လှောင်ရယ်သံတွေကို နိုင်ပွဲနဲ့ တိတ်ဆိတ်စေတဲ့မန်စီးတီး

မန်စီးတီးအတွက် လှောင်ရယ်သံတွေ နားမဆံ့နိုင်အောင်ပါပဲ။ အန်ဖီးလ်ဟာမန်စီးတီးအတွက်ဘောလုံးကွင်းမဟုတ်၊

အန်ဖီးလ်ဟာ မန်စီးတီးအတွက် ငရဲခန်းလိုမျိုး ကြိုဆိုခဲ့တယ်။

အန်ဖီးလ်ကွင်းက လီဗာပူးလ်ပရိသတ်တွေဟာ မန်စီးတီးကို လူလိမ်တွေဆိုပြီးတစ်ချိန်လုံးအော်ဟစ် လှောင်ပြောင်ခဲ့တယ်။

ပြီးတော့လီဗာပူးလ်ပရိသတ်တွေရဲ့လက်ထဲမှာ " အရာအားလုံးကို ဓားပြတိုက်ခဲ့သူတွေ" ၊ " လူလိမ်မျိုးဆက်ပရိသတ်တွေ" လို့ အဓိပ္ပာယ်ရမယ့်

စာသားပါဆိုင်းဘုတ်တွေ ကိုင်ဆောင်ပြီး မန်စီးတီးရဲ့ဘဏ္ဍာရေးအရှုပ်အထွေးကို ဆန္ဒပြခဲ့တယ်။

အဲဒီအခြေအနေကြောင့် မန်စီးတီးကစားသမားတွေ ရှက်တတ်ရင် လဲေ-သသွားနိုင်ပါတယ်။

ဒါပေမဲ့ မန်စီးတီးကစားသမားတွေက ကိုယ်လုပ်စရာရှိတာ အကောင်းဆုံးလုပ်ပြခဲ့တယ်။

ဘဏ္ဍာရေးအရှုပ်အထွေးအတွက် အရေးယူမခံမရမချင်း မန်စီးတီးကို တရားခံလို ဆက်ဆံခွင့်မရှိပါဘူး။

ဥပဒေကြောင်းအရ မန်စီးတီးအသင်းက သံသယအကျိုး ခံစားခွင့်ရှိပါတယ်။

ဘောလုံးသမားကဘောလုံးသမားအလုပ်လုပ်၊ တရားသူကြီးကတရားသူကြီးအလုပ်လုပ်၊ လူဆိုတာကိုယ့်အလုပ်ကိုယ်အကောင်းဆုံးလုပ်ရမယ် မဟုတ်လား။

မန်စီးတီးကစားသမားတွေက အဲဒီလိုခံယူချက်နဲ့လီဗာပူးလ်ကို အနိုင်ယူပြခဲ့တယ်။

တကယ်လို့မန်စီးတီးက အပြစ်လုပ်ထားတယ်ဆိုလည်း လက်ရှိမန်စီးတီးကစားသမားတွေနဲ့ တိုက်ရိုက်မသက်ဆိုင်ပါဘူး။

ဒီနေရာမှာ ဥပမာတစ်ခုပေးချင်တယ်။ ၂၀၀၆ စီးရီးအေလုပ်ပွဲအရှုပ်တော်ပုံကြောင့် ဂျူဗင်တပ်စ်အသင်းတန်းဆင်းခဲ့ရတယ်။

ဂျူဗင်တပ်စ်အသင်းထိပ်တန်းတာဝန်ရှိသူတွေက လုပ်ပွဲကျုးလွန်ခဲ့တာဖြစ်လို့ ဂျူဗင်တပ်စ်ကစားသမားတွေနဲ့ တိုက်ရိုက်မသက်ဆိုင်ခဲ့ဘူး။

တန်းဆင်းရပြီးနောက် ဂျူဗင်တပ်စ်ကစားသမားတွေက အသင်းနဲ့အတူ ရပ်တည်ခဲ့တယ်။ တန်းဆင်းငရဲကို အတူဖြတ်သန်းခဲ့ပြီး

စီးရီးအေဆီပြန်လည်ရောက်ရှိအောင်အတူရုန်းကန်ခဲ့ကြပါတယ်။ မန်စီးတီးကစားသမားတွေရဲ့စိတ်ကလည်းအဲဒီလိုမျိုးဖြစ်နေနိုင်ပါတယ်။

မန်စီးတီးအတွက်ပေးဆပ်လိုစိတ်ဟာ အမြင့်ဆုံး ဖြစ်နေကြပါတယ်။ လီဗာပူးလ်နဲ့ပွဲမှာ တစ်ဂိုးသွင်းခဲ့သူ ဟာလန်းက

ပွဲအပြီးမှာမန်စီးတီးပရိသတ်တွေကို နှုတ်ဆက်တော့ မျက်ရည်တွေဝဲတဲ့အထိ စိတ်လှုပ်ရှားနေတယ်။

ဟာလန်းက " မန်စီးတီးနဲ့သက်ဆိုင်သူအားလုံးအတွက်၊ မန်စီးတီးပရိသတ်တွေအားလုံးအတွက် အခုနိုင်ပွဲဟာ ချိုမြိန်လွန်းပါတယ်။

ခက်ခဲကြမ်းတမ်းတဲ့ အချိန်မှာ ကျွန်တော်တို့က အံ့မခန်းစရိုက်လက္ခဏာကို ပြသခဲ့တာပါ။

အန်ဖီးလ်ကွင်းက မန်စီးတီးအတွက်ခက်ခဲတဲ့ကွင်းပါ။ ဂွာဒီယိုလာ-ယာဂန်ကလော့ပ် အားပြိုင်ပွဲနဲ့အတူ နှစ်သင်းစလုံးအတွက်ခက်ခဲခဲ့ပါတယ်။

အန်ဖီးလ်မှာ ခိုင်မာတဲ့စိတ်ဓာတ်နဲ့အတူတကွတည်ရှိနေမှသာ အောင်ပွဲရမှာပါ။ ကျွန်တော်တို့အကောင်းဆုံးကစားပြီးအတူတကွတိုက်ပွဲဝင်ခဲ့ကြပါတယ်။

အဲဒီအရာက ကျွန်တော်တို့လုပ်နိုင်တဲ့တစ်ခုတည်းသော အရာပါ" လို့ ပြောခဲ့တယ်။

မန်စီးတီးနည်းပြမာရက်စ်ကာကလည်း "မန်စီးတီးကို ဝေဖန်သံတွေကဆူညံလွန်းပါတယ်။ အဲဒီအသံတွေကို

နိုင်ပွဲယူပြပြီးတိတ်ဆိတ်စေမှာပါ" လို့ပြောပါတယ်။

မန်စီးတီးက ဘဏ္ဍာရေးအရှုပ်အထွေးကြောင့် အနာဂတ်မှာ ဘာဖြစ်လာမလဲဆိုတပွဲစလိုက်ပေမယ့်

ကိုယ်လုပ်ရမယ့်အလုပ်ကိုအကောင်းဆုံးလုပ်ပြနေတယ်။

လက်ရှိရာသီ ပရီးမီးယားလိဂ်မှာ ၆ ပွဲစလုံးအနိုင်ရပြီး ထိပ်ဆုံးကနေ ထည်ဝါစွာ ရပ်တည်နေပါတယ်။