မန်ယူက ဖာဂူဆန်ရဲ့အသက်ရှည်ဆေး

သမိုင်းတစ်လျှောက် စိတ်ဓာတ်အပြင်းထန်ဆုံးနဲ့ ဒေါသအကြီးဆုံးနည်းပြကို ပြပါဆိုရင် ဆာအဲလက်စ်ဖာဂူဆန်ကိုပဲ ပြရမယ်ထင်တယ်။

သူ့ရဲ့Hairdryer-Treatment တွေကြောင့် မန်ယူကစားသမားတွေရဲ့တိုက်ပွဲဝင်စိတ်ဓာတ်ဟာ အမြဲတမ်း ပြင်းထန်ခဲ့တယ်။

နောက်ဆုံးအချိန်အထိ အရှုံးမပေးလိုတာ မန်ယူရဲ့DNA ဖြစ်ခဲ့တယ်။

၂၀၁၈ ခုနှစ်၊ မေလအတွင်းမှာ ခေါင်းမာလွန်းသူ စကော့တစ်ရှ်အဘိုးကြီးက ဉီးနှောက်သွေးယိုစိမ့်မှုကြောင့်

သူချစ်တဲ့ဘောလုံးပွဲတွေရဲ့အဝေး ထွက်ခွာရမလို ဖြစ်ခဲ့ပါတယ်။ အရေး ပေါ် ခွဲစိတ်ကုသမှု ခံယူရပြီး

လေးလအကြာမှာ ဖာဂူဆန်က သူ့နှလုံးသားထဲက မန်ယူအသင်းရဲ့ပွဲကို ကွင်းထဲလာကြည့်ခဲ့တယ်။

ဖာဂူဆန်က " ကျွန်တော့်အသံပျောက်သွားပြီး စကားမပြောနိုင်ခဲ့ပါဘူး။ တကယ်ထိတ်လန့်စရာပါ။ ကျွန်တော့်မြေးတွေလာကြည့်တော့ စကားပြန်မပြောနိုင်ခဲ့ဘူး။

ကျွန်တော့်ကို ဆရာဝန်တွေက ငှက်နာမည်၊ တိရစ္ဆာန်နာမည်နဲ့ မြစ်နာမည်တွေချရေးခိုင်းတယ်။ အဲဒီနည်းလမ်းနဲ့ စကားပြန်ပြောနိုင်ခဲ့တာပါ"လို့ ရှင်းပြတယ်။

ဖာဂူဆန်က ကျန်းမာရေးမကောင်းချိန်မှာ မန်ယူပွဲကြည့်ပြီးသူ့နာကျင်မှုကို မေ့ပစ်ခဲ့တာပါ။

အိုးလ်ထရက်ဖို့ဒ်ကွင်းထဲ ဖာဂူဆန်နဲ့ သူ့ဇနီးအန်တီကေသီတို့ရောက်လာချိန်မှာ ပရိသတ်တွေက မတ်တပ်ရပ်၊ လက်ခုပ်တီးပြီးဂုဏ်ပြုကြိုဆိုခဲ့ပါတယ်။

အဲဒီဖြစ်ရပ်ကို ဖာဂူဆန် မမေ့နိုင်သေးပါဘူး။ " ကျွန်တော့်ဇနီးက မန်ယူပရိသတ်တွေရဲဲကြိုဆိုပုံကြောင့် မျက်ရည်ကျလုနီးပါး ဖြစ်ခဲ့ပါတယ်။

တကယ်အံ့အားသင့်စရာပဲလို့ပြောတယ်" လို့ ဖာဂူဆန်က အတိတ်ပုံရိပ်တွေအကြောင်း လွမ်းမောတမ်းတစွာပြန်ပြောပြတယ်။

အသက် ၈၅ နှစ်ပြည့်တော့မယ့် " ဒဏ်ရာသေးသေးလေးတွေရှိပေမယ့် နေလို့ထိုင်လို့ကောင်းပါတယ်" လို့ ပြောပါတယ်။

ဖာဂူဆန်အတွက်တော့ မန်ယူဟာ အသက်ရှည်ဆေး ဖြစ်ပါတယ်။

မန်ယူကိုကြည့်နေရချိန်မှာ သူ့ရဲ့ရောဂါတွေ သက်သာသလိုခံစားနေရပါတယ်။