နှုတ်မစောင့်တဲ့လိပ်ကြောင့်ဖြစ်တဲ့ တရုတ်-လာလီဂါ ပဋိပက္ခ

လိပ်နင်ဂျာဘာပေတစ်ယောက် နှုတ်မစောင့်တဲ့လိပ် ဖြစ်ခဲ့ပါတယ်။ ပုံပြင်ထဲမှာ နှုတ်မစောင်တဲ့လိပ်ဟာ ဒုက္ခရောက်ရသလို ဘာပေလည်းနှုတ်မစောင့်လို့ ပြဿနာများနေပါပြီ။

ဘာပေတစ်ယောက်တည်း ပြဿနာများဒုက္ခရောက်ရတာ မဟုတ်ဘဲ တစ်နွယ်ငယ်တစင်ပါ လာလီဂါပြိုင်ပွဲ အတွက်ပါသက်ရောက်မှုကြီးမားနေတယ်။

ကမ္ဘာမှာလုံးဝအထိမခံတဲ့ အရာထဲ Kpop ပရိသ-တ်တွေရယ်၊မန်ယူရယ်၊ တရုတ်နိုင်ငံရယ်က အဆိုးဆုံးဖြစ်မယ်ထင်တယ်။

အဲဒီလိုလုံးဝအထိမခံတဲ့အရာတစ်ခုကို ဘာပေက ရန်သွားစခဲ့မိတာပါ။

ဘာပေက The Bridge ဆိုတဲ့ အစီအစဉ်မှာ တရုတ်အမျိုးသားခေါင်းဆောင် မော်စီတုန်းကို အာ-ဏာ-ရှင် ဆိုပြီး ပြောခဲ့မိတာပါ။

The Bridge အစီအစဉ်မှာ ဘာပေက သူအကြိုက်ဆုံး Meme ဟာ မော်စီတုန်းပုံမှာ သူ့မျက်နှာအစားထိုးထားတဲ့ Meme ဖြစ်တယ်လို့ပြောခဲ့ပါတယ်။

အဲဒီလိုပြောနေရင်း မော်စီတုန်းကို  ပုံပေါ်မှာ သူ့မျက်နှာကို တွဲစပ်ထားတဲ့ ပုံတစ်ပုံကို ရည်ညွှန်းခဲ့ပါတယ်။

အဲဒီလိုပြောရင်း မော်စီတုန်းကို "တရုတ် အာ-ဏာ-ရှင်" လို့ သုံးနှုန်းခဲ့တာပါ။

ဘာပေက အပျော်သဘောနဲ့ပြောတာ ဖြစ်ပေမယ့် တရုတ်အစိုးရမီဒီယာတွေနဲ့ နိုင်ငံခြားရေးဝန်ကြီးဌာနက အတော်လေးဒေါသထွက်ခဲ့ကြတယ်။

တရုတ်ပြည်သူတွေကို စော်ကားတဲ့လုပ်ရပ်ဆိုပြီး ကြေညာခဲ့ပါတယ်။

တရုတ်အစိုးရဘက်က ကြေညာချက်ထုတ်ပြီး မကျေနပ်ကြောင်းပြသခဲ့သလို တရုတ်အချိုရည်ကုမ္ပဏီ Dongpeng နဲ့ ထိပ်တန်းအမှတ်တံဆိပ်တွေက

ဘာပေနဲ့ ချုပ်ဆိုထားတဲ့ စပွန်ဆာစာချုပ်တွေ ချက်ချင်း ဖျက်သိမ်းခဲ့ပါတယ်။

ဘာပေနဲ့ ပတ်သက်တဲ့အရာတွေကို ဆိုရှယ်မီဒီယာ RedNote ကနေဖယ်ရှားခဲ့သလို၊ တရုတ်အားကစားဝက်ဆိုက်တချို့ကလည်း ဘာပေသတင်းတွေမဖော်ပြတော့ပါဘူး။

တရုတ် အားကစားဝက်ဘ်ဆိုက်တစ်ခုက Ballon d'Or အဆင့်ရပ်တည်မှုဖော်ပြတဲ့သတင်းမှာ ဘာပေရဲ့နာမည်ကို မဖော်ပြဘဲ ဖုံးကွယ်ခဲ့တယ်။

တရုတ်နိုင်ငံပိုင် ရုပ်သံ CCTV အပါအဝင် အစိုးရမီဒီယာများစွာကလာလီဂါ ပွဲစဉ်တွေ တိုက်ရိုက်ထုတ်လွှင့်မှုရပ်ဆိုင်းလိုက်သလို၊

လာလီဂါသတင်းတွေလည်း မတင်ဆက်တော့ပါဘူး။

နှုတ်မစောင့်တဲ့လိပ်ကလေးဘာပေကြောင့် တန်ဖိုးကြီးမားတဲ့ တရုတ်ရုပ်သံစျေးကွက်ကို လာလီဂါဆုံးရှုံးရမလိုဖြစ်နေတာပါ။

ဒါကြောင့်ပဲ ဘာပေက သူ့ရဲ့စကားအတွက် တရုတ်ဘက်ကိုပြန်လည်တောင်းပန်ခဲ့သလို၊ လာလီဂါပြိုင်ပွဲဉက္ကဌ တီဘက်စ်ကလည်း

" ဘာပေရဲ့ပြောစကားဟာ သူတို့နဲ့မသက်ဆိုင်ဘဲ နောက်တစ်ခါမဖြစ်ရအောင် ပြင်းပြင်းထန်ထန်သတိပေးသွားမယ်" လို့တောင်းပန်စာထုတ်ပြန်ခဲ့ရပါတယ်။