ဆာကာရဲ့အကောင်းဆုံးစွမ်းရည်ပြန်လည်ခံစားခွင့်ရပြီ

ဆာကာရဲ့အကောင်းဆုံးစွမ်းရည်ပြန်လည်ခံစားခွင့်ရပြီ

ဆာကာရဲ့ဘောလုံးသယ်ယူနိုင်စွမ်းက ပရီးမီးယားလိဂ်မှာ ထိပ်တန်းအဆင့်ပါ။

ကမ္ဘာ့အဆင့်လို့ မျက်စိမှိတ်ပြောနိုင်မယ့်အရည်အသွေးမျိုးလည်း ဆာကာ ပြသနေပါတယ်။

အဓိကက ဆုဖလားအောင်ပွဲတွေဆက်တိုက် ရဖို့ပါပဲ။

ပရီးမီးယားလိဂ်ရပြီးသားဆာကာအတွက် ချန်ပီယံလိဂ်လိုအောင်ပွဲကို လက်ရှိရာသီမှာထပ်ရရင်

ဆာကာရဲ့တန်ဖိုးက ပိုပြီးမြင့်တက်လာလိမ့်မယ်။

အာဆင်နယ်အတွက်ဆာကာက သိပ်ပြီးထူးချွန်တဲ့ ကောက်ကြောင်းပါ။ ပြီးခဲ့တဲ့ရာသီမှာ ဆာကာကစားချိန်မှာ

အာဆင်နယ်က ၄၉ပွဲ အထိနိုင်ပြီး ဆာကာမကစားချိန်မှာ ၁၄ ပွဲသာအနိုင်ရခဲ့တယ်။

အဲဒီကိန်းဂဏနိးတွေဟာ ဆာကာရဲ့တန်ဖိုးကို သက်သေပြနေပါတယ်။

ဆာကာရဲ့အာဆင်နယ်အတွက်အနစ်နာခံလိုစိတ်ကလည်း လေးစားစရာကောင်းပါတယ်။ ပြီးခဲ့တဲ့ရာသီမှာ

ဒဏ်ရာရနေလျက်နဲ့ဝင်ကစားရချိန်တွေ ရှိခဲ့ဖူးတယ်။ အာဆင်နယ်ရဲ့အခက်ခဲဆုံးကာလတွေကို ဆာကာ ရင်ဆိုင်ရဖူးတယ်။

အာဆင်နယ်အတွက် ၂၀၁၉ ခုနှစ်မှာ  ဆာကာ စတင်အမှုထမ်းခဲ့ပါတယ်။ အဲဒီအချိန်တုန်းက

အာဆင်နယ်ဟာ ချန်ပီယံအိပ်မက်တွေရဲ့အဝေးမှာ၊ ဆာကာကလည်း လူမသိသူမသိ ပုံရိပ်လေး၊

အတူတူရုန်းကန်ရင်း လက်ရှိအခြေအနေဆီ ရောက်လာတာပါပဲ။ အာဆင်နယ်ကစားသမားဘဝအစမှာ

ဆာကာက ခံစစ်အစွန်လူအဖြစ် အသုံးတော်ခံခဲ့ရတယ်။ တိုက်စစ်ကို ကူညီရတော့လည်း အခုသူကစားနေတဲ့

ညာတောင်ပံမှာ ကစားခွင့်မရဘူး။ ဘယ်တောင်ပံမှာ ကစားခဲ့ရပါတယ်။

အခက်အခဲတွေကိုစားသုံးရင်း ဆာကာက စွမ်းအင်အဖြစ်ပြောင်းလဲခဲ့တယ်။

အာဆင်နယ်ကိုချန်ပီယံအောင်ပွဲဆီ ရောက်အောင် ပါရမီဖြည့်ပေးခဲ့တယ်။

လက်ရှိရာသီအစမှာလည်း ဆာကာက ဟာဗတ်ဇ်၊ အော်ဒီဂွာတို့နဲ့အတူ အာဆင်နယ်တိုက်စစ်အတွက် ဟန်ချက်ညီညီအစွမ်းပြနေပါတယ်။

ပြိုင်ဘက်အသင်းတွေဟာ အာဆင်နယ်ရဲ့ညာခြမ်းတိုက်စစ်ကိုထိန်းချုပ်ရခက်နေပါတယ်။

ဆာကာက တစ်ကိုယ်ရည်စာခြေစွမ်းအပြင် ချစ်ခြင်းမေတ္တာ၊ သစ္စာတရား၊ ကိုယ့်ကိုယ်ကိုလောင်ကျွမ်းမတတ် ပေးဆပ်မှုတွေနဲ့

အာဆင်နယ်အတွက် အမှုတော်ထမ်းနေပါတယ်။

ဒဏ်ရာပြဿနာသာကင်းစင်နေမယ်ဆိုရင် ဆာကာက ဉရောပဘောလုံးလောကရဲ့အကောင်းဆုံးတောင်ပံကစားသမားတစ်ဉီးပါ။

သေချာတာက ဆာကာရဲ့အကောင်းဆုံးစွမ်းရည်ပြန်လည်ခံစားခွင့်ရပါပြီ။