ချန်ပီယံလိဂ်ဖလားက အာဆင်နယ်အတွက်လား

ချန်ပီယံလိဂ်ဖလားက အာဆင်နယ်အတွက်လား

အာဆင်နယ်က လက်ရှိရာသီချန်ပီယံလိဂ်မှာ ဗိုလ်စွဲဖို့ရေပန်းအစားဆုံးအသင်းအဖြစ်ရပ်တည်နေပြီး စွမ်းဆောင်ရည်အရလည်း

ချန်ပီယံလိဂ်ဆုဖလားကို အကြီးအကျယ် မျှော်လင့်ခွင့်ရှိပါတယ်။ Opta ရဲ့ဒေတာအချက်အလက်တွေအရရော၊

ဘောလုံးရေးရာကျွမ်းကျင်သူတွေရဲ့အမြင်အရပါ အာဆင်နယ်က ချန်ပီယံဖြစ်ဖို့နီးစပ်နေတာပါ။

အာဆင်နယ်ရဲ့လက်ရှိရာသီချန်ပီယံလိဂ်ဖလားရနိုင်ခြေက ၂၀ ဒဿမ ၄ ရာခိုင်နှုန်းအထိရှိပါတယ်။

အာဆင်နယ်အသင်းရဲ့နောက်မှာ ဘိုင်ယန်မြူးနစ်က ချန်ပီယံလိဂ်ဖလားရနိုင်ခြေ ၂၀ ရာခိုင်နှုန်းနဲ့ ဒုတိယရေပန်းအစားဆုံး ဖြစ်နေတယ်။

ချန်ပီယံလိဂ်မှာ နှစ်ရာသီဆက်ဗိုလ်စွဲထားတဲ့ PSG က

ချန်ပီယံလိဂ်ဖလားရနိုင်ခြေ ၇ ဒဿမ ၃ ရာခိုင်နှုန်းသာရှိပြီးရေပန်းစားမှု နိမ့်ကျသွားပါတယ်။

လက်ရှိရာသီချန်ပီယံလိဂ်မှာ ဗိုလ်စွဲဖို့ရေပန်းအစားဆုံး ထိပ်ဆုံး ၁၀ သင်းမှာ ပရီးမီးယားလိဂ်အသင်း ၅ သင်းအထိပါဝင်နေပါတယ်။

ပြီးတော့ပရီးမီးယားလိဂ်အသင်းအားလုံးရှုံးထွက် ၁၆ သင်းအဆင့်ရောက်နိုင်ခြေက ၅၀ ရာခိုင်နှုန်းအထိရှိနေတာပါ။

Opta ရဲ့ခန့်မှန်းချက်အရဆိုရင် လက်ရှိရာသီချန်ပီယံလိဂ်မှာ ပရီးမီးယားလိဂ်အသင်းတွေ အောင်ပွဲခံမယ့်အချိန်ပါ။

ပရီးမီးယားလိဂ်အသင်းတွေထဲမှာ လီဗာပူးလ်က ပွဲစဉ်အချောင်ဆုံး၊ မန်စီးတီးက ပွဲစဉ်အကျပ်ဆုံးအဖြစ်

ရပ်တည်နေပါတယ်။ လက်ရှိရာသီချန်ပီယံလိဂ်မှာ ပထမဆုံးကစားခွင့်ရတဲ့အသင်း လေးသင်းရှိပါတယ်။

စီးရီးအေကလပ်ကိုမိုအသင်း၊ သြစတီးယားကလပ် LASK ၊ အဇာဘိုင်ဂျန်ကလပ် ဆာဘာ၊ နော်ဝေကလပ် Viking တို့ပါ။

ပြီးခဲ့တဲ့ရာသီမှာအာဆင်နယ်က ချန်ပီယံလိဂ်ဆီမီးဖိုင်နယ်အဆင့်ကို နှစ်ရာသီဆက်တက်ရောက်နိုင်ပြီး

ဂုဏ်ယူစရာကောင်းခဲ့ပါတယ်။

အာဆင်နယ်အသင်းက ၂၀၀၅-၀၆ ရာသီ၊ ၂၀၀၈-၀၉ ရာသီတွေမှာ ချန်ပီယံလိဂ် ဆီမီးဖိုင်နယ်တက်ရောက်ခဲ့ဖူးပါတယ်။

အဲဒီနောက် ချန်ပီယံလိဂ်မှာ စွမ်းဆောင်ရည် အရောင်မှိန်ခဲ့ပါတယ်။ ပြီးခဲ့တဲ့နှစ်ရာသီဆက်မှာတော့ အာဆင်နယ်က

ချန်ပီယံလိဂ်မှာ ထူးချွန်ထက်မြက်ခဲ့တယ်။  အသင်းသမိုင်းတစ်လျှောက် ပထမဆုံးအကြိမ်အဖြစ် ချန်ပီယံလိဂ်ဆီမီးဖိုင်နယ်ကို

အာဆင်နယ်အသင်း နှစ်ရာသီဆက်တက်ရောက်နိုင်ခဲ့ပါတယ်။

လက်ရှိရာသီမှာလည်းအာဆင်နယ်က  စုဖွဲ့မှုကောင်းပြီး ကစားသမားအသစ်တွေလည်း

အားဖြည့်ထားလို့ ချန်ပီယံလိဂ်မှာအနည်းဆုံး ဆီမီးဖိုင်နယ်ရောက်ဖို့များပါတယ်။