အပြာရောင်မျက်ရည်

အပြာရောင်မျက်ရည်

အလွန်ဆိုလက်ထက်ချယ်လ်ဆီးအသင်းက လောကဓံရဲ့ရက်စက်တဲ့ရို-က်ပုတ်မှုကို ခံစားနေရပါပြီ။

လန်ဒန်မြို့ခံပြိုင်ဘက် ဘရန့်ဖို့ဒ်ကို ဂိုးပြတ်ရှုံးပြီး ချယ်လ်ဆီးမျက်နှာငယ်ခဲ့ရတာပါ။

ရာသီအစမှာ ချယ်လ်ဆီးက တိုက်စစ်အစွမ်းနဲ့ လက်ခမောင်းခတ်၊ မော်ကြွားနိုင်ခဲ့ပေမယ့် အခုတော့ ခပ်လွယ်လွယ်ပြိုလဲသွားရတယ်။

ချယ်လ်ဆီးရဲ့ခံစစ်ပြဿနာတွေက ကြီးမားနေဆဲပဲ။

ချယ်လ်ဆီးခံစစ်က တစ်ခုလပ်တစ်ယောက်ရဲ့ ပါးပြင်လိုပဲ၊ သွေးတိုးစမ်းနမ်းရှိုက်ရလွယ်နေတယ်။

ခံစစ်က ဖရိုဖရဲဖြစ်နေချိန်မှာ တိုက်စစ်မှာယော်အိုပတ်ဒရိုမရှိလို့ချယ်လ်ဆီး ဘဲဉမကွဲခဲ့ပါဘူး။

ယော်အိုပတ်ဒရိုနေရာမှာ ဝင်ရောက်ကစားတဲ့ ဝဲလ်ဘတ်က အရောင်မှိန်လွန်းခဲ့တယ်။

ဘောလုံးထိချက် ၁၇ ကြိမ်သာရှိပြီး ၇၁ မိနစ်မှာ လူစားလဲခံခဲ့ရတယ်။

ယော်အိုပတ်ဒရိုလိုမျိုး ပါလ်မာ၊ရော်ဂျာစ်တို့နဲ့ ဝဲလ်ဘက် ချိတ်ဆက်မကစားနိုင်ခဲ့ဘူး။

တိုက်စစ်မှာဟန်ချက်တစ်ခု ပျောက်ဆုံးသွားလို့ ရော်ဂျာစ်ရဲ့ချယ်လ်ဆီးကစားသမားဘဝ အတိတ်ဆိတ်ဆုံးပွဲ ဖြစ်ခဲ့ရတယ်။

တည်ကန်ဘောကနေ ဂိုးတွေပေးရတာကိုလည်း ချယ်လ်ဆီးမပြင်နိုင်ခဲ့ဘူး။

ပြီးခဲ့တဲ့ရာသီကစတင်ပြီး ချယ်လ်ဆီးက တည်ကန်ဘောကနေ ၂၃ ဂိုးအထိ ပေးခဲ့ရပါတယ်။

လက်ရှိရာသီမှာ တည်ကန်ဘောကနေ ချယ်လ်ဆီးဂိုးပေးရတာ ၅ ဂိုးအထိရှိလာပါတယ်။

ချယ်လ်ဆီးကလက်ရှိရာသီမတိုင်ခင်မှာ တည်ကန်ဘောကျွမ်းကျင်သူ အော်စတာမက်ဖီးလ်ကို အသစ်ခန့်ထားပေမယ့် ဘာမှမထူးခြားသေးပါဘူး။

ချယ်လ်ဆီးနောက်ခံလူ ကိုဝဲလ်က " ပြိုင်ဘက်က တည်ကန်ဘောကန်တဲ့အခါ ဂိုးဧရိယာထဲမှာ

ကျွန်တော်တို့က အနိုင်ကျင့်ခံနေရ သလိုပဲ" လို့ဝန်ခံတယ်။ ချယ်လ်ဆီးနည်းပြ အလွန်ဆိုကလည်း

သူ့အသင်းဟာ စိတ်ဓာတ်အားနည်းလွန်းတယ်လို့ ဝန်ခံလိုက်ပါတယ်။

ချယ်လ်ဆီးက ရာသီအစမှာ တိုက်စစ်အစွမ်းနဲ့ ထည်ဝါပေမယ့် အခုတော့ ခံစစ်ဟာကွက်ကြောင့်

၁၂ ဂိုးအထိပေးထားရပြီး မျက်ရည်ပြဇာတ် သရုပ်ဖော်နေရပါတယ်။

အလွန်ဆိုကချယ်လ်ဆီးရဲ့အပြာရောင်မျက်ရည်တွေကို အမြန်ဆုံး သုတ်ပေးဖို့အရေးကြီးနေပါပြီ။