အာဆင်နယ်က အစွယ်မရှိတဲ့ကျားလား

အာဆင်နယ်က အစွယ်မရှိတဲ့ကျားလား

ဂြေးဇူး၊ မာတင်နယ်လီ၊ ထရိုဆက်၊ နွမ်နရီတို့အားလုံး မရှိတော့ဘူး။ အာဆင်နယ်တိုက်စစ်အင်အားစုက

လျော့ကျသွားတယ်။ လူစာရင်းအရ လျော့ကျသွားသလို အရည်အသွေးအရလျော့ကျသွားမှာလည်း စိုးရိမ်စရာကောင်းပါတယ်။

အထူးသဖြင့်အထောင်တိုက်စစ်မှူးနေရာအတွက် ယိုကယ်ရက်စ်နဲ့ ဟာဗတ်ဇ်နှစ်ယောက်ပဲရှိတယ်။

အဲဒီနှစ်ယောက်ထဲက ဟာဗတ်ဇ်က အထောင်တိုက်စစ်မှူး စစ်စစ်မဟုတ်ပါဘူး။ ပြီးတော့ ဒဏ်ရာအနာတရ ဖြစ်လွယ်ပါတယ်။

မယ်ရီနိုကလည်း ပြီးခဲ့တဲ့ရာသီတွေမှာ အထောင်တိုက်စစ်နေရာအတွက် ပါရမီဖြည့်ရပေမယ့်ရေတိုကုစားမှုပဲ ဖြစ်ပါတယ်။

ပွင့်ပွင့်လင်းလင်း ပြောရရင် အာဆင်နယ်အတွက်  အဆုံးသ-တ်သမားကောင်း အရေးတကြီးလိုအပ်ပါတယ်။

၂၂ နှစ်ကြာဝေးကွာနေတဲ့ ပရီးမီးယားလိဂ်ချန်ပီယံဆု ပြန်လည်သိမ်းပိုက်ပြီးနောက်

အာဆင်နယ်နည်းပြ အာတီတာက " ရည်မှန်းချက်ကြီးမားပြီး မြန်ဆန်ကာစမတ်ကျတဲ့

အပြောင်းအရွှေ့တွေ မြင်ရမယ်" ဆိုပြီး ကြွေးကြော်ခဲ့တယ်။  ချန်ပီယံလိဂ်မှာ ဒုတိယလူဖြစ်ပြီးနောက်

အာတီတာရဲ့ရည်မှန်းချက်က ပိုလို့ရှင်းလင်းပြတ်သားလာတယ်။

Game-changing Attacker တစ်ဉီးလိုအပ်တယ်ဆိုတာ အာတီတာ သိနားလည်ခဲ့တယ်။

ယိုကယ်ရက်စ်က ပြီးခဲ့တဲ့ရာသီမှာ ၂၁ ဂိုးသွင်းခဲ့ပေမယ့် အရေးရယ်အကြောင်းရယ်ဆို အားကိုးမရပါဘူး။

ဒါကြောင့်ပဲ အာတီတာက ပြီးခဲ့တဲ့နွေရာသီမှာ ဉရောပအတွေ့အကြုံရင့်ပြီး A Grade ရှိတဲ့

တိုက်စစ်ကစားသမားတစ်ဉီး ရှာဖွေခဲ့တယ်။ ဗင်နီစီယက်စ်၊ မော်ဂန်ရော်ဂျာစ်၊ ဘာကိုလာ၊

အယ်လ်ဗာရက်ဇ်တို့ဟာအာဆင်နယ်ရဲ့တိုက်စစ်ရှာပုံတော်ခရီးမှာ အဓိကဇာတ်ကောင်တွေ ဖြစ်ခဲ့တယ်။

ဒါပေမဲ့ သူတို့အားလုံးဟာ အာဆင်နယ်ကို ရက်ရက်စက်စက် ငြင်းပယ်ခဲ့တယ်။

အာဆင်နယ်က ဒဏ်ရာပြဿနာမရှိဘူးဆိုရင် ပရီးမီးယားလိဂ်ဖလားကို နောက်တစ်ကြိမ်

ရယူနိုင်စွမ်းရှိတဲ့ တိုက်စစ်အင်အားစုပိုင်ဆိုင်ထားတယ်။ ဒါပေမဲ့ အာဆင်နယ်ရဲ့ တိုက်စစ်အင်အားစုမှာ

ဆာကာ၊ အော်ဒီဂွာတို့က ဟာဗတ်ဇ် လိုပဲ ဒဏ်ရာနတ်ဆိုးပူးကပ်လွယ်ပါတယ်။

နွေရာသီအပြောင်းအရွှေ့စျေးကွက်မှာ တိုက်စစ်မှူးတစ်ဉီး မရခဲ့တာဟာ အာဆင်နယ်ရဲ့ချန်ပီယံအိပ်မက်တွေကို ထိခိုက်သွားစေနိုင်ပါတယ်။

အာဆင်နယ်က ပရီးမီးယားလိဂ်ရဲ့ကျားဖြစ်လာပါပြီ။

ဒါပေမဲ့ အစွယ်မရှိတဲ့ကျား မဖြစ်အောင် ဂရုစိုက်ရပါမယ်။