အာဆင်နယ်ကို ရပ်တန့်နိုင်တဲ့အသင်းမရှိသေးဘူး

အာဆင်နယ်ကို ရပ်တန့်နိုင်တဲ့အသင်းမရှိသေးဘူး

နွေရာသီအပြောင်းအရွှေ့ကာလမှာ အာဆင်နယ်က ပေါင်သန်းနှစ်ရာနီးပါး သုံးစွဲခဲ့ပေမယ့် Elite Forward မဝယ်ခဲ့လို့အကြီးအကျယ်ဝေဖန်ခံရတယ်။

ယိုကယ်ရက်စ်နဲ့ ဟာဗတ်ဇ်နှစ်ယောက်တည်း အထောင်တိုက်စစ်ကစားနိုင်သူရှိလို့ တစ်ရာသီလုံးအဆင်ပြေမှာမဟုတ်ဘူးလို့ ယူဆခဲ့ကြတယ်။

အာဆင်နယ်က တိုက်စစ်ပိုင်းအတွက် အယ်လ်ဗာရက်ဇ်၊ မော်ဂန်ရော်ဂျာစ်၊ ဘာကိုလာ၊ဗင်နီစီယက်စ်တို့ကို

ချဉ်းကပ်ပေမယ့် မရခဲ့ဘူး။ ဒါပေမဲ့ အာဆင်နယ်ရဲ့ရာသီအသစ်ချန်ပီယံကာကွယ်ပွဲခရီးစဉ်အစက အေးအေးဆေးဆေး ဖြစ်နေတယ်။

ကိုဗင်ထရီ၊ ဗီလာနဲ့ ချယ်လ်ဆီးအသင်းတွေကို အနိုင်ယူပြီး ပန်းပန်နေဆဲပါ။

အာဆင်နယ်ရဲ့အမှုတော်ကိုထူးချွန်စွာ ထမ်းရွက်လာတဲ့ ဟာဗတ်ဇ်နဲ့ အောျဒီဂှာက

ရာသီသစ်မှာ ဆက်လက်အစွမ်းပြပြီးဂိုးတွေသွင်းခဲ့ပါတယ်။ ပေါင်သန်း ၃၅၀ သုံးထားတဲ့ ချယ်လ်ဆီးက အာဆင်နယ်ကို မယှဉ်နိုင်ဘဲဒူးထောက်ခဲ့ရတယ်။

အာဆင်နယ်အတွက် လက်ရှိရာသီမှာ ၄ ပွဲကစားပြီး ၃ ဂိုး သွင်းထားသူ အော်ဒီဂွာ  က " ကျွန်တော်တို့က

တိုက်ပွဲဝင်စိတ်ဓာတ်ကို ဆက်လက်ထိန်းသိမ်းထားဆဲပါ။ ပွဲအစပိုင်းမှာ ဂိုးမပေးချင်ပေမယ့် ဂိုးပေးလိုက်ရပြီးနောက်ပိုင်းတုံ့ပြန်ပုံက သိပ်ကောင်းပါတယ်။

အဲဒီလိုမျိုးတုံ့ပြန်ပုံကောင်းလို့ အဆုံးသတ်မှာ  အောင်ပွဲရခဲ့တာပါ" လို့ ပြောပါတယ်။

ပြီးခဲ့တဲ့ရာသီ ပရီးမီးယားလိဂ် ၃၆ ပွဲမှာတစ်ဂိုးသာ သွင်းယူနိုင်တဲ့ အော်ဒီဂွာက လက်ရှိရာသီအစမှာ ဖိတ်ဖိတ်လက်စွမ်းရည် ပြသနေတာပါ။

အာဆင်နယ်ရဲ့ချန်ပီယံကာကွယ်ပွဲမှာ အော်ဒီဂွာက အဓိကလူဖြစ်လာပါတယ်။ သူ့ကိုကြည့်ရတာဖျော်ဖြေရေးဆန်လွန်းပါတယ်။

သူဘောလုံးရသွားတိုင်း စိတ်လှုပ်ရှားစရာကောင်းပါတယ်။ ဆာကာ၊ ဟာဗတ်ဇ်တို့နဲ့အတူ အာဆင်နယ်ရဲ့ညာခြမ်းမှာ

အော်ဒီဂွာက ဟန်ချက်ညီညီအစွမ်းပြနေတာပါ။

ဟာဗတ်ဇ်က " အော်ဒီဂွာက မယုံနိုင်စရာကစားသမားပါ။ ပြီးခဲ့တဲ့နှစ်တွေအတွင်းမှာ အော်ဒီဂွာရဲ့ အကောင်းဆုံးပုံစံကို မြင်ခဲ့ရပြီးပါပြီ။

အခုရာသီမှာလည်းအာဆင်နယ်အတွက်အော်ဒီဂွာ အစွမ်းပြဉီးမှာပါ" လို့ ချီးကျူးခဲ့တယ်။

အာဆင်နယ်က ပရီးမီးယားလိဂ်ရာသီအစသုံးပွဲစလုံး အနိုင်ရပြီး နှစ်ဂိုးအောက်သာပေးရတဲ့မှတ်တမ်းကို

နှစ်ကြိမ်ပိုင်ဆိုင်ခဲ့ဖူးပါတယ်။ ၁၉၂၄-၂၅ ရာသီနဲ့၂၀၀၃-၀၄ ရာသီတွေမှာပါ။

၁၉၂၄-၂၅ ရာသီမှာ အဆင့် ၂၀ နဲ့ဇာတ်သိမ်းရပေမယ့် ၂၀၀၃-၀၄ ရာသီမှာ ရှုံးပွဲမရှိချန်ပီယံ ဖြစ်ခဲ့ပါတယ်။

အာဆင်နယ်က ပရီးမီးယားလိဂ်ရဲ့ Power House  ဖြစ်လာပြီးတားဆီးရပ်တန့်နိုင်တဲ့အသင်း ရှားသထက်ရှားလာပါတယ်။