စပါးလုယူခံရတဲ့ ပရီးမီးယားလိဂ်ဖလားအကြောင်း

စပါးလုယူခံရတဲ့ ပရီးမီးယားလိဂ်ဖလားအကြောင်း

ပိုချက်တီနိုက ၂၀၁၆-၁၇ ရာသီ ပရီးမီးယားလိဂ်ဖလားကိုသူ့ရဲ့အသင်းဟောင်းစပါးရသင့်တယ်လို့ တောင်းဆိုလိုက်ပါတယ်။

အဲဒီရာသီမှာ ချယ်လ်ဆီးက ပရီးမီးယားလိဂ်ချန်ပီယံ ဖြစ်ခဲ့ပြီး စပါးက ဒုတိယလူဖြစ်ခဲ့တယ်။

ချယ်လ်ဆီးက ပရီးမီးယားလိဂ်ရဲ့နောက်ကြောင်းပြန် အရေးယူမှုစည်းမျဉ်းနဲ့ ငြိစွန်းပြီး ပေါင် ၁၁ သန်းနီးပါး ပြစ်ဒဏ်ချခံရတယ်။

ပြီးတော့ ရမှတ် ၆ မှတ်ချမှတ်ခံရပြီး အယူခံဝင်ထားပါတယ်။ အဲဒီဖြစ်ရပ်တွေကြောင့် ၂၀၁၆-၁၇ ရာသီ

ကွန်တီရဲ့ချယ်လ်ဆီးအသင်းက ပရီးမီးယားလိဂ်ဖလား မရသင့်ဘူးလို့ ပိုချက်တီနိုယူဆနေတာပါ။

၂၀၂၂ ခုနှစ်မှာ ချယ်လ်ဆီးကို တော့ဒ်ဘိုလေနဲ့ Clearlake Capital က ပိုင်ဆိုင်ပြီးနောက်

ပရီးမီးယားလိဂ်စည်းမျဉ်း ၇၄ ခု ချိုးဖောက်ခဲ့တယ်ဆိုပြီး FA ကို ကိုယ်တိုင်ဝန်ခံသတင်းပေးခဲ့တယ်။

ချယ်လ်ဆီးက တရားမဝင်အေးဂျင့်တွေကို လျှို့ဝှက်ငွေကြေး ပေါင် ၄၇ သန်းပေးခဲ့သလို၊

၂၀၁၁ ခုနှစ်ကနေ ၂၀၁၈ ခုနှစ်ကြားမှာလည်း Third Party တွေကို ပြောင်းရွှေ့ကြေးထက်ပိုပေးပြီး ဆွဲဆောင်ခဲ့ပါတယ်။

၂၀၁၄ ခုနှစ်ကနေ ၂၀၁၉ ခုနှစ်ကြားမှာ စပါးအသင်းအရိပ်အောက်ခိုလှုံဖူးသူ ပိုချက်တီနိုက

" ကျွန်တော့်လက်ထက် စပါးအသင်းက ပရီးမီးယားလိဂ် ချန်ပီယံတစ်ကြိမ်ဖြစ်ခဲ့သင့်ပါတယ်။

ချယ်လ်ဆီးက အဲဒီရာသီမှာ မဟုတ်မှန်တာလုပ်ခဲ့ပြီး အရေးယူခံရတယ်ဆိုရင် ဒုတိယနေရာရပ်တည်တဲ့

အသင်းက ချန်ပီယံဖြစ်သင့်ပါတယ်" လို့ တောင်းဆိုခဲ့ပါတယ်။

ပိုချက်တီနိုက ၂၀၂၃-၂၄ ရာသီမှာ ချယ်လ်ဆီးနည်းပြ ဖြစ်ဖူးပေမယ့် မျက်နှာမပူဘဲ အခုလိုမျိုးပြောခဲ့တာပါ။

တကယ်လို့များ ချယ်လ်ဆီးနေရာမှာ စပါးဆိုရင်ဘယ်လိုဖြစ်လာမလဲဆိုပြီး ပိုချက်တီနို မေးခွန်းထုတ်ပါတယ်။

ပြီးခဲ့တဲ့နှစ်တွေအတွင်းမှာ မန်စီးတီးက  ဘဏ္ဍာရေးစည်းမျဉ်းအချက် ၁၀၀ ကျော် ခြိုးဖောကျခဲ့လို့ ဖလားသိမ်းခံရမယ်၊

ရမှတ်လျှော့ခံရမယ်ဆိုပြီးသတင်းထွက်ခဲ့ဖူးတယ်။

အခုလည်း ပိုချက်တီနိုက ၂၀၁၆-၁၇ ရာသီ  ပရီးမီးယားလိဂ်ချန်ပီယံဆုကို စပါးအသင်း လုယူခံရတယ်လို့ ယုံကြည်နေပါတယ်။