ပရီးမီးယားလိဂ်ရဲ့ငွေကြေးပါဝါ

ပရီးမီးယားလိဂ်ရဲ့ငွေကြေးပါဝါ

ပရီးမီးယားလိဂ်နွေရာသီကစားသမား ခေါ် ယူမှုအသုံးစရိတ်က ပေါင် ၃ ဒဿမ ၄၆ ဘီလီယံနဲ့ စံချိန်တင်ခဲ့ပါတယ်။

ပြီးခဲ့တဲ့ ၂၀၂၅ ခုနှစ်၊ နွေရာသီအပြောင်းအရွှေ့ကာလက စံချိန်တင်အသုံးစရိတ် ပေါင် ၃ ဒဿမ ၁၄ ဘီလီယံကို

လက်ရှိနွေရာသီမှာ ကျော်ဖြတ်ခဲ့တာလည်းဖြစ်ပါတယ်။

ဘောလုံးသမိုင်းတစ်လျှောက် ပြောင်းရွှေ့ကြေး အမြင့်မားဆုံးကစားသမား ၃ ဉီးရဲ့အပြောင်းအရွှေ့ကလည်း လက်ရှိနွေရာသီမှာမြင်ခဲ့ရပါတယ်။

အဲဒီကစားသမား ၃ ဉီးက ချယ်လ်ဆီးကနေ မန်စီးတီးကိုရောက်ခဲ့တဲ့ အန်ဇိုဖာနန်ဒက်ဇ် ပေါင် ၁၂၅ သန်း၊

ဗီလာကနေ ချယ်လ်ဆီးကိုရောက်ခဲ့တဲ့ မော်ဂန်ရော်ဂျာစ် ပေါင် ၁၁၇ သန်း၊ နော်တင်ဟမ်ဖောရက်စ်ကနေ

မန်စီးတီးကိုရောက်ခဲ့တဲ့ အန်ဒါဆန် ပေါင် ၁၁၅ သန်းတို့ဖြစ်ပါတယ်။

လီဗာပူးလ်က သိမ်းပိုက်လိုက်တဲ့ ဘာကိုလာရဲ့အပြောင်းအရွှေ့ကလည်း Add-on ကြေးပါ ထည့်တွက်မယ်ဆိုရင်

ပေါင် ၁၂၃ သန်းအထိမြင့်တက်လာနိုင်လို့ သမိုင်းတစ်လျှောက် တန်ဖိုးအမြင့်မားဆုံး အပြောင်းအရွှေ့ စာရင်းဝင်ခဲ့ပါတယ်။

၂၀၂၆ နွေရာသီအပြောင်းအရွှေ့ကာလမှာ ငွေအများဆုံးသုံးခဲ့တာ မန်စီးတီးအသင်း ဖြစ်ပြီး

ပေါင် ၄၅၈ သန်းသုံးစွဲခဲ့ပါတယ်။ မန်စီးတီးက ကစားသမားရောင်းချတာကနေ ပေါင် ၃၀၄ သန်းပြန်ရခဲ့လို့

အသားတင်အသုံးစရိတ် ပေါင် ၁၅၄ သန်းသာရှိပါတယ်။

ချယ်လ်ဆီးအသင်းက ပေါင် ၃၄၉ သန်းနဲ့ ဒုတိယငွေအများဆုံးသုံးတဲ့အသင်းအဖြစ်ရပ်တည်ခဲ့ပါတယ်။

ကစားသမား ရောင်းတာကနေ ပေါင် ၃၅၇ သန်း ပြန်ရခဲ့လို့ချယ်လ်ဆီးအသင်းက ပေါင် ၈ သန်း အမြတ်ထွက်ခဲ့ပါတယ်။

၂၀၂၆ နွေရာသီအပြောင်းအရွှေ့ကာလမှာ ထူးခြားချက်က ပရီးမီးယားလိဂ်အသင်းအချင်းချင်း

ကစားသမားအပြောင်းအရွှေ့ ၃၅ ရာခိုင်နှုန်းအထိ မြင့်တက်လာတာပါ။

ပြီးတော့ ပရီးမီးယားလိဂ်အသင်း ၂၀ မှာ ၁၀ သင်းက အသင်းစံချိန်တင်ပြောင်းရွှေ့ကြေး အသုံးပြုခဲ့ကြပါတယ်။

ဘယ်လိုပဲဖြစ်ဖြစ်ပရီးမီးယားလိဂ်ရဲ့နွေရာသီအပြောင်းအရွှေ့ကာလက အစဉ်အလာမပျက်

ငွေသုံးကြမ်းခဲ့ပြီး လာလီဂါ၊ ဘွန်ဒစ်လီဂါ၊ စီးရီးအေနဲ့ ပြင်သစ်လီဂူးက နှိုင်းမယှဉ်သာအောင်ဖြစ်ခဲ့ရပါတယ်။