ဒုက္ခတွင်းက လွတ်မြောက်လာသူ

ပြီးခဲ့တဲ့စနေနေ့မတိုင်ခင်အထိ ဖိုဒန်က ဒုက္ခတွင်းထဲ ကျနေခဲ့တယ်။ စွမ်းဆောင်ရည်ကျဆင်းပြီး မန်စီးတီးတိုက်စစ်မှာ စတုတ္ထဦးစားပေးအဆင့် ဖြစ်နေတယ်။

စက်တင်ဘာလအတွင်းကစားတဲ့ မန်ချက်စတာဒါဘီပွဲမှာ ထုတ်ပယ်ခံရတာကလည်း ဖိုဒန်အတွက် စိတ်ပျက်စရာကောင်းခဲ့တယ်။

အဲဒီလို စိတ်ပျက်စရာအခြေအနေကနေ ဖိုဒန်က လွတ်မြောက်လာခဲ့ပြီ။ ပြီးခဲ့တဲ့စနေနေ့ကအစ်ဝစ်ချ်နဲ့ပွဲမှာ ဂိုးသွင်းယူပြီး ဖိုဒန်က ဒုက္ခတွင်းထဲကနေ လွတ်မြောက်လာတာပါ။

အစ်ဝစ်ချ်နဲ့ပွဲက ဂိုးဟာ ဖိုဒန်အတွက် ဆယ်လအတွင်း ပထမဆုံးပရီးမီးယားလိဂ်ဂိုးပါ။

ပရီးမီးယားလိဂ်မှာ ဂိုးလာဘ်ပြန်ပွင့်သွားတဲ့ ဖိုဒန်က ချန်ပီယံလိဂ်မှာလည်း ဆက်လက်တောက်ပခဲ့တယ်။

ဟက်ထရစ်သွင်း၊ ဂိုးဖန်တီးမှုတစ်ကြိမ်လုပ်ပြီး သူပြန်လာပြီဆိုတာအသိပေးလိုက်တယ်။

ဖိုဒန်ရဲ့အကောင်းဆုံးအချိန်ကို ၂၀၂၃-၂၄ ရာသီမှာ မြင်ခဲ့ရဖူးတယ်။ မန်စီးတီးရဲ့ပရီးမီးယားလိဂ်ချန်ပီယံအောင်ပွဲမှာ ၁၉ ဂိုးသွင်းပြီး ပါရမီဖြည့်ပေးခဲ့တယ်။

PFA တစ်နှစ်တာအကောင်းဆုံးကစားသမားဆု ရခဲ့တယ်။ ပြီးခဲ့တဲ့ရာသီမှာတော့ ဖိုဒန်ရဲ့စွမ်းရည်က အနိမ့်ဆုံးဖြစ်ပြီး

ကလပ်နဲ့နိုင်ငံအသင်းနှစ်သင်းပေါင်း ၃၁ ဂိုးသွင်းယူနိုင်ခဲ့ပါတယ်။

မန်စီးတီးနည်းပြ မာရက်စ်ကာက " ဖိုဒန်ဟာ အကောင်းဆုံး English ကစားသမားတစ်ဉီးဆိုတာ ကျွန်တော်ယုံကြည်ခဲ့ပါတယ်။ 

ပြီးခဲ့တဲ့နှစ်ရာသီမှာအကြောင်းအမျိုးမျိုးကြောင့် ဖိုဒန်ရုန်းကန်ခဲ့ရပေမယ့် သူက ထိပ်တန်းကစားသမားပါ" လို့ ချီးကျူးခဲ့တယ်။

ဟာလန်းနဲ့ ဒိုကူမကစားချိန်မှာ မန်စီးတီးတိုက်စစ်အတွက် ဖိုဒန် ထူးချွန်ပြခဲ့တာပါ။  ဖိုဒန်က ၂၀၀၄ ခုနှစ်က ဝိန်းရွန်နီ၊

၂၀၁၉ ခုနှစ်က စတာလင်တို့နောက်ပိုင်း ချန်ပီယံလိဂ်ပွဲတစ်ပွဲမှာ ဟက်ထရစ်သွင်း၊ ဂိုးဖန်တီးမှု ပြုလုပ်နိုင်တဲ့ English ကစားသမားအဖြစ် မှတ်တမ်းဝင်ခဲ့ပါတယ်။

မန်စီးတီးနည်းပြဟောင်း ဂွာဒီယိုလာက ဖိုဒန်ကို False 9 ထားကစားပြီး အောင်မြင်မှုရခဲ့ဖူးတယ်။ ဖိုဒန်ရဲ့ထက်မြက်စွမ်းရည်မြင်ခွင့်ရခဲ့ပါတယ်။

အခုလည်း AEK အေသင်နဲ့ပွဲမှာ ဖိုဒန်က ထူးချွန်ခဲ့ပြီး သွင်းဂိုးတွေအတွက် ဟာလန်းတစ်ယောက်တည်း မှီခိုနေရတဲ့ မန်စီးတီးတိုက်စစ်ရဲ့မဟာဗျူဟာဖြစ်လာပါတယ်။