို ဘောလုံးပိုင်ဆိုင်မှုချင်း ယှဉ်ပြိုင်တာထက် ဘောလုံးပြန်ရချိန်မှာ တန်ပြန် တိုက်စစ်ဆင်တာက ပိုထိရောက်ပါလိမ့်မယ်။

ဘရူနိုဖာနန်ဒက်စ်ရဲ့တောင်ပံတိုက်စစ်ပေးပို့မှုတွေက အဓိကဖြစ်လာနိုင်ပါတယ်။

ဒါပေမဲ့ မန်ယူရဲ့ အဓိကအားနည်းချက်က ကွင်းလယ်မာဂုဏ်သံပတ်လျော့နေတာပါ။

ဟန်ချက်မညီဘဲ နေရာလွတ်တွေပေးရသလို၊ တစ်ဉီးချင်းထိန်းချုပ်တာလည်းညံ့ပါတယ်။

အက်သလက်တီကိုတိုက်စစ်မှာ အယ်လ်ဗာရက်ဇ်၊ ဂျိုနသန်ဒေးဗစ်၊ ဘာအီနာတို့က အားနည်းချက်များစွာနဲ့ မန်ယူခံစစ်ကို ဂိုးသွင်းနိုင်ဖို့မခက်ပါဘူး။

ဒီတော့ မက်ဒရစ်မြေမှာ မိုက်ကယ်ကာရစ် အရှက်ထပ်ကွဲဖို့များနေပါတယ်။

မိုက်ကယ်ကာရစ်ရဲ့မန်ယူနည်းပြဘဝနောက်ဆုံးပွဲ ဖြစ်လာနိုင်ပါတယ်။