လိဒ်စ်နဲ့ သရေကျတာ ပျော်နေတာလား မန်ယူ

မန်ယူက ဒီတခါလည်း မနိုင်ပြန်ဘူး၊ စိတ်ပျက်စရာ စွမ်းရည်နဲ့ ခံယူချက်ကို မြင်ရပြန်တယ်။

ထပ်ပြီးရှုံးလို့မဖြစ်တဲ့ အခြေအနေကြောင့် ကာရစ်က အကြောက်တရားတွေလွှမ်းမိုးခံရတယ်။

မန်ယူအသင်းပွဲထွက်လူစာရင်းမှာ တိုက်စစ်ကစားမယ့်သူ သုံးယောက်ပဲပါခဲ့တယ်။ အမ်ဘူမို၊ အာမက်ဒီယာလိုနဲ့ ဘရူနိုဖာနန်ဒက်စ်ပါ။

လိဒ်ယူနိုက်တက်ကို မန်ယူကအဲဒီလိုမျိုးကြောက်ခဲ့ပါတယ်။ မန်ယူအတွက် ကြောက်ရမယ့်အသင်းတွေက တစ်ရာသီပြီးတစ်ရာသီ များသထက်များလာတယ်။

အိမ်နိမ့်စံမန်ယူက အငုံ့စိတ်တွေနဲ့ ရှင်သန်နေရပါတယ်။ ပြီးတော့ မန်ယူကစားသမားတွေဆီမှာ ယုံကြည်စိတ် မရှိတော့ဘူး။

ဦးဆောင်ဂိုးတွေရပေမယ့် အနိုင်ရလဒ်ကိုမထိန်းထားနိုင်တာ အသင်းငယ်လေးတွေရဲ့ဒုက္ခ ဖြစ်ပါတယ်။

လက်ရှိရာသီမှာ မန်ယူက ဦးဆောင်ဂိုးတွေ ပြန်ပြန်ပေးနေရပြီး အသင်းငယ်တစ်သင်းဆန်လာပြီ။

ပရီးမီးယားလိဂ် ၇ ပွဲကစား၊ ၇ မှတ်သာရထားပြီး နှစ်ပေါင်းလေးဆယ်အတွင်း အဆိုးရွားဆုံးရာသီအစ ရလဒ်နဲ့မန်ယူ ရင်ဆိုင်နေရတယ်။

လက်ရှိရလဒ်တွေကို မိုက်ကယ်ကာရစ် မကယ်တင်နိုင်တော့ဘူးလား။

မိုက်ကယ်ကာရစ်ကတော့ အခုအချိန်အထိ သူ့ကစားသမားတွေရဲ့စွမ်းဆောင်ရည်ကို ကျေနပ်နေဆဲပဲ။

မန်ယူကစားသမားတွေက စိတ်ဓာတ်၊ စုစည်းမှုနဲ့ အတူတကွတည်ရှိမှုကို ပြသခဲ့တယ်လို့ မိုက်ကယ်ကာရစ် ချီးကျူးခဲ့တယ်။

မိုက်ကယ်ကာရစ်က " ကျွန်တော်တို့အသင်းက အင်အားကြီးမားတဲ့အစုအဖွဲ့ဖြစ်နေဆဲပါ" လို့ ပြောခဲ့တာပါ။

မန်ယူအသင်းနောက်ခံလူမက်ဂွိုင်းယားကလည်း " လိဒ်စ်က လက်ရှိရာသီပရီးမီးယားလိဂ်မှာ အမြင့်ပျံနေပေမယ့်ကျွန်တော်တို့အကောင်းဆုံး

တုံ့ပြန်နိုင်ခဲ့ပါတယ်။ ကျွန်တော်တို့ရဲ့အရည်အသွေးကို ပြသနိုင်ခဲ့တယ်" လို့ ပြောခဲ့ပြန်တယ်။

အဲဒီစကားတွေကိုကြည့်ရင် လိဒ်စ်အသင်းနဲ့ သရေကျခဲ့တာအတွက် မန်ယူနည်းပြ မိုက်ကယ်ကာရစ်နဲ့ မက်ဂွိုင်းယားတို့ကျေနပ်သာယာနေပုံပါပဲ။

မန်ယူအသင်းက အလယ်အလတ်အဆင့်တောင် မရှိတော့ပါဘူး။