လီဗာပူးလ်ရဲ့တိုက်စစ်ဒုက္ခ

လီဗာပူးလ်နဲ့ပွဲမတိုင်ခင် မန်စီးတီးက ဒုက္ခများနေတယ်။

ဘဏ္ဍာရေးအရှုပ်အထွေးကြောင့် အရေးယူခံရဖို့ သေချာသလောက်ဖြစ်လာပြီးနောက် ပထမဆုံးကစားမယ့်ပွဲပါ။

ဘဏ္ဍာရေးအရှုပ်အထွေး ပြဿနာက မန်စီးတီးရဲ့စွမ်းဆောင်ရည်ကို သက်ရောက်မှုရှိနိုင်ပါတယ်။

ဒါက မန်စီးတီးရဲ့ဒုက္ခဖြစ်ပြီး လီဗာပူးလ်ရဲ့ ကိုယ်ပိုင်ဒုက္ခကတိုက်စစ်ချည့်နဲ့နေတာပါ။

မန်စီးတီးနဲ့ပွဲမှာ အီဆက်ခ်၊ ဂတ်ပိုတို့ မကစားနိုင်တာ လီဗာပူးလ်အတွက် ကြီးမားတဲ့ဒုက္ခဖြစ်ပါတယ်။

သူတို့နှစ်ဉီးက လက်ရှိရာသီပရီးမီးယားလိဂ်မှာ လီဗာပူးလ်တိုက်စစ်ရဲ့အသက်သွေးကြောပါ။

အီဆက်ခ်က လေးဂိုး၊ ဂတ်ပိုက တစ်ဂိုးသွင်းထားတာပါ။ ဂတ်ပိုကသွင်းဂိုးအပြင် ဂိုးဖန်တီးမှု ၃ ကြိမ်ပါ လုပ်ထားတယ်။

လီဗာပူးလ်တိုက်စစ်မှာ အီကီတီကီကလည်း ကာလရှည် နားနေရလို့ မန်စီးတီးနဲ့ပွဲမှာ ဘယ်သူဉီးဆောင်လာမလဲ စိုးရိမ်စရာကောင်းနေပါတယ်။

လီဗာပူးလ်တိုက်စစ်မှာ ဘာကိုလာ၊ အန်ဂူမိုဟာ၊ မူနော့ဇ်တို့လို Wide attacking player တွေရှိပေမယ့် No. 9 ကစားသမားမရှိပါဘူး။

လူငယ်တိုက်စစ်မှူး ကူမက်စ်တစ်ယောက်ပဲ No. 9 ကစားသမားရှိပါတယ်။

လီဗာပူးလ်နည်းပြ အီရာအိုလာကတော့ ကူမက်စ်ကို ယုံကြည်စိတ်အပြည့်ရှိနေသလို၊ ဘာကိုလာ၊ အန်ဂူမိုဟာ၊

မူနော့ဇ်တို့က False 9 ကစားနိုင်တယ်လို့လည်း ယုံကြည်ထားတယ်။

အီရာအိုလာလက်ထက်မှာ လီဗာပူးလ်က ၇ ပွဲကစားပြီးချိန်အထိ ရှုံးပွဲမရှိသေးပေမယ့် စွမ်းဆောင်ရည်က အားရစရာမရှိပါဘူး။

အထူးသဖြင့်ဆာလာမရှိချိန်မှာ လီဗာပူးလ်တိုက်စစ်က ဖျော်ဖြေမှုမပေးနိုင်တော့ဘူး။

အခု လီဗာပူးလ်တိုက်စစ်က ဒဏ်ရာပြဿနာကြောင့် ဒုက္ခများနေပါပြီ။ ပြိုင်ဘက်က လက်ရှိရာသီပရီးမီးယားလိဂ်မှာ

၅ ပွဲဆက်အနိုင်ရထားတဲ့ မန်စီးတီးဖြစ်နေလို့ တိုက်စစ်လူမစုံတာ လီဗာပူးလ်အတွက် စိုးရိမ်စရာပါ။

ဘဏ္ဍာရေးအရှုပ်အထွေးကြောင့်  တစ်ရွာလုံးနဲ့တစ်ယောက်လို ပြစ်တင်တာခံနေရတဲ့ မန်စီးတီးက မခံချင်စိတ်နဲ့ တုံ့ပြန်လာနိုင်တာကလည်း

လီဗာပူးလ်အတွက် သတိထားစရာပါ။