ပရီးမီးယားလိဂ်ဒိုင်တွေက အသုံးကိုမကျဘူး

ပရီးမီးယားလိဂ်ဒိုင်တွေက အသုံးကိုမကျဘူး

အာဆင်နယ်က နောက်ထပ်ဂုဏ်ယူစရာ Clean Sheet နိုင်ပွဲရပြီး ပရီးမီးယားလိဂ်အမှတ်ပေးဇယား

ဉီးဆောင်သူနေရာသိမ်းပိုက်လိုက်ပေမယ့် အာတီတာမကျေနပ်ပါဘူး။

ဆန်းဒါးလန်းနဲ့ပွဲမှာ ပေးလိုက်ရတဲ့ပယ်နယ်တီကို အာတာတီလုံးဝမကျေနပ်ပါဘူး။ ဆန်းဒါးလန်းကစားသမား ဘောလက်ဒ်က ကွန်ဆာကို

ဂျုဒိုအကွက်နဲ့ ပြစ်ဒဏ်ကျူးလွန်ပေမယ့် အာဆင်နယ်ပယ်နယ်တီ ပေးလိုက်ရလို့ အာတီတာပေါ-က်-ကွဲခဲ့တာပါ။

" ကင်မရာတွေလည်းအများကြီး၊ VAR လည်းရှိတယ်။ ကျွန်တော်တို့က ပွဲတစ်ပွဲကိုအမှားမဖြစ်အောင် ကာကွယ်ရမယ့် တာဝန်ရှိပါတယ်။

ဒါပေမဲ့ အခုပွဲမှာတော့ အမှားကိုမကာကွယ်နိုင်ခဲ့ဘူး။မပေးသင့်ဘဲပေးလိုက်ရတဲ့ပယ်နယ်တီက ကျွန်တော်တို့အသင်းကို

ထိခိုက်စေနိုင်ပါတယ်" လို့ အာတီတာပြစ်တင်ခဲ့တယ်။

ဂိုးမရှိသရေကျနေချိန်မှာ ပယ်နယ်တီပေးလိုက်ရပေမယ့် အာဆင်နယ်ဂိုးသမား ဒေးဗစ်ရာယာ လက်စွမ်းပြ ကာကွယ်နိုင်ခဲ့ပါတယ်။

အဲဒီနောက် အာဆင်နယ်အသင်း တိုက်စစ်ဆင်ခွင့်ရပြီး လူစားဝင်လာတဲ့ ဂီွမာရေ့စ်က

အာဆင်နယ်အသင်းအတွက်အဖွင့်ဂိုးသွင်းယူပေးခဲ့တယ်။ အာဆင်နယ်ရဲ့ဒုတိယဂိုးကို ဆာကာက ပွဲပြီးခါနီးမှာ

ပယ်နယ်တီကနေ သွင်းယူပေးပြီးနှစ်ဂိုးဂိုးမရှိနဲ့အနိုင်ရခဲ့ပါတယ်။

အာတီတာက ဒိုင်တွေတလွဲလုပ်တာမြင်ရလို့ မမျှတသလိုခံစားရပြီး ဝမ်းနည်းမိတယ်လို့ပြောပါတယ်။

" အခုလိုမျိုး ဒိုင်တွေရဲ့အမှားကိုပြောရတာဟာ အာဆင်နယ်တစ်သင်းတည်းအတွက်မဟုတ်ဘဲ ပြိုင်ပွဲတစ်ခုလုံးအတွက်ပါ။

ပရီးမီးယားလိဂ်လိုအဆင့်မျိုးမှာ ဒီလိုအမှားမျိုးမဖြစ်သင့်ပါဘူး ဖြစ်ရပ်ကို အကြိမ်နှစ်ဆယ်ကြည့်ပြီးပါပြီ။

ပယ်နယ်တီပေးရမယ့်ဖြစ်ရပ်လုံးဝမဟုတ်ပါဘူး" လို့ အာတီတာဝေဖန်ခဲ့တယ်။

Pundit တွေကလည်း အာဆင်နယ်အသင်းပေးရတဲ့ ပယ်နယ်တီဟာ လုံးဝမဖြစ်သင့်ဘူးလို့ သုံးသပ်ခဲ့ပါတယ်။

ဆန်းဒါးလန်းနဲ့ပွဲမှာ အာဆင်နယ်အသင်းနိုင်ပွဲမရခဲ့ရင် အခု ပယ်နယ်တီဖြစ်ရပ်က ပိုပြီးဝေဖန်စရာ

ဖြစ်လာမှာပါ။ သေချာတာက ပရီးမီးယားလိဂ်ဒိုင်တွေက တခါတလေကျရင် အဆင့်အတန်းမရှိပါဘူး။