မော်ရင်ဟိုက လုပ်ချလိုက်ပြန်ပြီ

ဗီလာရီးယဲလ်ကို တစ်ဂိုးဂိုးမရှိနဲ့အနိုင်ရပြီးနောက် မော်ရင်ဟိုက သတင်းစာရှင်းလင်းပွဲမတက်ခဲ့ပါဘူး။

ရီးယဲလ်အသင်းအနိုင်ရပေမယ့် မော်ရင်ဟိုက ကွင်းလယ်ဒိုင်ရဲ့ဆုံးဖြတ်ချက်ကိုမကျေနပ်ဘဲ သတင်းစာရှင်းလင်းပွဲမတက်ခဲ့တာပါ။

ဂျာနယ်လစ်တွေက သတင်းစာရှင်းလင်းပွဲလုပ်မယ့်အခန်းထဲစောင့်ဆိုင်းနေပေမယ့်

မော်ရင်ဟိုက " မျှော်သာမျှော် မောင် မလာ" ဇာတ်ကားရိုက်ပြီး ဂျာနယ်လစ်တွေကို အရူးလုပ်ခဲ့ပါတယ်။

မော်ရင်ဟိုပေါက်ကွဲရတဲ့အကြောင်းရင်းက ဒီလိုပါ။

ပွဲချိန်မိနစ် ၇၀ ဝန်းကျင်မှာ ဗင်နီစီယက်စ်က ရီးယဲလ်အတွက် ဒုတိယဂိုးသွင်းယူခဲ့ပါတယ်။

ဗင်နီစီယက်စ် ဂိုးသွင်းပြီးချိန်မှာ မော်ရင်ဟိုက ရီးယဲလ်အသင်းသားတွေနဲ့အတူ အကြီးအကျယ်အောင်ပွဲခံခဲ့ပါတယ်။

ဒါပေမဲ့ ကွင်းလယ်ဒိုင်က VAR ပြန်ကြည့်ပြီးနောက် ဂိုးမသွင်းယူခင် Build up မှာ ဗင်နီစီယက်စ်က ဗီလာရီးယဲလ်ကစားသမား

နာသန်ဆာလီဘာရဲ့ဆံပင်ကို ဆွဲတယ်လို့ယူဆပြီး အနီကတ်ပြခဲ့ပါတယ်။

ဂိုးမရတဲ့အပြင် ဗင်နီစီယက်စ်ပါ ထုတ်ပယ်ခံလိုက်ရလို့ မြွေပါလည်းဆုံး သားလည်းဆုံးဖြစ်ခဲ့ရသူ

မော်ရင်ဟိုက သတင်းစာရှင်းလင်းပွဲမတက်ဘဲ ဆန္ဒပြခဲ့တာပါ။

မော်ရင်ဟိုက ပြီးခဲ့တဲ့စက်တင်ဘာလအတွင်းကစားတဲ့ အက်သလက်တီကိုအသင်းနဲ့ မက်ဒရစ်ဒါဘီပွဲအပြီးမှာလည်း

ဒိုင်တွေရဲ့ဆုံးဖြတ်ချက်ကိုမကျေနပ်လို့ သတင်းစာရှင်းလင်းပွဲအတွင်း အက်သလက်တီကိုကစားသမားတွေလူချတဲ့ဓာတ်ပုံတွေ

Print ထုတ်ပြီး ဝေဖန်ခဲ့ဖူးပါတယ်။

အခုဗီလာရီးယဲလ်နဲ့ပွဲအပြီးမှာလည်း မော်ရင်ဟိုက  သူ့ရဲ့ဗီဇအတိုင်း သတင်းစာရှင်းလင်းပွဲမတက်ဘဲ ခပ်ရွဲ့ရွဲ့တုံ့ပြန်ခဲ့တာပါ။

နည်းပြဘဝမှာ မော်ရင်ဟိုက ဒိုင်တွေနဲ့ ပြဿနာဖြစ်လို့ မကြာခဏ ထုတ်ပယ်ခံရဖူးပါတယ်။