မန်စီးတီးရဲ့အကြီးမားဆုံးဟာကွက်

မန်စီးတီးရဲ့အကြီးမားဆုံးဟာကွက်

ပြီးခဲ့တဲ့နွေရာသီအပြောင်းအရွှေ့စျေးကွက်မှာ ပေါင်သန်းငါးရာနီးပါးသုံးထားပေမယ့်

မန်စီးတီးရဲ့အကြီးမားဆုံး ဟာကွက်ရှိနေတယ်။ ဂွာဒီယိုလာခေတ်လွန် မန်စီးတီးပြန်လည်တည်ထောင်ရေး အတွက် အခုလိုမျိုးငွေသုံးကြမ်းခဲ့တာပါ။

မာရက်စ်ကာကဂွာဒီယိုလာတုန်းကလို စိတ်ကြိုက်ငွေသုံးစွဲခွင့်ရခဲ့တယ်။ အန်ဒါဆန်နဲ့ အန်ဇိုဖာနန်ဒက်ဇ်အတွက် မန်စီးတီးက

အသင်းစံချိန်တင် ပြောင်းရွှေ့ကြေးနှစ်ကြိမ်တိုင် သုံးစွဲခဲ့ပါတယ်။ အန်ဒါဆန်အတွက် ပေါင် ၁၁၆ သန်း၊

အန်ဇိုဖာနန်ဒက်ဇ်အတွက် ပေါင် ၁၂၅ သန်းသုံးစွဲခဲ့တာပါ။ ပြီးတော့ မော်ရိုကိုကြယ်ပွင့် ဘူအာဒီကို ပေါင် ၈၆ သန်းနဲ့ ခေါ် ယူခဲ့တယ်။

ရိုဒရီ၊ ဘာနာဒိုဆေးလ်ဗား၊ ရိုင်ဒါစ်၊ နီကိုဂွန်ဇာလက်ဇ် တို့ မရှိတဲ့ကွင်းလယ်အတွက် မန်စီးတီးရဲ့အစားထိုးစွမ်းအင်က ပြီးပြည့်စုံခဲ့တယ်။

မန်စီးတီးက နောက်ထပ်ခေတ်တစ်ခုအတွက် စတင်ပြင်ဆင်နေတာ အခုမှမဟုတ်ပါဘူး။

၂၀၂၃ ခုနှစ်မှာ ချန်ပီယံလိဂ်ရခဲ့တဲ့အသင်းကို ၂၀၂၅ ခုနှစ်ကစတင်ပြီး သွေ-းသစ်လောင်းခဲ့တယ်။

အခုဆိုရင် ၂၀၂၃ ချန်ပီယံလိဂ်ရအသင်းက ပွဲထွက်ကစားသမား ၁၁ ဦးထဲက ၄ ဦးပဲ ကျန်တော့တယ်။

မန်စီးတီးနည်းပြ မာရက်စ်ကာ ပိုင်ဆိုင်ထားတဲ့ ကစားသမားအစုအဖွဲ့က တစ်နေရာကို နှစ်ယောက်လောက်ရှိပါတယ်။

ချန်ပီယံဆုတွေအတွက် တိုက်ပွဲဝင်နိုင်စွမ်းရှိပါတယ်။

ဒါပေမဲ့ မေးခွန်းကြီးတွေရှိနေတယ်။

အသစ်သိမ်းပိုက်ထားတဲ့ ကွင်းလယ်လူသုံးယောက်ကို တစ်ပြိုင်တည်းအဆင်ပြေအောင်ဘယ်လိုသုံးမလဲ

ဆိုတာရယ်၊ ဟာလန်းဒဏ်ရာရာသွားရင် ဘယ်သူနဲ့အစားထိုးမလဲဆိုတာ ရယ်ပါ။

ဟာလန်း သန်မာနေတဲ့အခါ မန်စီးတီးက ဘောလုံးလောကတစ်ခုလုံးသိမ်းပိုက်နိုင်စွမ်းရှိပါတယ်။

ပြီးခဲ့တဲ့ရာသီမှာ ဟာလန်းကသူ့ရဲ့ အကောင်းဆုံးစွမ်းရည် မရပေမယ့် ၂၇ ဂိုးသွင်းပြီးပရီးမီးယားလိဂ်ဂိုးသွင်းဘုရင် ဖြစ်ခဲ့ပါတယ်။

ဟာလန်းက စက်ရုပ်ဆန်ပေမယ့် သူ့မှာလည်း အနာတရနေ့ရက်တွေရှိနိုင်ပါတယ်။

တကယ်လို့များ ဟာလန်းဒဏ်ရာရသွားရင် မန်စီးတီးမှာအစားထိုးနိုင်မယ့် အထောင်တိုက်စစ်မှူးစစ်စစ် မရှိပါဘူး၊

ပြီးခဲ့တဲ့ရာသီမှာ မာမွတ်ရှ်က ဟာလန်းရဲ့Back up ဖြစ်ခဲ့ပေမယ့် အခုဘယ်သူနဲ့အစားထိုးမလဲ။

ဂွာဒီယိုလာခေတ်တုန်းက False 9 ကစားဖူးပြီး ၂၀၂၃-၂၄ ရာသီမှာ ၁၉ ဂိုးသွင်းတဲ့

ဖိုဒန်က အဖြေတစ်ခုဖြစ်ပေမယ့် ပြီးခဲ့တဲ့နှစ်ရာသီဆက် ရုန်းကန်ခဲ့ရသူဖြစ်လို့ရာနှုန်းပြည့် အားကိုးလို့ရပါ့မလား။

ဆီမန်ညိုက ပြီးခဲ့တဲ့ရာသီဖလားပွဲတချို့မှာ အထောင်တိုက်စစ်နေရာဆော့ခဲ့ဖူးသလို

အသစ်ရောက်လာတဲ့ အန်ဒီရာယီကလည်း တိုက်စစ်စွယ်စုံကစားနိုင်လို့ ဟာလန်းကွက်လပ်အတွက်

အဖြေဖြစ်လာနိုင်ပါတယ်။ ဟာလန်းကမန်စီးတီးရဲ့အကြီးမားဆုံးစွမ်းအင်ဖြစ်သလို၊

သူမရှိရင် မန်စီးတီးရင်ဆိုင်ရမယ့်ဟာကွက်ကလည်း သိပ်ပြီးကြီးမားပါတယ်။