အာဆင်နယ်ကို အနိုင်ရမယ့် နည်းလမ်း

အာဆင်နယ်နည်းပြဘဝမှာ အာတီတာရဲ့နည်းဗျူဟာဖက်ရှင်အမျိုးမျိုး မြင်ခဲ့ရတယ်။

၂၀၁၉ ခုနှစ်မှာ အာတီတာက အာဆင်နယ်နည်းပြ ဖြစ်လာပြီးနောက် အက်ဖ်အေဖလားယူပြခဲ့တယ်။

အဲဒီအချိန်တုန်းက အာတီတာက ခံစစ်ငါးယောက်တန်း ကစားဖို့ဝန်မလေးဘဲ Defensive Style နဲ့ ချီတက်ခဲ့တယ်။

အာဆင်နယ်နည်းပြဘဝ သက်တမ်းကြာလာတဲ့အခါ အာတီတာက အာဆင်နယ်ရဲ့တိုက်စစ်ယဉ်ကျေးမှုကို အသက်ပြန်သွင်းပါတယ်။

၂၀၂၂ ခုနှစ်မှာ အာတီတာက ပြိုင်ဘက်အသင်းကို တဖက်သတ်လွှမ်းမိုးကစားပြီး ရုပ်ပိုင်းဆိုင်ရာသန်မာလွန်းတဲ့ တိုက်စစ်ဉီးစားပေးပုံစံ ဖြစ်လာခဲ့တယ်။

ပြီးခဲ့တဲ့ရာသီမှာ ပရီးမီးယားလိဂ်ချန်ပီယံ ဖြစ်ပြီးနောက် အာတီတာက အာဆင်နယ်ကိုအသွင်ထပ်ပြောင်းနေတယ်။

အရင်တုန်းကထက် ပိုပြီးစွန့်စားကစားဟန်တွေ မြင်လာရတာပါ။ အဲဒီလိုစွန့်စားကစားဟန်ကြောင့် အာဆင်နယ်က ဖျော်ဖြေရေးပိုဆန်လာခဲ့တယ်။

ရလဒ်ရှုံးချင်ရှုံးပါစေ၊ ကစားဟန်မရှုံးစေရဘူး။ အာစင်ဝင်းဂါးလက်ထက်က ပုံစံမျိုးဖြစ်လာတယ်။

ဘရိုက်တန်နဲ့ပွဲမှာ အာဆင်နယ်ဂိုးပြတ်ရှုံးသွားတာ စွန့်စားကစားဟန်ကြောင့်လား။

ပြီးခဲ့တဲ့ရာသီတုန်းက အာဆင်နယ်ကွင်းလယ်မှာ ဇူဘီမန်ဒီက ဒက်ဂလန်ရိုက်စ်နဲ့အတူ Box-to-Box ကစားခဲ့တယ်။

ရာသီကုန်ခါနီးမှာ အဲဒီအထိုင်ပျက်သလိုဖြစ်တော့ လူးဝစ်စကယ်လီကို Holding Midfielder လို အာတီတာ ကစားစေတယ်။

အဲဒီအချိန်ကစပြီး အာတီတာက အသက် ၂၀ အရွယ် လူးဝစ်စကယ်လီကို ယုံကြည်စိတ်ပြင်းထန်ခဲ့ပါတယ်။

လက်ရှိရာသီမှာ အာဆင်နယ်က ဘောလုံးပိုင်ဆိုင်ထားတဲ့အခါ  3-1-6 ပုံစံဖြစ်သွားတယ်။

အဲဒီအခြေအနေမှာ ဒက်ဂလန်ရိုက်စ်က ပြီးခဲ့တဲ့ရာသီကလို တိုက်စစ်ကို လိုက်ပါခွင့်မရဘဲ ကွန်ဆာ၊ ဂါဘရီယဲလ်တို့နဲ့အတူ သုံးယောက်တန်းခံစစ်ကိုသရုပ်ဖော်ရတယ်။

ဒီနေရာမှာ လူးဝစ်စကယ်လီရဲ့အခန်းကဏ္ဍက အရေးကြီးလာပြီ။ ခံစစ်နဲ့ တိုက်စစ်ကို ချိတ်ဆက်ပေးရတဲ့ Single pivot အဖြစ် လူးဝစ်စကယ်လီကစားရတာပါ။

လူးဝစ်စကယ်လီရဲ့ဖိအားဇုန်ထဲ သွေးအေးစွာတုံ့ပြန်နိုင်မှု၊ Hold-up Strength ၊ တစ်ဦးချင်းရင်ဆိုင်တွေ့တဲ့အခါ ကျော်ဖြတ်နိုင်မှု၊

စွန့်စားပေးပို့မှုတွေက အာဆင်နယ်တိုက်စစ်အတွက် အကျိုးရှိနေတယ်။

နည်းပြဟာဇယ်လာရဲ့ဘရိုက်တန်အသင်းက အချိန်တိုင်းမှာ High Intensity ကစားပါတယ်။

Positional Play ကောင်းမွန်ပြီး ချိန်သားကိုက်ရွေ့လျားပုံတွေကအထင်ကြီးစရာပါ။

ဘရိုက်တန်အသင်းရဲ့ Man-to-man press အာဆင်နယ်ရဲ့Shape ကို ပျက်စီးစေတယ်။

ဂိုးရပြီးနောက် Low-block ကစားဟန်ကြောင့် အာဆင်နယ်ပိုပြီးအခက်တွေ့ရတယ်။

ဒီလိုနဲ့ပဲ အာဆင်နယ်အတွက် ခါးသီးတဲ့အရှုံးဖြစ်ခဲ့တယ်။ အာဆင်နယ်ရဲ့အရင်ကထက်ပြိုင်ဘက်ကိုလွှမ်းမိုးကစားလိုစိတ်၊

ဘောလုံးပိုင်ဆိုင်ထားချိန် 3-1-6 ပုံစံဖြစ်သွားပုံတွေကနေအားနည်းချက်ကိုရှာပြီး ဘရိုက်တန် ထိုးနှက်ခဲ့တာပါ။

အာဆင်နယ်နဲ့ရင်ဆိုင်ရတဲ့အခါ ဘရိုက်တန် နည်းလမ်းက တခြားအသင်းတွေအတွက် အလုပ်ထပ်ဖြစ်မလား စိတ်ဝင်စားစရာပါ။