သွင်းဂိုးမုန်တိုင်းကြားက ချန်ပီယံလိဂ်

ဂိုးတွေ၊ ဂိုးတွေ၊ ချန်ပီယံလိဂ်မှာ သွင်းဂိုးတွေ၊ မရေမတွက်နိုင်အောင် များပြားလာတယ်။

လက်ရှိရာသီချန်ပီယံလိဂ် ပွဲစဉ် ၃ ရဲ့ပထမနေ့အပြီးမှာ တစ်ပွဲပျမ်းမျှ ၄ ဒဿမ ၁၆ ဂိုးနဲ့ သွင်းဂိုးစုစုပေါင်း ၁၈၇ ဂိုးအထိ ခံစားခွင့်ရပြီးပါပြီ။

တိုက်စစ်ကစားသမားတွေရဲ့အဆုံးသတ်စွမ်းရည်ဟာ သိပ်ပြီးထက်မြက်နေတယ်။

ချန်ပီယံလိဂ်သမိုင်းတစ်လျှောက် သွင်းဂိုးအများဆုံးရာသီဖြစ်လာဖွယ်ရှိနေပါတယ်။ ချန်ပီယံလိဂ်သမိုင်းမှာ သွင်းဂိုးစံချိန်တင်ထားတဲ့ရာသီတွေက

၁၉၅၉-၆၀ ရာသီမှာ (၄ ဒဿမ ၁၉ ဂိုး)၊ ၁၉၅၅-၅၆ ရာသီမှာ (၄ ဒဿမ ၃၈ ဂိုး)တို့ဖြစ်ပါတယ်။

လက်ရှိရာသီမှာတော့ ပွဲစဉ် ၃ မပြီးဆုံးခင်  စံချိန်တင်သွင်းဂိုးအရေအတွက် မြင်တွေ့ရဖွယ်ရှိနေပြီ။

ပြီးခဲ့တဲ့တပတ်၊ ဗုဒ္ဓဟုးနေ့၊ ချန်ပီယံလိဂ်ပွဲစဥ် ၂ ဒုတိယနေ့တုန်းက ၄၆ ဂိုးအထိမြင်ခဲ့ရပြီး

ချန်ပီယံလိဂ်သမိုင်းတစ်လျှောက် တစ်ရက်တည်းမှာ တတိယမြောက်သွင်းဂိုးအများဆုံးစံချိန်တင်ခဲ့တယ်။

ပြီးခဲ့တဲ့ချန်ပီယံလိဂ်ပွဲစဉ် ၂ မှာ ၇၈ ဂိုးအထိ သွင်းခဲ့ကြပြီး ချန်ပီယံလိဂ်သမိုင်းတစ်လျှောက် သွင်းဂိုးအများဆုံးပွဲစဥ် ဖြစ်ခဲ့ပါတယ်။

သွင်းဂိုးတွေများနေသလို မမေ့နိုင်စရာသွင်းဂိုးတွေလည်း ပိုများလာပါတယ်။

PSG နဲ့ ဘာစီလိုနာပွဲဆိုရင် ပရိသတ်ကိုဖျော်ဖြေမှုပေးပြီး အပြန်အလှန်ဂိုးတွေနဲ့ ဖမ်းစားနိုင်ခဲ့တယ်။

မန်စီးတီး၊ ဘိုင်ယန်မြူးနစ်တို့လိုဘာဖြစ်ဖြစ် တိုက်စစ်ဆိုတဲ့အသင်းတွေကြောင့်လည်း ဂိုးအများပွဲတွေများသထက်များလာတာပါ။

ဘွန်ဒစ်လီဂါဆိုရင် သွင်းဂိုးအများလို့ ပြောကြသလိုပဲ ချန်ပီယံလိဂ်ကလည်း ဂိုးအများနဲ့ အကျိုးများနေပါတယ်။