ပရီးမီးယားလိဂ်ကနေ ပထမဆုံးထုတ်ပယ်ခံရမယ့်နည်းပြက ဘယ်သူလဲ?

ပရီးမီးယားလိဂ်ကနေ ပထမဆုံးထုတ်ပယ်ခံရမယ့်နည်းပြက ဘယ်သူလဲ?

International Break ကာလ ရက်သတ္တပတ် သုံးပတ်ဆိုတာ ဘောလုံးလောကအတွက်  သိပ်ပြီးရှည်ကြာပါတယ်။

အထူးသဖြင့် ရလဒ်ဆိုးတွေရင်ဆိုင်နေရတဲ့ ပရီးမီးယားလိဂ်နည်းပြတွေအတွက် အဆိုးညဟာ ရှည်ကြာလွန်းပါတယ်။

သူတို့အနာဂတ် ဘယ်လိုဖြစ်လာမလဲဆိုတာ စိုးတထိတ်ထိတ်စောင့်ဆိုင်းနေရတဲ့ နေ့ရက်တွေပေါ့။

ပရီးမီးယားလိဂ်နည်းပြတွေထဲ  ဖိအားအများဆုံးတစ်ယောက်က မိုက်ကယ်ကာရစ်ပါ။  ပရီးမီးယားလိဂ် ၅ ပွဲကစားပြီး

၅ မှတ်သာရထားတာက ရှက်စရာကောင်းပါတယ်။ ပြီးတော့ မိုက်ကယ်ကာရစ်ရဲ့မန်ယူက လိဂ်ဖလားတစ်လုံး လက်လွှတ်ထားရတယ်။

မိုက်ကယ်ကာရစ်နဲ့ထပ်တူထပ်မျှ ဖိအားရှိနေသူတွေက ဖူလ်ဟမ်နည်းပြ အာဘီလိုအာ၊ စပါးနည်းပြ ဒီဇာဘီတို့ပါ။

တန်းဆင်းဇုန်ထဲရောက်နေတဲ့ ဖူလ်ဟမ်နဲ့ စပါးတို့က ရလဒ်ကောင်းတွေအမြန်ဆုံးလိုအပ်နေပြီ။

ပြီးခဲ့တဲ့နှစ်တွေမှာ စက်တင်ဘာနဲ့ အောက်တိုဘာ International Break ဆိုပြီးနှစ်ပိုင်းကွဲပေမယ့် လက်ရှိရာသီမှာတော့

International Break နှစ်ခုကို ပေါင်းစပ်လိုက်တယ်။ ဒီတော့နည်းပြအပြောင်းအလဲ လုပ်ချင်တဲ့ အသင်းတွေက ပြင်ဆင်ချိန်ပိုရသွားတယ်။

ပြီးခဲ့တဲ့ ၁၀ နှစ်မှာ စက်တင်ဘာလအတွင်း နည်းပြရာထူးကနေထုတ်ပယ်ခံရတာ နှစ်ဦးပဲရှိခဲ့တယ်။

၂၀၁၉ ခုနှစ်မှာ ဝက်ဖို့ဒ်နည်းပြ ဂျာဗီဂါစီယာ၊ ၂၀၂၅ ခုနှစ်မှာ နောတင်ဟန် နူနိုဆန်တိုတို့ပါ။

ပြီးခဲ့တဲ့ ၁၀ နှစ်၊အောက်တိုဘာလအတွင်းမှာလည်း ပရီးမီးယားလိဂ်ကနေ ထုတ်ပယ်ခံရတာနှစ်ယောက်ပဲ ရှိပါတယ်။

၂၀၁၆ ခုနှစ်မှာ ဆွမ်ဆီးနည်းပြ ဂွီဒိုလင်နဲ့ ၂၀၂၁ ခုနှစ်မှာ ဝက်ဖို့ဒ်နည်းပြ မူနော့ဇ်တို့ပါ။

ယေဘုယျပြောရရင် International Break မှာ နည်းပြအပြောင်းအလဲဖြစ်တာ ရှားပါတယ်။

နည်းပြအပြောင်းအလဲ အများဆုံးဖြစ်လေ့ရှိတဲ့ကာလက နိုဝင်ဘာပါ။ ပြီးခဲ့တဲ့ ၁၀ နှစ်၊

နိုဝင်ဘာလအတွင်းမှာ နည်းပြ ၆ ဉီးအထိ ထုတ်ပယ်ခံရဖူးတယ်။ ပြီးခဲ့တဲ့ ၁၀ နှစ်အတွင်း၊

နည်းပြအများဆုံးထုတ်ပယ်ခံရတဲ့ရာသီက ၂၀၂၂-၂၃ ရာသီပါ။ အဲဒီရာသီမှာ နည်းပြ ၁၄ ဉီးအထိအပြောင်းအလဲဖြစ်ခဲ့တယ်။

ပြီးခဲ့တဲ့ရာသီမှာတော့ နည်းပြအပြောင်းအလဲ ၁၁ ဦးအထိ ရှိပြီး ဒုတိယအများဆုံး ဖြစ်ခဲ့တာပါ။

လက်ရှိရာသီမှာလည်း မိုက်ကယ်ကာရစ်၊ ဖူလ်ဟမ်နည်းပြအာဘီလိုအာ၊ စပါးနည်းပြဒီဇာဘီ၊

နော်တင်ဟမ်ဖောရက်စ်နည်းပြ ဂလက်စ်နာတို့ ရာထူးလှုပ်ခတ်နေပါတယ်။

International Break ကာလအတွင်းမှာ ဘယ်သူထုတ်ပယ်ခံရမလဲ..?